1 Chronicles 7 — Lao Bible 2012 (ພຣະຄຳພີສັກສິ)

1ອິດຊາຄາມີລູກຊາຍສີ່ຄົນ ດັ່ງນີ້: ໂຕລາ, ປູອາ, ຢາຊຸບ ແລະຊີມໂຣນ.

2ໂຕລາມີລູກຊາຍຫົກຄົນ ດັ່ງນີ້: ອຸດຊີ, ເຣຟາອີຢາ, ເຢຣິເອນ, ຢາມາຍ, ອີບສາມ ແລະເຊມູເອນ. ພວກເຂົາເປັນຫົວໜ້າຄອບຄົວຕ່າງໆໃນຕະກຸນໂຕລາແລະເປັນທະຫານທີ່ມີຊື່ສຽງດີ. ໃນສະໄໝຂອງກະສັດດາວິດ ເຊື້ອສາຍຂອງພວກເຂົາມີຊາວສອງພັນຫົກຮ້ອຍຄົນ.

3ອຸດຊີມີລູກຊາຍຜູ້ໜຶ່ງຊື່ວ່າ ອີຊະຣາຮີຢາ. ອີຊະຣາຮີຢາແລະລູກຊາຍສີ່ຄົນຂອງລາວມີດັ່ງນີ້: ມີກາເອນ, ໂອບາດີຢາ, ໂຢເອນ ແລະອິດຊີຢາ. ພວກເຂົາເປັນຫົວໜ້າຄອບຄົວໝົດທຸກຄົນ.

4ພວກເຂົາໄດ້ເມຍຫລາຍຄົນຈຶ່ງມີລູກຢ່າງຫລວງຫລາຍ ຈົນບັນດາເຊື້ອສາຍຂອງພວກເຂົາເປັນທະຫານໄດ້ມີສາມສິບຫົກພັນຄົນ.

5ຈຳນວນທາງການຂອງຊາຍສະກັນໃນຄອບຄົວຂອງເຜົ່າອິດຊາຄາ ທີ່ເປັນທະຫານໄດ້ມີແປດສິບເຈັດພັນຄົນ.

6ເບັນຢາມິນມີລູກຊາຍສາມຄົນ ດັ່ງນີ້: ເບລາ, ເບເຄ ແລະເຢດີອາເອນ.

7ເບລາມີລູກຊາຍຫ້າຄົນ ດັ່ງນີ້: ເອຊະໂບນ, ອຸດຊີ, ອຸດຊີເອນ, ເຢຣິໂມດ ແລະອີຣິ. ພວກເຂົາເປັນຫົວໜ້າຄອບຄົວຕ່າງໆໃນຕະກຸນ ແລະເປັນທະຫານທີ່ມີຊື່ສຽງດີ. ຊາຍສະກັນໃນເຊື້ອສາຍຂອງພວກເຂົາທີ່ເປັນທະຫານໄດ້ມີຊາວສອງພັນສາມສິບສີ່ຄົນ.

8ເບເຄມີລູກຊາຍເກົ້າຄົນ ດັ່ງນີ້: ເຊມີຣາ, ໂຢອາດ, ເອລີເອເຊ, ເອລີໂອນາຍ, ອົມຣີ, ເຢເຣໂມດ, ອາບີຢາ, ອານາທົດ ແລະອາເລເມັດ.

9ຈຳນວນທາງການຂອງຊາຍສະກັນໃນເຊື້ອສາຍພວກເຂົາທີ່ເປັນທະຫານໄດ້ມີຊາວພັນສອງຮ້ອຍຄົນ.

10ເຢດີອາເອນມີລູກຊາຍຜູ້ໜຶ່ງຊື່ວ່າ ບິນຮານ; ແລະບິນຮານມີລູກຊາຍເຈັດຄົນ ດັ່ງນີ້: ເຢອຸດ, ເບັນຢາມິນ, ເອຮຸດ, ເຄນາອານາ, ເຊທານ, ຕາກຊິດ ແລະອາຮິຊາຮາ.

11ພວກເຂົາໄດ້ເປັນຫົວໜ້າຄອບຄົວຕ່າງໆໃນຕະກຸນ ແລະເປັນທະຫານທີ່ມີຊື່ສຽງດີ. ຈຳນວນຊາຍສະກັນໃນເຊື້ອສາຍຂອງພວກເຂົາທີ່ເປັນທະຫານໄດ້ມີສິບເຈັດພັນສອງຮ້ອຍຄົນ.

12ຊຸບປິມແລະຮຸບປິມກໍລວມຢູ່ໃນເຜົ່ານີ້ເຊັ່ນກັນ. ດານມີລູກຊາຍຜູ້ໜຶ່ງຊື່ວ່າ ຮູຊິມ.

13ເນັບທາລີມີລູກຊາຍສີ່ຄົນ ດັ່ງນີ້: ຢາຊີເອນ, ກູນີ, ເຢເຊ ແລະຊານລູມ. (ພວກເຂົາເປັນເຊື້ອສາຍຂອງນາງບິນຮາ.)

14ມານາເຊມີລູກຊາຍສອງຄົນທີ່ເກີດຈາກເມຍນ້ອຍຊາວອາຣາມ ມີດັ່ງນີ້: ອາສະຣິເອນແລະມາກີ. ມາກີເປັນພໍ່ຂອງກີເລອາດ,

15ມາກີໄດ້ຫາເມຍໃຫ້ຮຸບປິມແລະຊຸບປິມຜູ້ລະຄົນ. ເອື້ອຍຂອງລາວຊື່ວ່າ ມາອາກາ. ລູກຊາຍຜູ້ທີສອງຂອງມາກີຊື່ວ່າ ເຊໂລເຟຮັດ ແລະເຊໂລເຟຮັດມີແຕ່ລູກສາວເທົ່ານັ້ນ.

16ມາອາກາເມຍຂອງມາກີ ມີລູກຊາຍສອງຄົນຊື່ວ່າ ເປເຣັດແລະເຊເຣັດ. ເປເຣັດມີລູກຊາຍສອງຄົນຊື່ວ່າ ອູລາມແລະເຣເກມ,

17ແລະອູລາມມີລູກຊາຍຜູ້ໜຶ່ງຊື່ວ່າ ເບດານ. ບຸກຄົນທັງໝົດເຫຼົ່ານີ້ແມ່ນເຊື້ອສາຍຂອງກີເລອາດ ລູກຊາຍຂອງມາກີແລະຫລານຊາຍຂອງມານາເຊ.

18ຮາມໂມເລເກັດເອື້ອຍຂອງກີເລອາດມີລູກຊາຍສາມຄົນ ດັ່ງນີ້: ອີໂຊດ, ອາບີເອເຊ ແລະມາລາ.

19ເຊມີດາມີລູກຊາຍສີ່ຄົນ ດັ່ງນີ້: ອາຮີອານ, ຊີເຄມ, ລີຄີ ແລະອານີອາມ.

20ບຸກຄົນເຫຼົ່ານີ້ແມ່ນເຊື້ອສາຍຈາກເຊັ່ນໜຶ່ງ ຫາອີກເຊັ່ນໜຶ່ງຂອງເອຟຣາອິມ ມີດັ່ງນີ້: ຊູເທລາ, ເບເຣັດ, ລູກຊາຍຂອງເບເຣັດແມ່ນຕາຮາດ, ລູກຊາຍຂອງຕາຮາດແມ່ນເອເລອາດາ, ລູກຊາຍຂອງເອເລອາດາແມ່ນຕາຮາດ

21ລູກຊາຍຂອງຕາຮາດແມ່ນຊາບາດ, ລູກຊາຍຂອງຊາບາດແມ່ນຊູເທລາ. ນອກຈາກນີ້, ເອຟຣາອິມຍັງມີລູກຊາຍຄົນອື່ນອີກ ດັ່ງນີ້: ເອເຊແລະເອເລອາດຜູ້ທີ່ໄດ້ຖືກຂ້າຕາຍ ເມື່ອຊອກຫາລັກເອົາຝູງງົວຂອງຊາວກາດ.

22ເອຟຣາອິມ ພໍ່ຂອງພວກເຂົາໄດ້ໄວ້ທຸກໃຫ້ເປັນເວລາຫລາຍວັນ ແລະພວກພີ່ນ້ອງກໍໄດ້ມາເລົ້າໂລມໃຈລາວ.

23ແລ້ວລາວກໍສົມສູ່ກັບເມຍຂອງຕົນອີກ ນາງຈຶ່ງຖືພາແລະເກີດລູກຊາຍຜູ້ໜຶ່ງ. ເຂົາຈຶ່ງໃສ່ຊື່ໃຫ້ລາວວ່າ ເບຣິຢາ ເພາະຄວາມເດືອດຮ້ອນທີ່ໄດ້ເກີດຂຶ້ນກັບຄອບຄົວຂອງພວກເຂົານັ້ນ.

24ເອຟຣາອິມມີລູກສາວຄົນໜຶ່ງຊື່ວ່າ ເຊເອຣາ. ນາງໄດ້ສ້າງເມືອງຕ່າງໆຢູ່ທາງເບັດໂຮໂຣນຕອນເທິງແລະຕອນລຸ່ມ ແລະອຸດເຊັນ-ເຊເອຣາ.

25ເອຟຣາອິມຍັງມີລູກຊາຍຜູ້ໜຶ່ງຊື່ວ່າ ເຣຟາ. ເຊື້ອສາຍຂອງລາວ ດັ່ງນີ້: ລູກຊາຍຂອງເຣຟາແມ່ນເຣເຊັບ, ລູກຊາຍຂອງເຣເຊັບແມ່ນເຕລາ, ລູກຊາຍຂອງເຕລາແມ່ນຕາຮານ,

26ລູກຊາຍຂອງຕາຮານແມ່ນລາດານ, ລູກຊາຍຂອງລາດານແມ່ນອາມມີຮຸດ, ລູກຊາຍຂອງອາມມີຮຸດແມ່ນເອລີຊາມາ,

27ລູກຊາຍຂອງເອລີຊາມາແມ່ນນູນ, ລູກຊາຍຂອງນູນແມ່ນໂຢຊວຍ.

28ເຂດແດນທີ່ພວກເຂົາຕັ້ງຫລັກແຫຼ່ງຢູ່ນັ້ນລວມເອົາທັງເບັດເອນ ແລະຕົວເມືອງຕ່າງໆທີ່ຢູ່ອ້ອມແອ້ມ ຈົນເຖິງທາງທິດຕາເວັນອອກຂອງນາອາຣານ ເລີຍໄປຮອດທິດຕາເວັນຕົກເກເຊແລະຕົວເມືອງຕ່າງໆທີ່ຢູ່ອ້ອມແອ້ມນັ້ນ. ເຂດແດນນີ້ໄດ້ລວມເອົາເມືອງທັງຫລາຍຂອງຊີເຄມແລະໄອຢາ ຕະຫລອດທັງເມືອງຕ່າງໆທີ່ຢູ່ອ້ອມແອ້ມນັ້ນດ້ວຍ.

29ເຊື້ອສາຍຂອງມານາເຊໄດ້ປົກຄອງເມືອງຕ່າງໆ ດັ່ງນີ້: ເບັດເຊອານ, ຕາອານັກ, ເມກິດໂດ ແລະໂດເຣ, ຕະຫລອດທັງເມືອງຕ່າງໆທີ່ຢູ່ອ້ອມແອ້ມນັ້ນດ້ວຍ. ເມືອງທັງໝົດເຫຼົ່ານີ້ແມ່ນບ່ອນທີ່ເຊື້ອສາຍຂອງໂຢເຊັບ ລູກຊາຍຂອງຢາໂຄບ ອາໄສຢູ່.

30ບຸກຄົນເຫຼົ່ານີ້ແມ່ນເຊື້ອສາຍຂອງອາເຊ. ອາເຊມີລູກຊາຍສີ່ຄົນ ດັ່ງນີ້: ອີມນາ, ອີຊະວາ, ອີຊະວີ ແລະເບຣິຢາ ແລະມີລູກສາວຜູ້ໜຶ່ງຊື່ວ່າ ເສຣາ.

31ສ່ວນເບຣິຢານັ້ນມີລູກຊາຍສອງຄົນຊື່ວ່າ ເຮເບແລະມັນກີເອນ. (ມັນກີເອນຜູ້ເປັນພໍ່ຂອງບີຣະຊາອິດ.)

32ເຮເບມີລູກຊາຍສາມຄົນ ດັ່ງນີ້: ຢາຟະເລດ, ໂຊເມ ແລະໂຮທາມ ແລະມີລູກສາວຜູ້ໜຶ່ງຊື່ວ່າ ຊູອາ.

33ຢາຟະເລດມີລູກຊາຍສາມຄົນເຊັ່ນກັນ ດັ່ງນີ້: ປາສັກ, ບີມຮານ ແລະອາຊະວາດ.

34ສ່ວນໂຊເມ ນ້ອງຊາຍຂອງລາວນັ້ນມີລູກຊາຍ ດັ່ງນີ້: ອາຮີ, ໂຣກາ, ຮຸບບາ ແລະອາຣາມ.

35ໂຮທາມ ນ້ອງຊາຍຂອງລາວມີລູກຊາຍສີ່ຄົນ ດັ່ງນີ້: ໂຊພາ, ອີມນາ, ເຊເລັດ ແລະອາມານ.

36ເຊື້ອສາຍຂອງໂຊພາ ມີດັ່ງນີ້: ສູອາ, ຮັກເນເຟ, ຊູອານ, ເບຣີ, ອິມຣາ,

37ເບເຊ, ໂຮດ, ຊາມມາ, ຊິນຊາ, ອີທະຣານ ແລະເບເອຣາ.

38ສ່ວນເຊື້ອສາຍຂອງເຢເທີ ມີດັ່ງນີ້: ເຢຟຸນເນ, ປີສະປາ, ອາຣາ,

39ແລະເຊື້ອສາຍຂອງອຸນລາ ມີດັ່ງນີ້: ອາຣາ, ຮານນີເອນ, ຣີຊີອາ.

40ຄົນທັງໝົດເຫຼົ່ານີ້ແມ່ນເຊື້ອສາຍຂອງອາເຊ. ພວກເຂົາທັງໝົດເປັນຫົວໜ້າຄອບຄົວ ທັງເປັນນັກຮົບທີ່ເກັ່ງກ້າແລະເປັນຜູ້ນຳທີ່ສຳຄັນ. ຈຳນວນຊາຍສະກັນໃນເຊື້ອສາຍຂອງອາເຊທີ່ເປັນທະຫານໄດ້ມີຊາວຫົກພັນຄົນ.