bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 16
Exodus 16
Quechuan QXO (Biblia en Quechua del sur de Conchucos)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 17 →
1
Elim partipita aywakurmi Israel runakuna Sin niyanqan desiertuman chäyarqan. Tsayqa kaykan Elimpita Sinaíman aywaqchömi. Tsayman chäyarqan Egiptupita yarquyanqanpita juk killa y chunka pitsqa junaqtam.
2
Tsay desiertuchömi Israel runakuna Moiséspa y Aarónpa contran shärir
3
niyarqan: «Egiptullachöna Tayta Dios wanutsimashqa allim kanman karqan. Tsaychöqa pacha juntam mikurqantsik. Aytsapis mankantsikkunachö manam faltarqantsu. Qamkunaqa mallaqaypita wanutsiyämänaykipämi kay desiertuman pushayämarquyki».
4
Tsaynö niyaptinmi Moisésta Tayta Dios nirqan: «Ciëlupitam imayka tamyatanö mikuyta mashtamushä. Tsayta runakuna qoyay qoyay qoriyätsun tsay junaq mikuyänanpä tinkulla. Ninqänö qoriyaptinmi musyashä cäsuyämanqanta. Ninqäpita masta qoriyaptinmi sïqa musyashä mana cäsuyämanqanta.
5
Joqta kaq junaqchöqa ishkay junaq mikuyänanpä qoriyätsun».
6
Tsaymi Moisés y Aarón Israel runakunata niyarqan: «Kanan tardim musyayanki Egiptupita kikin Tayta Dios jipiyämushunqaykita.
7
Tsaynöllam waray wäraypis Tayta Dios poderyuq kanqanta rikayanki. Payqa musyanmi contran parlaykäyanqaykita. ¡Noqakunapa conträ parlayänaykipäqa pitä kayä!»
8
Mastam Moisés nirqan: «¿Imanirtä conträ parlaykäyanki? Qamkunaqa manam noqakunapatsu conträ parlaykäyanki, sinöqa Tayta Diospa contranmi. Paymi wiyashqa contran shäriyanqaykita. Tsaynö kaptinpis kanan tardim aytsata mikunantsikpä alistapämäshun. Waray wäraynam mikuyta alistapämäshun».
9
Tsaypitanam Aarónta Moisés nirqan: «Tayta Diosmi wiyashqa Israel runakuna contran parlayanqanta. Kanan Israel runakunata willay Tayta Diospa puntanman qorikäyänanpä».
10
Israel runakunata Aarón parlapaykaptinmi desiertu läduchö Tayta Diospa chipipiyninta pukutaychö rikayarqan.
11
Moiséstam Tayta Dios nirqan:
12
«Israel runakuna conträ parlayanqantam wiyarqü. Kanan paykunata willar niy: «Tardipam aytsata mikuyanki. Wäraypanam pacha junta mikuyta mikuyanki. Tsaynöpam musyayanki Tayta Diosniki kanqäta».
13
Tsay tardim atska codornizkuna Israel runakunapa campamentun kanqanman juntäyarqan. Patsa waraskiptinnam campamentu ñöpankunapapis yuraqayparä shullya warämurqan.
14
Shullya tsakiskiptinnam rashtanörä patsa yuraqararqan.
15
Tsayta rikaykurmi Israel runakunaqa ima kanqantapis mana musyar juknin jukninpis niyarqan: «¿Imarä kayqa?» Tsaymi Moisés nirqan: «Kayqa Tayta Dios alistapämanqantsik mikuymi.
16
Tayta Diosmi nishqa: «Cada junaq mikuyänaykipä tinkulla qoriyanki. Aykaqpis tolduykichö kayanqaykillaman cada ünuykipä ishkay mati juntatanö qoriyanki».
17
Tsay ninqannöllam Israel runakuna qoriyarqan. Wallkaqlla karqa wallkallatam qoriyaq. Atskaq karqa atskatam qoriyaq.
18
Matiwan tupuypam qoriyarqan. Atskata qoriyaptinpis manam sobrarqantsu. Wallkallata qoriyaptinpis manam pishirqantsu. Cada ünunmi tsay junaq mikuyänanpä tinkulla qoriyarqan.
19
Tsaymi Moisés nirqan: «Mayqaykipis waraypäqa mikuyta ama churayankitsu».
20
Tsaynö nikaptinpis wakinqa mana cäsurmi waraynin junaqpä mikuyta churakuyarqan. Tsay churayanqan mikuy waraynin junaq rikaykuyänanpäqa pasaypa kururmi asyarqan. Tsaymi mikuy churakuqkunata Moisés pasaypa ollqutuparqan.
21
Tsaypitaqa mikuyta ushayänanpä tinkullanam cada wäray juknin jukninpis qoriyaq. Mana qoriyanqan kaqtaqa achaymi tsulluratsiq.
22
Joqta kaq junaqchömi sïqa ishkay junaq mikuyänanpä qoriyarqan. Tsaymi cada ünunpä qoriyarqan chusku mati juntata. Tsaynö qoriyaptinmi mayor runakuna Moisésta willayänanpä aywayarqan.
23
Tsaymi Moisés nirqan: «Tsaynö qoriyänanpämi Tayta Dios nishqa. Waray junaqqa Tayta Diosta adoranantsikpämi jamay junaq. Tsaymi waray kusinakuyänaykipä kaqtaqa tardillapana kusinakuyanki y puwatsiyänaykipä kaqtapis kananllana puwatsiyanki. Sobraq kaqtaqa churayanki waränin junaq mikuyänaykipä».
24
Moisés ninqannöllam kusinakuskir waraynin junaq mikuyänanpä churayarqan. Waraynin junaq rikaykuyänanpäqa tsay churayanqan mikuy manam kurushqatsu ni asyashqatsu karqan.
25
Tsaypitanam Moisés nirqan: «Kanan junaqqa Tayta Diosta adoranantsikpä jamay junaqmi. Tsaymi qanyan churayanqayki mikuyllatana mikuyanki. Mikuy qoriq yarqurpis manam imatapis tariyankitsu.
26
Joqta junaqllam qoriyänaykipä mikuy kanqa. Qanchis kaq junaqchöqa jamay junaq kaptin manam imatapis tariyankitsu».
27
Tsaynö nikaptinpis wakin runakunaqa jamay junaq mikuy qoriq yarqur manam imatapis tariyarqantsu.
28
Tsaymi Moisésta Tayta Dios nirqan: «¿Imayyaqtä mandamientükunata y leynïkunata cäsuyankitsu?
29
Ama qonqayaytsu jamay junaqchö jamayänaykipä ninqäta. Jamay junaqpäwanmi joqta kaq junaqchö mikuyta alistapaykä. Tsaymi qanchis junaqchöqa maypapis mana yarquypa jamapäyänayki».
30
Tsaynö niptinmi qanchis kaq junaqchö llapan runakuna jamayarqan.
31
Israel runakuna qoriyanqan mikuyqa culandrupa murunnömi karqan. Tsay mikuyqa yuraqmi karqan. Tsayqa mishkirqan abëjapa mishkinwan rurashqa tantanömi. Tsaytam Israel runakuna maná niyarqan.
32
Tsaypitanam Israel runakunata Moisés nirqan: «Tayta Diosmi nin: «Qamkunapita miraqkuna rikayänanpä ishkay matitanö manáta churayay. Tsaynöpam paykuna reqiyanqa Egiptupita jipimur desiertuchö alistapanqä mikuyta».
33
Tsaypitanam Aarónta Moisés nirqan: «Ishkay mati manáta juk canastaman wiñarkur Tayta Diospa puntanman churay. Tsaychömi churaranqa Israel runakunapita miraqkuna reqiyänanpä».
34
Tsaymi Moisésta Tayta Dios ninqannölla canastaman manáta wiñarkur Pactu Babul puntanman Aarón churarqan.
35
Canaánpa lindërunman chäyanqanyaqmi chusku chunka (40) watantin Israel runakuna manáta mikuyarqan.
36
Ishkay mati manáta canastaman wiñanqanqa ishkay kïlunömi karqan. Tsay tuputam gomer niyaq.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40