bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 8
Exodus 8
Quechuan QXO (Biblia en Quechua del sur de Conchucos)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 9 →
1
Moisésta yapay Tayta Dios nirqan: «Faraón kaqman aywaykur ninki: «Tayta Diosmi nin: Kuyanqä runakuna noqata adoramaq aywayänanpä dëjay.
2
Aywananta mana munaptikiqa säpukunawanmi entëru nacionnikita castigashä.
3
Mayupita atska säpukuna yarqamurmi yaykuyanqa palaciuykimanpis, cämaykimanpis, jornuykimanpis, artisaykimanpis, mandar yanapashuqnikikunapa wayinkunamanpis y entëru Egiptuchö täraq runakunapa wayinkunamanpis.
4
Tsay säpukunaqa janaykimanpis, mandar yanapashuqnikikunapa jananmanpis y entëru Egiptuchö täraq runakunapa jananmanmi saltayanqa».
5
Mastam Moisésta Tayta Dios nirqan: «Aarónta niy mayukunaman, qochakunaman y pukyukunaman aywaykur tukrunwan toqrinanpä. Tsaynö toqriptinmi säpukuna ishniyparä yarqayämunqa Egiptuman juntaqpä».
6
Tsaymi llapan yakuman aywaykur Aarón toqriptin entëru Egiptuman ishniyparä säpukuna yarqayämurqan.
7
Brüjukunapis munayyuq kayanqanta musyatsinanpämi Aarón ruranqannölla säpukunata yakupita yuritsiyämurqan.
8
Tsaypitanam Moisésta y Aarónta qayaykatsir Faraón nirqan: «Tayta Diosta mañakuyay noqapita y Egipto runakunapitapis llapan säpukunata illakätsinanpä. Illakätsiptinqa Tayta Diosta adorar sacrificiuta rupatsiq aywayänanpämi Israel runakunata dëjashä».
9
Faraóntanam Moisés nirqan: «Tayta Diosta mañakunäpä nimanqayki höram qampä, mandar yanapashuqnikikunapä y wakin Egipto runakunapäpis mañakushä. Mañakuptïmi palaciuykichö y maytsaychöpis säpukuna wanur ushakäyaptin Nilo mayuchö kaqkunallana quëdayanqa».
10
Faraónnam nirqan: «Waray junaq juklla mañakuykullay». Tsaymi Moisés nirqan: «Ninqaykinömi kanqa. Tsaynöpam musyanki Tayta Diosnïman mayqan diospis mana iwalanqanta.
11
Säpukuna palaciuykichö wanur ushakäyaptinmi Nilo mayullachöna quëdayanqa. Tsaynöpam qamta, mandar yanapashuqnikikunata ni pitapis fastidiayanqanatsu».
12
Tsaynö niskirmi Faraónpa palaciunpita Moiséswan Aarón aywakuyarqan. Ninqannöllam Tayta Diosta Moisés mañakurqan säpukunata illakätsinanpä.
13
Moisés mañakunqannölla Tayta Dios ruraptinmi llapan säpukuna wanuyarqan wayikunachö, patiukunachö y chakrakunachöpis.
14
Wanushqa säpukunata atska muntunta qoriyaptinmi maytsaychöpis pasaypa asyarqan.
15
Säpukuna illakaskiptinnam Faraónqa yapay shonqunta chukruyätsirqan. Tsaymi cäsurqannatsu Moisésta y Aarónta. Tayta Dios ninqannöllam tsaynö karqan.
16
Tsaypitanam Moisésta Tayta Dios nirqan: «Aarónta ninki tukrunwan patsata wirunanpä. Tsaynö wiruptinmi akapa chuspikunaman polvu tikranqa Egiptuchö ishniyparä kananpä».
17
Tsaymi Tayta Dios ninqannölla patsata Aarón wiruskiptin entëru Egiptuchö ichishaq chuspikunaman polvu tikrarqan. Tsay chuspikunam maytsaychöpis runakunata y ashmakunata kaniyarqan.
18
Tsayta rikarmi brüjukunapis chuspikunata yuritsiyta munayarqan. Peru manam puëdiyarqantsu. Tsay chuspikunaqa runakunatapis ashmakunatapis pasaypa kanirmi ushayarqan.
19
Tsaymi brüjukuna Faraónta niyarqan: «Kayqa Diospa castïgunmi kaykan». Tsaynö niyaptinpis Faraónqa shonqun chukru kaptinmi cäsurqantsu. Tayta Dios ninqannöllam tsaynö karqan.
20
Tsaypitanam Moisésta Tayta Dios nirqan: «Waray wäraymi Faraón aywanqa mayuman. Qampis tsaka tsakalla aywaykur payta ninki: «Tayta Diosmi nin: Kuyanqä runakunata dëjay adorayämänanpä.
21
Aywayänanta mana munaptikiqa upukrukunatam yuritsimushä qamman, mandar yanapashuqnikikunaman y entëru Egiptuchö täraq runakunamanpis. Wayichöpis y maytsaychöpis ishniyparämi kayanqa.
22
Tsaynö kaptinpis kuyanqä runakuna täyanqan Gosén partichöqa manam jukllayllapis upukru kanqatsu. Tsaynöpam musyanki Egipto runakunata noqa Tayta Dios castigaykanqäta.
23
Tsaymi Egipto runakunata castigarpis kuyanqä Israel runakunataqa castigashätsu. Tsay castïguqa waraypitam qallaykunqa».
24
Tayta Dios ninqannöllam Faraónpa palaciunman, mandar yanapaqninkunapa wayinkunaman y entëru Egiptuman ishniyparä upukrukuna juntarqan. Tsaynö kaptinmi Egipto runakuna ima ruraytapis puëdiyarqantsu.
25
Tsaymi Faraónqa Moiséstawan Aarónta qayaykatsir nirqan: «Diosnikita adorar sacrificiuta rupatsiyänaykipä aywayay. Peru kay nacionpita ama yarquyaytsu».
26
Tsaynö niptinmi Moisés nirqan: «Ninqaykinöqa manam allitsu kanqa. Tayta Diosnïta adorar sacrificiuta rupatsiyanqäqa Egipto runakunapä pasaypa melanaypämi kanqa. Sacrificiuta rupaykätsiqta rikayämarqa pasaypa rabyarninmi rumiwanpis saqmayämanqa.
27
Tsaymi kimsa junaq aywayta desiertuman aywayäshä. Tsaychörämi Tayta Diosnï ninqannö sacrificiuta rupatsir adorayäshä».
28
Tsaynö niptinmi Faraón nirqan: «Tsaynö kaptinqa desiertuman aywayay Tayta Diosnikita adorar sacrificiuta rupatsiyänaykipä. Peru alläpa karumanqa ama aywayaytsu. Tsaychö noqapäpis mañakuykuyällanki».
29
Tsaynö niptinmi Moisés nirqan: «Kaypita yarqur jukllam Tayta Diosta mañakushä upukrukunata qampita, mandar yanapashuqnikikunapita y entëru Egiptupitapis illakätsinanpä. Dëjayämänaykipä kanqanta kanan yarparpis cuidädutä waray junaq juk yarpaywan yuriskamur Tayta Diosta adoraq aywayänäta michäyämankiman».
30
Tsaymi Faraónpa palaciunpita yarquskir Moisésqa Tayta Diosta juklla mañakurqan.
31
Mañakunqannö Tayta Dios ruraptinmi upukrukuna Faraónpita, mandar yanapaqninkunapita y entëru Egiptuchö täraq runakunapita illakar ni jukpis karqannatsu.
32
Upukrukuna illakaskiptinqa yapaymi Faraónpa shonqun chukruyaskirqan. Tsaymi munarqannatsu Israel runakuna aywayänanta.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40