bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 38
Exodus 38
Quechuan QXO (Biblia en Quechua del sur de Conchucos)
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 39 →
1
Tsaynöllam sacrificiuta rupatsina altarta acacia qerupita Bezaleel rurarqan. Tsay altarpa anchun y largunmi ishkay metru ishkay chunka pitsqa centïmetru (2.25) karqan. Altunnam juk metru ishkay chunka pitsqa centïmetru (1.25) karqan.
2
Chuskun esquïnankunachömi waqratanö rurarqan. Tsay waqrakunaqa altarwan tsay piëzallam karqan. Altarpa jananta y rurintam bronciwan enchaparqan.
3
Tsaynöllam altarpä uchpa qorikunata, tenäzakunata, trinchikunata, tazonkunata, kañallakunata y llapan manëjukunatapis broncipita rurarqan.
4
Tsaynöllam rejïllantapis broncipita ruraykur altar rurinman churarqan. Tsaynö churaptinmi tsay rejïlla quëdarqan altarpa pullanninchö.
5
Tsaynöllam chusku argöllakunata broncipita fundirkur rejïllapa chuskun esquïnanman churarqan. Tsay argöllakunam umrukuyänan qerukunata päsatsinanpä karqan.
6
Tsaynöllam altarta puritsiyänanpä acaciapita ishkay qerukunata ruraskir bronciwan jananpa enchaparqan.
7
Tsay qerukunatam altarpa ishkan lädunchö kaykaq argöllankunapa päsatsirqan tsaywan puritsiyänanpä. Tsay altarqa tablapitam tsapanaynaqlla karqan.
8
Mayllakuyänanpämi lavatoriutapis jamakunantinta broncipita rurarqan. Tsay lavatoriutam Tinkuna Toldupa patiunchö aruq warmikunapa espëjunkunapita rurarqan.
9
Tsaynöllam Tinkuna Toldupa patiuntapis rurarqan. Tsay patiuta jiruruypa tsaparänanpämi cortïnata awarqan llanulla putskashqa lïnu jïlupita. Sur kaq lädupam largun chusku chunka pitsqa (45) metru karqan.
10
Patiupa cada lädunpämi ishkay chunka (20) jorcunkunata broncipita rurarqan. Jorcunkunapa jawiräkunantapis ishkay chunkatam broncipita rurarqan. Ganchunkunatapis argöllankunatapis qellaypitam rurarqan.
11
Norti kaq lädupam patiupa cortïnan chusku chunka pitsqa (45) metru karqan. Jorcunninkunatapis jawiräkunantapis ishkay chunkatam (20) broncipita rurarqan. Ganchunkunatapis argöllankunatapis qellaypitam rurarqan.
12
Rupay ullunan kaq lädunpam cortïnapa largun ishkay chunka ishkay metru pullan (22.5) karqan. Jorcunninkunatapis y jawiräkunantapis chunkatam rurarqan. Ganchunkunatapis argöllankunatapis qellaypitam rurarqan.
13
Rupay yarqamunan kaq lädunpam cortïnapa largun ishkay chunka ishkay metru pullan (22.5) karqan.
14
Tsay lädupam punku karqan. Punkupita itsuq kaq lädupam qanchis metru cortïna karqan. Cortïnata tsararänanpämi rurarqan kimsa jorcunkunata cada ünunta jawiräkunantawan.
15
Tsaynöllam punkupita derëcha kaq lädumanpis qanchis metru cortïnata churarqan. Tsay cortïnata tsararänanpämi kimsa jorcunkunata cada ünunta jawiräkunantawan rurarqan.
16
Patiuchö tumaypa kaykaq cortïnakunaqa llanulla putskashqa lïnu jïlupitam karqan.
17
Patiuchö kaykaq llapan jorcunkunapa jawiräkunan broncipitam karqan. Cortïnata tsaritsinanpä ganchunkunapis argöllankunapis qellaypita rurashqam karqan. Jorcunkunapa ñöpanpis qellaywan enchapashqam karqan. Patiupa llapan jorcunninkunapa argöllankunapis qellaypitam karqan.
18
Patiupa punkunta tsaparaq cortïnatam llanulla putskashqa lïnu jïlupita y azul, granäti y puka millwa jïlukunapita rurarqan. Tsay cortïna shumaq kuyayllapä kananpämi shumaq bordayarqan. Largunmi isqun metru karqan. Patiupa wakin cortïnankunanömi tsay cortïnapapis anchun ishkay metru ishkay chunka pitsqa centïmetru (2.25) karqan.
19
Tsay punkupämi chusku jorcunninkunata y jawiräkunanta broncipita rurarqan. Cortïnata tsararänanpämi ganchunkunatapis argöllankunatapis qellaypita rurarqan. Jorcunkunapa puntankunatapis qellaywanmi enchaparqan.
20
Sagrädu Tolduta ichïtsinanpä estäcankuna y patiupa jorcunninkunapa estäcankunapis broncipitam karqan.
21
Tsaypitam Aarónpa tsurin Itamarta Moisés nirqan: «Tayta Diospa Pactu Toldunpä aykata qorinqantsiktapis levitakunawan listata rurayay». Ninqannöllam aykata qoriyanqantapis listata rurayarqan.
22
Moisésta Tayta Dios ninqannöllam Judá trïbupita Uripa tsurin y Hurpa willkan Bezaleel llapanta rurarqan.
23
Bezaleeltam Ahisamacpa tsurin Aholiab yanaparqan. Aholiabqa Dan trïbupitam karqan. Paypaqa habilidänin imatapis kuyayllapäkunata rurananpämi karqan. Tsaynöllam yacharqan azul, granäti y puka millwa jïlukunapita y llanulla putskashqa lïnu jïlupita imaykatapis bordayta.
24
Tinkuna Sagrädu Toldutawan manëjunkunata rurananpä runakuna apayanqanmi qori karqan isqun pachak joqta chunka pitsqa (965) kïlu kimsa chunka (30) grämu. Tsaykunatam pësayarqan Tinkuna Sagrädu Tolduchö kaykaq pësakunawan.
25
Qellayta qoriyanqanmi karqan kimsa waranqa kimsa pachak chunka isqun (3,319) kïlu pitsqa pachak ishkay chunka pitsqa (525) grämu. Tsaykunatam pësayarqan Tinkuna Sagrädu Tolduchö kaykaq pësakunawan. Tsay qellayqa censashqa kaqkuna pägayanqanmi karqan.
26
Ishkay chunka (20) watayuqpita janamanmi runakunata censayarqan. Tsaymi censashqa kaqkuna kayarqan joqta pachak kimsa waranqa pitsqa pachak pitsqa chunka (603,550) runakuna. Cada ünunmi pägarqan pullan siclo qellayta. Tsaykunata pësayarqan Tinkuna Sagrädu Tolduchö kaykaq pësakunawan.
27
Tsay qoriyanqan qellaymi kimsa waranqa kimsa pachak (3,300) kïlu karqan. Tsay qellaywanmi Tinkuna Toldupa marcunkunapa jawiräkunanta y rurinchö kaq cortïnata tsararaq jorcunkunapa jawiräkunantapis rurarqan. Pachaktam (100) jawiräkunanta fundirqan. Tsaymi cada jawiräkunanta fundirqan kimsa chunka kimsa (33) kïlu qellaypita.
28
Wakin kaq qellaywanmi rurayarqan patiupa cortïnanta tsararänanpä ganchunkunata y jorcunkunapa puntanchö argöllakunatapis. Tsaynöllam tsay qellaywan jorcunkunapa puntanta enchaparqan.
29
Tinkuna Sagrädu Toldupä apayanqan broncim karqan ishkay waranqa kimsa pachak kimsa chunka joqta (2,336) kïlu chusku pachak (400) grämu.
30
Tsay apayanqan broncipitam rurayarqan Tinkuna Toldupa punkun ichiraq jorcunkunapa jawiräkunanta, altarta, altarpa rejïllanta y altarpa manëjunkunatapis.
31
Tsaynöllam broncipita rurayarqan Sagrädu Toldupa patiunpa tumaraq jorcunkunapa jawiräkunanta y punkupa jorcunninkunapa jawiräkunantapis. Tsaynöllam broncipita rurayarqan Sagrädu Toldupa y patiunpa jorcunninkunata tsararaq estäcankunatapis.
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40