bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 15
Exodus 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 16 →
1
Tsaynö salvanqanpitam Moiséswan llapan Israel runakuna Tayta Diosta cantar alabayarqan: Tayta Diostam alabashä. Paymi Egipto runakunata, caballunkunata y muntaraqninkunatapis poderninwan lamarchö ushakätsishqa. Tsayta musyarmi poderyuq kanqanta pïmaypis tantiyakuyanqa.
2
Tayta Diosmi imaypis kallpata qaraman. Paytam imaypis alabä. Diosnï kaptinmi payta alabashä. Paymi awilükunapa Diosnin. Imaypis payllatam adorashä.
3
Tayta Diosqa poderösu soldädum. Jutinpis Yahwehmi.
4
Tayta Diosmi carrëtantinta Faraónpa soldädunkunata lamar rurinman jundikätsishqa. Allinnin capitankunatapis Puka Lamarchömi shenqaypa wanutsishqa.
5
Lamar rurinmanmi jundikäyashqa. Ruminömi jundikäyashqa.
6
Tayta Dios, poderösu karmi derëcha kaq makikiwan chikimaqnïkunata illakätsirquyki.
7
Llapanpä poderyuq karmi contraykikunata ushakätsirquyki. Pasaypa rabyaptikim tsaki oqsha rupaqnö paykuna ushakäyashqa.
8
Ajashqa pükaskiptikim ishkayman yaku rakikashqa. Yaku pullchaqyaqpis murällanörämi ichirashqa. Lamar rurinchöpis tsururunömi yaku tikrashqa.
9
Chikimaqnï runakunam niyarqan: «Taripäyanqäyaqmi qatipäyäshä. Imaykanta qechuskamurmi rakipanakuyäshä. Tsaynö ruraskirmi pasaypa kushikuyäshä. Espädäwanmi wanutsiyäshä».
10
Tsaynö parlaqkunata pükaskiptikim lamar tsapashqa. Bunyaypa bunyaykaq yaku rurinmanmi plömunörä jundikäyashqa.
11
Tayta Dios, qamnöqa manam ima diospis kantsu. Qamnöqa manam pipis santu kantsu. Espantaypä kaqkunatam rurarquyki.
12
Podernikiwan castigaptikim Egipto runakunata patsa millpushqa.
13
Salvanqayki runakunatam sïqa kuyarnin pushaykanki. Täkunqayki sagrädu wayikimanmi podernikiwan pushaykanki.
14
Tsayta wiyarmi maytsay nacionchö täraq runakuna mantsarir tsuktsukyäyanqa. Filisteo runakunapis mantsariyllawanmi pasaypa tsuktsukyäyanqa.
15
Edomchö täraq capitankuna mantsakäyaptinmi shonqunkunapis tsapakanqa. Moabchö täraq mandaqkunapis mantsarirmi tsuktsukyäyanqa. Canaánchö täraq runakunapapis valorninkuna manam kanqatsu.
16
Paykuna pasaypa mantsariyätsun. Imatapis rurayta mana puëdir mantsakashqa kayätsun. Tsaynö kaykuyällätsun salvanqayki runakuna päsayanqanyaq.
17
Tayta Dios, tänaykipä akranqayki jirkaman pushakayällämay. Tsaychö tänaykipä kikikim alistarquyki.
18
Tayta Diosmi imayyaqpis rey.
19
Carrëtankunawan caballunkunawan lamar chawpinpa Faraón shamuykaptinmi lamar yakuta kanqanman kutitsir Tayta Dios llapanta tsapaskirqan. Peru Israel runakunam sïqa tsakillapana päsayarqan.
20
Tsaypitanam Aarónpa panin profetïsa María panderëtata tukar qallaykurqan. Tsaymi llapan warmikunapis panderëtankunata tukar kushikurnin paywan juntu tushuraykar aywayarqan.
21
Tsaychömi María cantarqan: «Tayta Diosta alabashun. Payqa llapantapis mantsariypämi ushakätsishqa. Caballuntintam muntaraqninkunatapis lamarman jitarpushqa».
22
Tsaypitanam Israel runakunata Moisés pusharqan Puka Lamarpita Shur ninqan desiertupa. Kimsa junaq aywarpis yakuta manam tariyarqantsu.
23
Mara partiman chaykur yakuta tarirpis ayaq kaptinmi upuyta munayarqantsu. Yaku ayanqanpitam tsay partipa jutinta churayarqan Marata.
24
Tsaymi runakuna rabyakurnin Moiséspa contran shärir niyarqan: «Kananqa ¿ima yakutatä upuyäshä?»
25
Tsaymi Tayta Dios yanapananpä Moisés mañakurqan. Mañakuptinmi Tayta Dios juk jachata rikatsirqan. Tsay jachapa rämanta yakuman wiñarpuptinmi ayarqannatsu. Israel runakunata tsaynö pruëbaman churarmi leykunata y estatütukunata tantiyatsirnin
26
Tayta Dios nirqan: «Ninqäkunata cäsuyämaptiki, munanqänö kawayaptiki, mandamientükunata cäsukur llapan estatütükunatapis cumpliyaptikiqa Egipto runakunata qeshyawan castiganqänöqa manam castigayäshaykitsu. Noqam qamkunata allïtsiq Tayta Dios kä».
27
Tsaypita aywakurnam Israel runakuna Elim partiman chäyarqan. Tsaychömi chunka ishkay pukyukuna y qanchis chunka (70) palmërakuna karqan. Tsay pukyukuna lädunchömi patsakuyänanpä toldunkunata rurayarqan.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40