bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 40
Exodus 40
Quechuan QXO (Biblia en Quechua del sur de Conchucos)
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
1
Tsaypitanam Moisésta Tayta Dios nirqan:
2
«Wata qallaykunan killa punta kaq junaqchö Tinkunantsik Sagrädu Tolduta ichïtsinki.
3
Tinkunantsik Toldu ruriman Pactu Babulta churaskir pipis waqtapita babulta mana rikananpä cortïnata churanki.
4
Mësatapis ruriman yaykaskatsir manëjunkunata jananman shumaq churanki. Candelërutapis yaykaskatsir mechërunkunata puntankunaman churanki.
5
Pactu Babulta tsaparaq cortïna ñöpanman inciensiu qoshnitsikuna qori altartapis churanki. Tsaynölla Sagrädu Tolduman yaykuna cortïnatapis churanki.
6
«Tsaynölla sacrificiuta rupatsina altarta Tinkunantsik Toldu yaykuna ñöpanman churanki.
7
Broncipita lavatoriutapis Tinkunantsik Toldupita altarman aywana chawpinman jamaykatsir tsayman yakuta wiñanki.
8
Tsayta ruraskirna Tinkunantsik Sagrädu Toldupa patiunta cortïnawan tumaypa tsapanki. Tsayman yaykuna punkuta tsaparänanpä kaq cortïnatapis churanki.
9
«Llapanta alistaskir sagrädu aceitita wiñanki Sagrädu Tolduman y llapan tsaychö kaykaqkunamanpis. Tsaynöpam llapanpis sagrädu kar noqapana kanqa.
10
Tsaynölla sagrädu aceitita wiñanki sacrificiuta rupatsina altarman y manëjunkunamanpis. Tsaynöpam tsay altar sagrädu kanqa.
11
Lavatoriumanpis jamakunantinman sagrädu aceitita wiñanki. Tsaynöpam sagrädu kanqa.
12
«Tsaypitana Aarónta y tsurinkunata Tinkunantsik Toldupa patiunman pushaykur bäñatsinki.
13
Tsaypitana sagrädu röpata Aarónta jatiskatsir sagrädu aceitita umanman wiñapunki. Tsaynöpam noqata sirvimaq sacerdötina kanqa.
14
Tsaynölla Aarónpa tsurinkunatapis qayaykur tünicankunata jatitsinki.
15
Papäninpa umanman wiñapunqaykinölla tsurinkunapa umanmanpis sagrädu aceitita wiñapunki. Tsaynöpam paykuna y paykunapita miraqkunapis sirvimaq sacerdötikuna imayyaqpis kayanqa».
16
Tayta Dios ninqannöllam llapantapis Moisés rurarqan.
17
Egiptupita yarqayämunqan wata cumpliskiptinmi mushuq wata qallaykunan killa punta kaq junaqchö Sagrädu Tolduta ichïtsiyarqan.
18
Sagrädu Tolduta ichïtsinanpäqa puntatam jawiräkunanta Moisés churatsirqan. Tsay jawiräkunanman marcukunata ichiskatsirmi traviskunata churatsirqan. Tsaynöllam jorcunkunatapis ichiykatsir
19
tsay jananman toldukunawan qatatsirqan. Tsaypitanam janay janay wakin toldukunawanpis qatatsirqan. Tayta Dios ninqannöllam llapan tsaykunata Moisés ruratsirqan.
20
Tsaypitanam Israel runakunawan Tayta Dios ruranqan pactuta babul rurinman churarqan. Babulta puritsikuyänan qerukunatapis argöllankunapa päsaskatsirmi tsapananwan tsaparqan.
21
Tsaypitanam Pactu Babulta aparqan Sagrädu Toldu ruriman. Tsayman churaykurmi mana rikakänanpä cortïnata churarqan. Moisésta Tayta Dios ninqannöllam llapan tsaykunata rurarqan.
22
Tsaypitanam Pactu Babulta tsaparaq cortïna waqtanman churananpä Tinkuna Tolduman mësata aparqan. Tsaytam norti kaq lädunman churarqan.
23
Tayta Diospa puntanchö kananpämi mësa jananman tantata churarqan. Moisésta Tayta Dios ninqannöllam llapan tsaykunata rurarqan.
24
Candelërutapis Tinkuna Toldu ruriman aparmi mësa ñöpan sur kaq läduman churarqan.
25
Tayta Diospa puntanchö tsarinanpämi mechërukunaman aktsita tsaritsirqan. Moisésta Tayta Dios ninqannöllam llapan tsaykunata rurarqan.
26
Qoripita ruranqan altartapis Tinkuna Tolduman apaykurmi tsaparaq cortïna waqtanman churarqan.
27
Tsaypitanam tsay altarchö mushkuq inciensiuta qoshnitsirqan. Moisésta Tayta Dios ninqannöllam llapan tsaykunata rurarqan.
28
Tsaynöllam Sagrädu Toldu yaykunaman cortïnata churarqan.
29
Tsaypitanam sacrificiuta rupatsina altarta Tinkuna Toldu yaykunan ñöpanman Moisés churarqan. Tsaychömi rupatsina sacrificiuta y tsaki mikuy ofrendatapis rupatsirqan. Moisésta Tayta Dios ninqannöllam llapan tsaykunata rurarqan.
30
Tsaypitanam Tinkuna Toldupita altarman aywana chawpinman lavatoriuta churaykur mayllakuyänanpä yakuta wiñatsirqan.
31
Tsay yakuwanmi Moisés, Aarón y Aarónpa tsurinkunapis makinkunata y chakinkunata mayllakuyarqan.
32
Moisésta Tayta Dios ninqannöllam paykunaqa imaypis tsaynö mayllakuyaq Tinkuna Tolduman yaykuyänanpä y altarman aywayänanpä.
33
Tsaypitanam Sagrädu Toldupa patiunta cortïnawan tumaypa tsapatsirqan. Tsaymanmi yaykuna punkuta tsaparänanpä kaq cortïnatapis churatsirqan. Tsaynömi Sagrädu Tolduta Moisés shäritsiyta usharqan.
34
Tinkuna Sagrädu Tolduta Moisés ichïtsir ushaskiptinmi pukutay tsapaskiptin kikin Tayta Dios tsayman charqan.
35
Pukutay tsapaskiptinmi Moisés yaykuyta puëdirqantsu.
36
Sagrädu Toldupita pukutay shäriptinnam Israel runakuna toldunkunata qoriskir aywakuyaq.
37
Pukutay mana shäriptinqa jinallanchömi kakuyaq.
38
Junaqpam Sagrädu Toldu jananchö pukutay karqan. Paqaspanam Sagrädu Toldu jananchö nina tsariykaq karqan. Tsaytaqa llapan Israel runakunam rikayarqan. Israel runakuna desiertupa aywar Canaánman chäyanqanyaqmi pukutaypis ninapis tsaynö karqan.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40