bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 30
Exodus 30
Quechuan QXO (Biblia en Quechua del sur de Conchucos)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 31 →
1
«Inciensiuta rupatsiyänaykipä altarta acacia qerupita ruratsinki.
2
Tsay altarpa largunpis anchunpis chusku chunka pitsqa (45) centïmetrum kanqa. Altunmi isqun chunka (90) centïmetru kanqa. Chuskun kuchunkunachö altarwan juk piëzalla kananpä waqratanö ruratsinki.
3
Tsay altarta jananpa, lädunkunapa y waqrankunatapis qoriwan enchapatsinki. Tsaynölla entëru kuchunpa qoripita rurashqa rebëtita churatsinki.
4
Tsay rebëti chakinpana cada esquïnanman qoripita argöllakunata churatsinki. Tsay argöllakunapam umrukuyänan qerukunata päsatsiyanqa altarta puritsiyänanpä.
5
Tsay umrukuyänanta acacia qerupita ruraskatsir qoriwan jananpa enchapatsinki.
6
Tsaypitana tsay altarta Pactu Babulta tsapaq cortïna waqtanman churanki. Tsay babulpa tsapanan kaqchömi qamwan tinkushun.
7
«Cada wäray candelëruta alistanqan höram Aarónqa tsay altarchö mushkuq inciensiuta qoshnitsinqa.
8
Tsaynöllam cada tardipis candelëruta tsaritsinqan höra tsay altarchö yapay inciensiuta qoshnitsinqa. Aarónwan tsurinkuna y paykunapita miraqkunapis noqapa ñöpächö imaypis tsaynö rurayätsun.
9
Tsay inciensiuta qoshnitsikuna altarchöqa ama juk niraq inciensiuta qoshnitsinkitsu. Tsay altarchöqa ama rupatsina sacrificiuta ni tsaki mikuy ofrendakunatapis rupatsinkitsu. Tsaymanqa vïnutapis ama wiñankitsu.
10
«Purificatsina sacrificiuta rupatsir watachö juk kutillam ashmapa yawarninta altarpa waqrankunaman Aarón llushinqa. Tsay altar sagrädu kaptinmi purificatsina sacrificiuta cada wata imayyaqpis tsaynö rupatsiyanqa».
11
Moiséstam Tayta Dios nirqan:
12
«Israel runakunata censaptiki noqa Tayta Diospä cada ünun ofrendata apayämunqa. Tsaynöpam censakuyanqanpita qeshya ushanqatsu.
13
Llapan censashqa kaqkunam noqa Tayta Diospä pullan siclo qellayta apayämunqa. Ofrendayanqan qellaykunataqa Tinkuna Tolduchö pësakunawanmi pësayanqa. Tsay pësakunawan pësayaptinmi juk siclo qellay kanqa chunka juk grämu.
14
Ishkay chunka (20) watayuqpita janaman censashqa kaqkuna llapanmi noqa Tayta Diospä tsaynö ofrendata apayämunqa.
15
Mana ushakäyänanpä ofrendata apamurqa rïcu karpis manam masta apamunmantsu ni pobri karpis mënusta apamunmantsu. Tsaypa rantinqa llapanpis iwalllam pullan siclo qellayta apayämunqa.
16
Tsay qellayta Israel runakunapita chaskirnin Tinkunantsik Tolduchö gastukunapä churanki. Tsaynöpam censakuyanqaykipita ushakätsiyäshaykitsu».
17
Mastam Moisésta Tayta Dios nirqan:
18
«Mayllakuyänanpä lavatoriutapis jamakunantinta broncipita ruratsinki. Tsay lavatoriuta Tinkunantsik Toldupita altarman aywana chawpinman jamaykatsir yakuta wiñatsinki.
19
Tsay lavatoriuchö yakuwanmi Aarónwan tsurinkuna makinkunatawan chakinkunata mayllakuyanqa.
20
Tinkunantsik Tolduman manarä yaykurmi mayllakuyanqa mana wanuyänanpä. Tsaynöllam mayllakuyanqa altarchö noqapä sacrificiuta manarä rupatsir.
21
Makinkunatawan chakinkunata mana mayllakurqa wanuyanqam. Tsay ninqäkunaqa imayyaqpis leymi Aarónpä, tsurinkunapä y paypita miraqkunapäpis kanqa».
22
Mastam Moisésta Tayta Dios nirqan:
23
«Qorinki joqta kïlu mïrra jachapa weqinta, kimsa kïlu canëlata, kimsa kïlu mushkuq cäñata
24
y joqta kïlu casia jachapa qarantapis. Tsaykunata pësanki Tinkunantsik Sagrädu Tolduchö kaykaq pësakunawan. Tsaypita kimsa litru pullanta olïvuspita rurashqa aceitita alistanki.
25
Tsay llapan qorinqaykita takutsinki perfümita ruraqkuna takutsiyanqannö. Tsayqa sagrädu aceitim kanqa.
26
Tsay aceitita Tinkunantsik Tolduman y Pactu Babulman wiñanki.
27
Tsaynölla wiñanki mësata manëjuntinta, candelëruta manëjuntinta y inciensiuta qoshnitsikuna altarta.
28
Tsaynölla wiñanki sacrificiuta rupatsina altarta manëjuntinta y lavatoriutapis jamakunantinta.
29
Tsaynö wiñaptikim llapanpis sagrädu kanqa. Tsaykunata töpaq kaqkunapis sagrädum kayanqa.
30
«Sirvimaq sacerdötikuna kayänanpä tsay aceitita Aarónpa y tsurinkunapa jananmanpis wiñapunki.
31
Israel runakunata ninki: «Kay sagrädu aceitita imaypis rurayanki imamanpis wiñapaptin sagrädu kananpä.
32
Ama llutallaqa tsay aceitita pimanpis wiñapäyankitsu. Tsay sagrädu aceititanöqa ama rurayankitsu.
33
Pipis tsay aceititanö ruraq kaqtaqa o llutalla jukta wiñapaq kaqtaqa Israel runakunapita qarquyanki».
34
Tayta Diosmi Moisésta yapay nirqan: «Qorinki Estacte jachapa weqinta, lamarchö kaq caracolpa qaranta, gálbano jachapa weqinta y inciensiu jachapa weqintapis. Tsay llapanta iwalllata qorinki.
35
Tsay llapan qorinqaykiwan mushkuq inciensiuta ruranki. Perfümi ruraq takutsinqannö llapanta shumaq takunki. Tsaymanqa imatapis ama takutsinkinatsu. Tsay inciensiuqa sagrädum kanqa.
36
Pullanta shumaq ñuchqu aqaskir Tinkunantsik Tolduman apar Pactu Babulpa ñöpanman churanki. Tsay inciensiuqa sagrädum kanqa.
37
Tsay inciensiutanöqa pipis ama ruratsuntsu. Sagrädu karmi noqallapä kanqa.
38
Pipis mushkupänanpä tsay inciensiutanö ruraptinqa Israel runakunapita qarquyanki».
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40