bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 29
Exodus 29
Quechuan QXO (Biblia en Quechua del sur de Conchucos)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 30 →
1
«Aarón y tsurinkuna sirvimaq sacerdöti kayänanpä churar akranki sänu torïtuta y ishkay sänu carnërukunata.
2
Tsaynölla ruranki allin kaq jarinapita levadüraynaq tantata, aceitiwan masarashqa levadüraynaq tantata y aceitiwan llushipashqa levadüraynaq llapsha tantatapis. Tsay llapan tantakunata trïgu jarinapita ruranki.
3
Tsay ruranqayki tantakunata canastaman wiñarkur apamunki. Tsaynölla torïtuta y ishkan carnëruta Tinkunantsik Tolduman apamunki.
4
«Aarónta y tsurinkunata Tinkunantsik Toldupa patiunman pushaykamur bäñatsinki.
5
Tsaypita Aarónta jatitsinki tünicata, sotänata, efodta y pectoralta. Tsaykunata jatiskatsir efodpa wachukunwan tseqllanman watanki.
6
Tsaynölla umanman görrata jatiskatsir sagrädu vinchata jananman churanki.
7
Tsaynö jatirkatsir noqata sirvimaq sacerdöti kananpä Aarónpa umanman sagrädu aceitita wiñapunki.
8
Tsaynölla Aarónpa tsurinkunata qayaykur tünicata jatitsinki.
9
Aarónta wachakätsinqaykinölla paykunatapis wachakätsir görrata jatitsinki. Tsaynöpam noqata sirvimaq sacerdöti kayänanpä churanki. Paykuna y paykunapita miraqkunam imayyaqpis sirvimaq sacerdötikuna kayanqa.
10
«Tsaypitana Tinkunantsik Toldupa patiunman torïtuta apamunki. Tsaychömi Aarónwan tsurinkuna torïtupa umanman makinkunata churayanqa.
11
Tsaypita Tinkunantsik Toldupa patiunchö tsay torïtuta ñöpächö pishtanki.
12
Yawarninman dëduykita töparkatsir altarpa waqrankunata llushinki. Sobraq kaq yawartana altar chakinman jichanki.
13
Pacha wiranta, ñatinchö kaykaq wiranta, ñatinchö kaykaq wiranta y ishkan rurunta wirantinta altarchö rupatsinki.
14
Aytsanta, qaranta y panzantaqa campamentupita jukläman apaykur rupatsinki. Torïtuta altarchö rupatsinqaykim purificatsina sacrificiu kanqa.
15
«Tsaypitanam jukaq carnërupa umanman Aarónwan tsurinkuna makinkunata churayanqa.
16
Tsayta pishtaskir yawarninwan altarpa chuskun lädunkunata tsaqtsunki.
17
Aytsanta cuartizaskir aqishnintawan chakinkunata mayllanki. Tsaypitana altarman umantinta llapanta churaskir
18
rupatsinki. Tsay rupatsinqaykipa mushkuyninpitam noqa Tayta Dios kushikushä.
19
«Jukaq carnërupa umanmanpis Aarónwan tsurinkuna makinkunata churaskiyaptin
20
tsay carnëruta pishtanki. Yawarninta qoriskir Aarónpa y tsurinkunapa derëcha kaq rinrinpa puntanta ichikllata llushinki. Tsaynölla yawarwan llushinki derëcha kaq makinpa y chakinpa maman dëdunkunatapis. Sobraq kaq yawartana altarpa chuskun lädunkunaman tsaqtsunki.
21
Altarta tsaqtsunqayki yawarta qoriskir sobraq kaq aceitiwan Aarónta y röpankunatapis tsaqtsunki. Tsaynölla tsurinkunata y röpankunatapis tsaqtsunki. Tsaynöpam Aarónwan tsurinkuna noqata sirvimaqnï sacerdöti kananpä consagrädu kayanqa. Röpankunapis listunam kanqa jatikurkur sirviyämänanpä.
22
«Tsaypitana pishtanqayki carnërupa chupa wiranta, pacha wiranta, ñatinchö wiranta, ishkan rurunta wirantinta y derëcha kaq chankantapis jipinki. Tsaynö jipinki Aarón y tsurinkuna sacerdöti kayänanpä pishtanqayki carnëru kaptinmi.
23
Noqapa puntächö kaykaq canastapita jipinki juk jatun tantata, aceitiwan masarashqa juk tantata y juk llapsha tantatapis. Llapanpis tsay tantakunaqa levadüraynaqmi kayanqa.
24
Tsay llapanta Aarónta y tsurinkunata aptatsinki noqapa ñöpäman joqarkur wakman kayman kuyutsiyänanpä.
25
Tsaynö ruraskiptin tsay tantakunata qorinki. Tsaypita jukaq carnëruta rupatsina sacrificiupä rupatsinqaykinölla tsaykunatapis altarchö rupatsinki. Tsay rupatsinqaykipa mushkuyninmi noqapa shonqüpänö kanqa.
26
Aarónta sirvimaq sacerdöti kayman churar pishtanqayki carnërupa pëchuntapis noqapa ñöpäman joqarir wakman kayman kuyutsinki. Tsay aytsaqa qampämi kanqa.
27
«Tsay joqarimunqayki pëchunta y derëcha kaq chankantaqa rakinki
28
Aarónpä y paypita miraqkunapä. Cada vez alli päsakuy sacrificiu noqapä kaptin tsaykunata Israel runakunapita imaypis chaskiyanqa. Tsay ninqäkunaqa imayyaqpis leymi qamkunapä kanqa.
29
«Aarón wanuptinmi sagrädu röpankuna paypita miraqkuna jatikuyänanpä kanqa. Tsay röpakunatam jatikuyanqa sagrädu aceitita wiñapur sacerdöti kananpä churanqan höra.
30
Tinkunantsik Tolduman yaykunanpä mayqanpis Aarón castapita sacerdöti kananpä churaptin qanchis junaq tsay röpata jatirätsun.
31
«Pishtanqan carnërupa wakin aytsanta kusinanki sagrädu lugarchö.
32
Tinkunantsik Toldupa patiunchömi tsay aytsata y canastachö sobraq tantata Aarónwan tsurinkuna mikuyanqa.
33
Sacerdöti kananpä churanqanpita purificatsina sacrificiu kaptinmi tsay aytsawan tantakuna paykuna mikuyänanpä kanqa. Tsay mikuykuna sagrädu kaptinmi llutallaqa pipis mikunqatsu.
34
Tantatawan aytsata tsay junaq mana ushaptinqa sobraq kaqta rupatsinki. Tsaytaqa sagrädu kaptin manam pipis mikunqatsu.
35
«Aarónta y tsurinkunata sacerdöti kayänanpä churarqa ninqänölla llapan tsaykunata ruranki. Sacerdöti churayqa qanchis junaqyaqmi düranqa.
36
Aarónwan tsurinkuna purificashqa kayänanpä qanchis junaqyaq qoyay qoyay juk torïtuta pishtaskir rupatsinki. Tsaynöllam tsay rupatsinqaykikunaqa altar purificashqa kananpä kanqa. Tsaypita altar jananman aceitita wiñanki sagrädu kananpä.
37
Qanchis junaqyaqmi sacrificiuta qoyay qoyay rupatsinki. Tsaynöpam altar sagräduna kaptin tsayman töpaq kaqqa imapis sagrädu kanqa.
38
«Mana qonqaypa qoyay qoyay juk watayuq ishkay carnishta pishtaskir altarchö rupatsiyanki.
39
Jukaq carnishta patsa wäray rupatsiyanki y jukaqtana patsa tsakaykaptin rupatsiyanki.
40
Punta kaq carnishpa aytsanta altarchö rupatsirnin ishkay kïlu allin jarinata juk litru olïvus aceitiwan pichuskir rupatsiyanki. Tsay jananman wiñayanki juk litru vïnuta.
41
Wäraypa rupatsiyanqaykinölla tardipapis jukaq carnishta pichunqayki jarinatawan altarchö rupatsiyanki. Tsaynö rupatsir vïnutapis jananman wiñayanki. Tsay rupatsinqaykipa mushkuyninpitam noqa Tayta Dios kushikushä.
42
«Tsaynö rupatsiyanqaykiqa noqapä rupatsina sacrificium kanqa. Tsaytaqa qamkuna y qamkunapita miraqkunapis Tinkunantsik Toldupa patiunman apaykur imaypis ñöpächö rupatsiyanki. Tsaychömi imaypis tinkushun parlanantsikpä.
43
Tsaychömi Israel mayikikunawanpis tinkushä. Kikï tsaychö kaptïmi tsay patiu sagrädu kanqa.
44
«Tinkunantsik Toldupis y patiuchö kaq altarpis sagrädum kanqa. Aaróntawan tsurinkunatapis noqam churashä sacerdöti kar sirviyämänanpä.
45
Israel runakuna kayanqanchö tarmi paykunapa Diosnin kashä.
46
Tsaynöpam Tayta Diosnin kanqäta musyayanqa. Noqam Egiptupita jipimurqü paykunawan kanäpä. Noqaqa paykunapa Tayta Diosninmi kä.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40