bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 22
Exodus 22
Quechuan QXO (Biblia en Quechua del sur de Conchucos)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 23 →
1
«Pipis töruta, üshata o cabrata suwakuskir pishtashqa o rantikushqa karqa töruta suwanqanpita pitsqa kuti masta duëñunta pägatsun. Tsaynölla üshata o cabrata suwanqanpita chusku kuti masta pägatsun.
2
«Pitapis paqaspa suwakuykaqta tariykur wanutsirqa wanutsinqanpita manam jutsayuqtsu kanqa.
3
Junaqpa suwakuykaqta tariykur wanutsirmi sïqa jutsayuq kanqa. «Suwakuq runa suwakunqanpita pägakutsun. Pägakunanpä qellaynin mana kaptinqa kikin suwakuqta rantikutsun.
4
«Suwakuqpa makinchö wäkata, üshata o ashnuta karpis kawaykaqtarä taripuyaptinqa suwakunqanta kutitsir ishkay kuti masta pägakutsun.
5
«Pipis mitsikur jukpa chakranta o üva huertanta däñukurqa däñukunqanpita mikuychö o üvachö karpis allinnin kaqta pägakutsun.
6
«Pipis kayapakuykanqanchö päsapakur chakrachö kaykaq o ërachö kaykaq mikuyta kayapakurqa nina rupanqanpita pägakutsun.
7
«Paytakuy qellayta o alhäjakunata suwapaskiptin suwakuqta tariyaptinqa tsay suwakunqanpita ishkay kuti masta pägakutsun.
8
Suwakuqta mana taripuptinqa paytakuyta chaskiq runata Tayta Diospa puntanman apayanqa. Tsaychönam juzgayanqa suwakunqanta o mana suwakunqantapis.
9
«Töruta, ashnuta, üshata, röpata o imata karpis ishkaq runakuna «kayqa noqapam» nir qechunakuyaptinqa tsay runakunata Tayta Diospa puntanman apayätsun. Tsaychö mayqantapis taripuptinqa jutsayuq kaq pägakutsun ishkay kuti masta.
10
«Paytakuy ashnu, töru, üsha o ima ashmapis wanuptin, o imapis päsaptin o tsay paytakunqanta suwa apaptinqa
11
paytakuyta chaskiq runa Diospa jutinchö juratsun tsay paytakuyta mana pakanqanta. Tsaynö juraptinqa ashmapa duëñun ama cobratsunnatsu.
12
Mana cuidanqanpita suwa apaptinqa oqrapakunqanpita duëñunta pägatsun.
13
Jirka ashma mikushqa kaptinqa katupinta duëñun rikananpä apaputsun. Tsaynö aparqa mananam pägakunqanatsu.
14
«Pipis runapa ashmanta mañakuykur duëñun mana rikaykaptin wanupakurqa tsay ashmapa chaninta pägakutsun.
15
Peru ashmapa duëñun rikaykaptin wanuptinmi sïqa ashmapa chaninta päganqanatsu. Alquilashqa karqa gänananpä kaqllata pägatsun.
16
«Piwanpis manarä kakushqa doncëlla jipashta pipis perditsirqa tsay jipashta qoritsun warmin kananpä. Tsaynölla jipashpa papänintapis pägatsun pägananpä costumbri kanqannö.
17
Qorinanta jipashpa papänin mana munaptinqa amana qoritsunnatsu. Peru tsay jövin warmi ashiy costumbri kanqannö doncëlla jipashpa papäninta pägatsun.
18
«Brüjukunataqa llapanta wanutsiyanki.
19
«Ashmawan kakuqkunataqa pitapis wanutsiyanki.
20
«Tayta Diospä sacrificiuta rupatsinanpa rantin juk dioskunapä sacrificiuta rupatsiptinqa tsay runata wanutsiyanki.
21
«Jäpa runakunata ama ñakatsiyankitsu ni chikiyankitsu. Yarpäyay qamkunapis Egiptuchö tar jäpa kayanqaykita.
22
«Viüdakunatapis ni waktsakunatapis ama ñakatsiyankitsu.
23
Ñakatsiyaptiki mañakamaptinqa noqam favorninkuna shärishä.
24
Tsaymi pasaypa rabyar espädawan wanutsiyäshayki. Tsaynöpam qamkunapapis warmikikuna viüda quëdayanqa y tsurikikunapis waktsa quëdayanqa.
25
«Israel nacionchö pobri runakunata qellayta prestarqa ama wakin runakunanöqa wachayninta mañayankitsu.
26
Qellayta prestaptiki röpanta prenda dëjapuyäshuptikiqa patsa manarä tsakaptin kutitsiyanki.
27
Tsay röpallanmi kan paqaspa punur pitukunanpä. Mana kutitsiptikiqa ¿imanwanrä pununqa? Alatsikur mañakamaptin kuyapäkuq karmi janan shärishä.
28
«Tayta Diospä imaypis llutanta ama parlayankitsu. Tsaynölla markaykichö autoridäkunata ama maldicionayankitsu.
29
«Ama qonqayankitsu cosëchaykipita y vïnu rurayanqaykipita noqapä primicia apamuyta. «Mayor tsurikikunata apayämunaykipa rantinqa noqapä ofrendata apayämunki.
30
«Tsaynölla malta wäkaykipa, malta üshaykipa y malta cabraykipa punta wawanta orqu kaqtaqa noqapä apayämunki. Yurinqanpita qanchis junaqllam tsay ashmakuna mamanwan kanqa. Puwaq kaq junaqchöqa noqapä apayämunki.
31
«Qamkunatam akrarqä jutsaynaq kar santu kayänaykipä. Tsaynö kaykarqa ama mikuyankitsu jirka ashmakuna wanutsinqan ashmapa aytsanta. Tsaytaqa allqukuna mikukuyänanpä jitapaykuyanki.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40