bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 3
Exodus 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 4 →
1
Moisésmi suegrun Jetrupa üshankunata y cabrankunata mitsikuq. Jetruqa madianita runakunapa sacerdötinmi karqan. Juk junaqmi Moisés aywarqan desiertupa mitsikuq. Tsaynö aywarmi Tayta Dioswan tinkuna Horeb jirkaman charqan.
2
Tsaychömi Tayta Diospa angelnin shiraka rupaykaqchö Moisésta yuripurqan. Moisés tantiyaykunanpäqa tsayläya lunyaykarpis manam shirakata ruparqantsu.
3
Tsaymi yarpachakur nirqan: «¡Imarä taqay! Mä aywar rikamushä. ¡Imanirtäshi nina lunyaykarpis shirakata ushantsu!»
4
Moisés chaykaptinnam shirakata nina rupaykaqpita Tayta Dios qayarqan: «¡Moisés, Moisés!» Tsaynö qayaptinmi Moisés nirqan: «Taytay, ¿imallatä?»
5
Tayta Diosnam nirqan: «Ama witimuytsu. Kay ichiranqayki patsaqa alläpa sagrädum. Tsaynö kaykaptinqa llanqikita jipiy».
6
Mastapis nirqanmi: «Unay castaykikuna Abrahampa, Isaacpa y Jacobpa Diosninmi kä». Tsaynö niptinmi Diosta rikayta mantsarnin cäranta Moisés tsapakurqan.
7
Tayta Diosnam nirqan: «Noqam rikarqü Egiptuchö kuyanqä runakuna pasaypa llakikur kaykäyanqanta. Tsaynöllam wiyarqü capatazninkuna ñakatsiptin mañakayämanqanta. Musyämi pasaypa ñakaykäyanqanta.
8
Tsaymi noqa shamurqü Egipto runakunapa makinpita jipimunäpä. Jipiskamurmi pushashä maypis täkuy munay jatunkaray partiman. Tsaychöqa lichipis abëjapa mishkinpis yakunörämi atska kaykan. Tsay markakunachömi taykäyan cananeo runakuna, heteo runakuna, amorreo runakuna, ferezeo runakuna, heveo runakuna y jebuseo runakunapis.
9
Wiyarqümi Israel runakuna mañakayämanqanta. Tsaynöllam rikarqü paykunata Egipto runakuna pasaypa ñakaykätsiyanqanta.
10
Tsaymi Faraón kaqman kanan mandashayki kuyanqä Israel runakunata Egiptupita jipimunaykipä».
11
Tsaynö niptinmi Tayta Diosta Moisés nirqan: «Taytay, ¿pitä noqa kä Faraónman aywanäpä? Israel runakunata Egiptupita jipimuyta manam valurätsu».
12
Tsaymi Tayta Dios nirqan: «Noqam qamwan kaykäshä. Egiptupita Israel runakunata jipiskamurmi kay jirkaman shamur adorayämanki. Tsaymi qamwan kaykanqäta musyanki».
13
Tsaynö niptinmi Moisés nirqan: «Egiptuman chaykur Israel mayïkunatam nishä: «Unay castantsikkuna yärakuyanqan Tayta Diosmi qamkunaman mandamashqa». Tsaynö nir willaptïmi paykuna tapuyämanqa: «¿Imatä paypa jutin?» Tsaynö tapuyämaptin ¿imatatä nishä?»
14
Tsaymi Tayta Dios nirqan: «Noqaqa: «Noqam Kä». Tsaymi Israel runakunata ninki: «Noqam Kä niqmi qamkunaman mandamashqa».
15
Tsaynöllam Moisésta Tayta Dios nirqan: «Israel runakunata ninki: «Yahwehmi mandamashqa. Payqa unay castantsik Abrahampa, Isaacpa y Jacobpa Diosninmi». Mastam Tayta Dios nirqan: «Noqapa jutïqa Yahwehmi imayyaqpis kanqa».
16
«Egiptuman chaykur Israel mayor runakunata qoriykur ninki: «Unay castantsik Abraham, Isaac y Jacob yärakunqan Tayta Diosmi yuripaykamar nimashqa: «Noqa rikaykämi Israel runakunata Egipto runakuna pasaypa ñakatsiyanqanta».
17
«Tsaynömi nimashqa ñakayanqaykipita jipiyäshurniki cananeo runakuna, heteo runakuna, amorreo runakuna, ferezeo runakuna, heveo runakuna y jebuseo runakuna täyanqan nacionman pushayäshunaykipä kanqanta. Tsaychöqa lichipis abëjapa mishkinpis yakunörämi atska kaykan».
18
«Tsaynö niptikim Israel mayor runakuna cäsuyäshunki. Tsaymi paykunawanna aywanki Egipto nacionpa mandaqnin reywan parlayänaykipä. Chaykurna ninki: «Hebreo runakunapa Tayta Diosninmi yuripayämashqa. Tsaymi desiertuman kimsa junaq aywayta munaykäyä sacrificiuta rupatsir payta adorayänäpä».
19
«Tsaynö niyaptikipis Egipto nacionpa mandaqnin rey yarqayämunaykipä manam munayäshunkitsu. Pasaypa ñakatsiptïrämi dëjayäshunki.
20
Tsaymi Egipto runakunataqa mantsariypä castïgukunawan poderyuq kanqäta musyatsishä. Tsaynöparämi Faraón awniyäshunki yarqayämunaykipä.
21
«Yarqayämuptikim Egipto runakuna imatapis qarayämushunaykipä permitishä. Tsaynöpam jinayllaqa yarqayämunkitsu.
22
Tsaymi warmikunapis vecïnankunata y vecïnanchö täraq warmi mayinkunata mañakuyanqa imaykatapis qellaypita kaqta qoripita kaqta qaraykuyänanpä. Tsaynöllam röpakunata mañakuyanqa wamrankunata jatitsiyänanpä. Tsaynöpam Egipto runakunapa imaykantapis apakuyanki».
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40