1 Chronicles 25

Lao Bible 2012 (ພຣະຄຳພີສັກສິ)

← Chapter 24 Jump to: Chapter 26 →

1ກະສັດດາວິດແລະບັນດາຜູ້ນຳຂອງຊາວເລວີໄດ້ເລືອກຫົວໜ້າຕະກຸນ ເພື່ອໃຫ້ນຳການນະມັດສະການ ມີດັ່ງນີ້: ອາສັບ, ເຮມານ ແລະເຢດູທູນ. ພວກເຂົາປະກາດຖ້ອຍຄຳຂອງພຣະເຈົ້າ ປະສົມປະສານກັບການບັນເລງພິນ ແລະຕົບແສ່ງ. ລາຍຊື່ຂອງບຸກຄົນທີ່ໄດ້ຖືກຄັດເລືອກໃຫ້ນຳການນະມັດສະການ ພ້ອມກັບໜ້າທີ່ຂອງແຕ່ລະກຸ່ມທີ່ຕົນສັງກັດຢູ່ມີດັ່ງນີ້:

2ລູກຊາຍສີ່ຄົນຂອງອາສັບມີດັ່ງນີ້: ຊັກກູເຣ, ໂຢເຊັບ, ເນທານີຢາ ແລະອາຊາເຣລາ. ພວກເຂົາຢູ່ໃຕ້ການຊີ້ນຳຂອງອາສັບ ຜູ້ປະກາດຖ້ອຍຄຳຂອງພຣະເຈົ້າເມື່ອກະສັດສັ່ງການ.

3ລູກຊາຍຫົກຄົນຂອງເຢດູທູນມີດັ່ງນີ້: ເກດາລີຢາ, ເຊຣີ, ເຢຊາອີຢາ, ຊີເມອີ, ຮາຊາບີຢາ ແລະມັດຕີທີຢາ. ພາຍໃຕ້ການຊີ້ນຳຂອງພໍ່ຕົນ ພວກເຂົາໄດ້ປະກາດຖ້ອຍຄຳຂອງພຣະເຈົ້າ ປະສົມປະສານກັບການບັນເລງພິນ ເພື່ອໂມທະນາຂອບພຣະຄຸນແລະຮ້ອງເພງສັນລະເສີນພຣະເຈົ້າຢາເວ.

4ລູກຊາຍສິບສີ່ຄົນຂອງເຮມານມີດັ່ງນີ້: ບຸກກີຢາ, ມັດຕານີຢາ, ອຸດຊີເອນ, ເຊບູເອນ, ເຢຣີໂມດ, ຮານານີຢາ, ຮານານີ, ເອລີອາທາ, ກິດດັນຕີ, ໂຣມາມຕີເອເຊ, ໂຢຊະເບກາຊາ, ມັນໂລທີ, ໂຮທີເຣ ແລະມາຮາຊີອົດ.

5ພຣະເຈົ້າໄດ້ໃຫ້ເຮມານ ຜູ້ທຳນວາຍຂອງກະສັດ ມີລູກຊາຍສິບສີ່ຄົນນີ້ກັບລູກສາວອີກສາມຄົນ ຕາມທີ່ພຣະອົງໄດ້ສັນຍາໄວ້ ເພື່ອໃຫ້ຣິດອຳນາດແກ່ເຮມານ.

6ລູກຊາຍທຸກຄົນຕົບແສ່ງກັບດີດພິນພາຍໃຕ້ການຊີ້ນຳຂອງຜູ້ເປັນພໍ່ ເພື່ອປະສົມປະສານການນະມັດສະການໃນວິຫານຂອງພຣະເຈົ້າຢາເວ. ສ່ວນອາສັບ, ເຢດູທູນ ແລະເຮມານ ແມ່ນຢູ່ໃຕ້ຄຳສັ່ງຂອງກະສັດ.

7ຊາຍຊາວສີ່ຄົນນີ້ລ້ວນແລ້ວແຕ່ເປັນຜູ້ຊ່ຽວຊານ; ແລະພີ່ນ້ອງຊາວເລວີກໍລ້ວນແລ້ວແຕ່ເປັນນັກດົນຕຼີ ທີ່ໄດ້ຮັບການຝຶກຊ້ອມຖວາຍແກ່ພຣະເຈົ້າຢາເວມາແລ້ວ. ພວກເຂົາມີທັງໝົດສອງຮ້ອຍແປດສິບແປດຄົນ.

8ພວກເຂົາໃຊ້ສະຫລາກ ບໍ່ວ່າສຳລັບຜູ້ໜຸ່ມຫລືຜູ້ແກ່ ບໍ່ວ່າສຳລັບຜູ້ທີ່ຊຳນານຫລືເລີ່ມຕົ້ນໃໝ່ກໍຕາມ ເພື່ອຮັບໜ້າທີ່ມອບໝາຍ.

9ສະຫລາກທີໜຶ່ງ ໄດ້ແກ່ໂຢເຊັບ ຄອບຄົວອາສັບ; ທີສອງ ໄດ້ແກ່ເກດາລີຢາ ພ້ອມທັງພວກພີ່ນ້ອງກັບພວກລູກຊາຍຂອງຕົນ ມີສິບສອງຄົນ;

10ທີສາມ ໄດ້ແກ່ຊັກກູເຣ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

11ທີສີ່ ໄດ້ແກ່ເຊຣີ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

12ທີຫ້າ ໄດ້ແກ່ເນທານີຢາ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

13ທີຫົກ ໄດ້ແກ່ບຸກກີຢາ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

14ທີເຈັດ ໄດ້ແກ່ອາຊາເຣລາ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

15ທີແປດ ໄດ້ແກ່ເຢຊາອີຢາ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

16ທີເກົ້າ ໄດ້ແກ່ມັດຕານີຢາ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

17ທີສິບ ໄດ້ແກ່ຊີເມອີ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

18ທີສິບເອັດ ໄດ້ແກ່ອາຊາເຣນ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

19ທີສິບສອງ ໄດ້ແກ່ຮາຊາບີຢາ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

20ທີສິບສາມ ໄດ້ແກ່ຊູບາເອນ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

21ທີສິບສີ່ ໄດ້ແກ່ມັດຕີທີຢາ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

22ທີສິບຫ້າ ໄດ້ແກ່ເຢຣີໂມດ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

23ທີສິບຫົກ ໄດ້ແກ່ຮານານີຢາ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

24ທີສິບເຈັດ ໄດ້ແກ່ໂຢຊະເບກາຊາ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

25ທີສິບແປດ ໄດ້ແກ່ຮານານີ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

26ທີສິບເກົ້າ ໄດ້ແກ່ມັນໂລທີ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

27ທີຊາວ ໄດ້ແກ່ເອລີອາທາ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

28ທີຊາວເອັດ ໄດ້ແກ່ໂຮທີເຣ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

29ທີຊາວສອງ ໄດ້ແກ່ກິດດັນຕີ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

30ທີຊາວສາມ ໄດ້ແກ່ມາຮາຊີອົດ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ;

31ທີຊາວສີ່ ໄດ້ແກ່ໂຣມາມຕີເອເຊ ພ້ອມທັງພວກລູກຊາຍກັບພວກພີ່ນ້ອງຂອງຕົນ ມີສິບສອງຄົນ.

← Chapter 24 Jump to: Chapter 26 →