bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 23
Exodus 23
Quechuan QXO (Biblia en Quechua del sur de Conchucos)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 24 →
1
«Manakaqkunataqa pitapis ama tumpayankitsu. Tsaynölla llutan ruraqkunapa favornin ama shäriyankitsu.
2
«Wakin runakuna llutanta rurayaptinpis qamkunaqa llutanta ama rurayankitsu. Testïgu karqa rasuntanörä wakin parlayaptinpis qamkunaqa rasun kaqllata parlayanki.
3
Llutanta rurashqa kaptinqa ni pobri kaptinpis ama favornin shäriyankitsu.
4
«Chikishuqnikipa oqrakashqa törunta o ashnunta tarirqa ämunman kutitsiyanki.
5
Chikishuqnikipa ashnun cargantin jeqashqa kaykaqta rikarqa shäritsiyanki.
6
«Demandakuq pobri kaptinpis shumaq arreglayanki.
7
«Manakaqkunata pipis tumpaptinqa ama cäsuyankitsu. Jutsaynaq runataqa ama wanutsiyankitsu. Jutsayuq kaqtaqa manam perdonashätsu.
8
«Autoridä kar quejakuqpa favornin shäriyänaykipä imatapis ama chaskipakuyankitsu. Sobornuta chaskiq autoridäqa shumaq manam arreglantsu, sinöqa sobornaqnin runapa favornin shärirmi runakuna alli yätsiyanqantapis cäsuntsu.
9
«Juk nacionpita shamuq runata ama ñakatsiyankitsu. Qamkunapis Egiptuchö jäpa kashqa kar musyayankim juklä nacionchö imanö kaway kanqanta.
10
«Joqta wata chakraykikunata murur wayuyninta qoriyanki.
11
Qanchis watachöqa tsay chakraykikunata jamatsiyanki. Tsaychö shiwa wiñamuptinqa jaqiykuyanki pobrikuna qorikuyänanpä y munti ashmakuna mikuyänanpä. Tsaynö rurayanki üva chakra o olïvus huerta kaptinpis.
12
«Llapan aruyänaykipä kaqta joqta junaqllachö aruyanki. Qanchis junaqchöqa jamayanki. Töruykikunatapis, ashnuykikunatapis, sirvishuqnikikunatapis y arupakuq jäpa runakunatapis jamatsiyanki.
13
«Ninqäkunataqa llapanta cumpliyanki. Juklä runakuna yärakuyanqan dioskunaman ama mañakuyankitsu. Tsay dioskunapataqa ni jutintapis ama joqariyankitsu.
14
«Cada watachö kimsa kuti fiestata rurar adorayämanki.
15
«Levadüraynaq Tanta Mikuna fiestata rurayanki. Ninqänölla tsay fiestachö levadüraynaq tantata qanchis junaq mikuyanki. Abib killachö Egiptupita yarqamushqa karmi tsay killachö fiestata rurayanki. Pipis noqata adoramänanpä shamurqa jinayllaqa ama shamutsuntsu.
16
«Tsaynölla tsaki mikuy cosëchata qallaykur Tsaki Mikuy Cosëcha fiestata rurayanki. «Wata ushananchö cosëchata qoriyta ushaskir Cosëcha Ushay fiestata rurayanki.
17
«Llapan ollqu kaqkunaqa cada wata tsay kimsan fiestakunaman adorayämänanpä aywayanqa.
18
«Ashmakunata noqapä sacrificiuta rupatsirqa yawartawan y levadürayuq tantata tallurkur ama rupatsiyankitsu. Warayninpäqa wirantapis ama churayankitsu.
19
«Muruyanqaykipita primiciata wayïman apayämunki. «Malta cabrapa aytsantaqa mamanpa lichinwan ama kusinayankitsu.
20
«Angelnïtam mandamushä imapitapis tsapäyäshurniki alistanqä nacionman chätsiyäshunaykipä.
21
Paymi trokï yanapayäshunki. Tsaynö kaptinqa contran ama shäriyankitsu. Pay niyäshunqaykita llapantapis cäsuyanki. Jutsata rurayaptikiqa manam perdonayäshunkitsu.
22
Pay niyäshunqaykita llapanta cäsuyaptikiqa chikishuqnikikunapa contranmi kashä. Tsaynöllam ñakatsishuqnikikunatapis ñakatsishä.
23
«Angelnïmi pushayäshunki amorreo runakuna, heteo runakuna, ferezeo runakuna, cananeo runakuna, heveo runakuna y jebuseo runakuna täyanqan nacionman. Tsay runakunata llapantam illakätsishä.
24
Paykuna jutsata rurayaptinpis qamkunaqa ama jutsata rurayankitsu. Yärakuyanqan dioskunamanpis ama qonqurikuyankitsu ni sirviyankitsu. Adorayanqan juytu rumikunatapis y llapan ïdulunkunatapis ñuchqutsir ushakätsiyanki.
25
«Noqa Tayta Diosniki kaptïmi noqallata sirviyämanki. Tsaynö kawayaptikim bendicionnïta churamushä mikuypis yakupis mana faltäyäshunaykipä. Ima qeshyapitapis noqam allïtsiyäshayki.
26
Qamkuna täyanqaykichöqa manam pï warmipis shullunqatsu ni qolluqpis kanqatsu. Rukuyäyanqaykiyaqmi kawayanki.
27
«Mayqan nacionpa päsayaptikipis noqam yanapayäshayki tsaychö täraq runakuna mantsarir qeshpir aywakuyänanpä.
28
Tsaynö yanapaptïmi heveo runakuna, cananeo runakuna y heteo runakunapis qamkunapita qeshpir aywakuyanqa.
29
Tsaynö kaptinpis manam juk watallachötsu tsay runakunata qarqushä. Juklla qarquptïqa chakrakunam purmaqyanqa y munti ashmakunapis mirarmi ushayäshunki.
30
Tsaymi qamkuna mirayanqaykiyaq paykunata wallka wallkalla qarqushä. Tsaynöpam llapan chakrankuna qamkunapana kanqa.
31
«Nacionnikipa lindërunmi kanqa Puka Lamarpita filisteo runakunapa lamarninyaq. Tsaynöllam lindërunkuna kanqa desiertupita Éufrates mayuyaq. Qamkunatam yanapayäshayki tsaychö täraq runakunata qarquyänaykipä.
32
Tsay runakunawan ni diosninkunawan ama ima pactutapis rurayankitsu.
33
Tsay runakuna täyanqayki nacionchö täyänanta ama dëjayankitsu. Qamkuna kaqchö tarqa mana cäsuyämänaykipämi imaykata niyäshunki. Tsaynöpam paykuna yärakuyanqan dioskunata adorayaptiki mana kuyapaypa castigayäshayki».
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40