bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 35
Exodus 35
Quechuan QXO (Biblia en Quechua del sur de Conchucos)
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 36 →
1
Llapan Israel runakunata qayaykatsirmi Moisés nirqan: «Kaykunam Tayta Dios mandamanqantsikkuna:
2
Semänachö joqta junaq aruyanki. Qanchis kaq junaqchöqa sagrädu kaptin Tayta Diosta adorar jamayanki. Tsay junaqchö pipis aruq kaqqa wanutsishqam kanqa.
3
Jamay junaqchöqa ni maychö tarpis ninata ama tsaritsiyankitsu».
4
Tsaypitanam Israel runakunata Moisés nirqan: «Tayta Diosmi nishqa:
5
Tayta Diospä ofrenda qarayta munaq kaqkunaqa llapan voluntäninwan apayämutsun qorita, qellayta, broncita,
6
azul, granäti y puka millwa jïlukunata, llanulla putskashqa lïnu jïluta y cabrapa millwanpita putskashqa jïlutapis.
7
Tsaynölla apayämutsun pukaman tiñishqa üsha qaratsata, fïnu qarata, acacia qeruta,
8
candelëru tsarinanpä aceitita, sagrädu aceitimanpis inciensiumanpis takutsinanpä mushkuq jachakunata,
9
ónice rumikunata y wakin kuyayllapä rumikunatapis. Tsay rumikunam kayanqa mandaq sacerdötipa efodninta y pectoralninta adornayänanpä.
10
«Qamkunachö mayqaykipis habilidäyuq kaqkunaqa Tayta Dios nimanqankunata shumaq rurayänaykipä shayämunki.
11
Paymi nimashqa Sagrädu Tolduta ruranantsikpä. Tsaymi ruranantsikpä kaykan cuartunkuna, qatanankuna, ganchunkuna, marcunkuna, travisninkuna, jorcunninkuna y jawiräkunankunapis.
12
Tsaynöllam ruranantsikpä kaykan Pactu Babul, tsay babulta puritsikuyänan qerunkuna, babulpa tsapanan, cuartuta ishkayman rakinanpä cortïna,
13
mësa, mësata umrukunantsik qerukuna, mësapa manëjunkuna, mësachö churaränanpä jatusaq tantakuna,
14
aktsi tsarinanpä candelëru, candelërupa manëjunkuna, mechërunkuna, aktsi tsarinanpä aceiti,
15
inciensiuta qoshnitsikuna altar, tsay altarta puritsikuyänan qerukuna, sagrädu aceiti, mushkuq inciensiu, Sagrädu Tolduman yaykuna cortïna,
16
sacrificiuta rupatsina altar, broncipita rurashqa rejïllan, altarta puritsikuyänan qerukuna, altarpa manëjunkuna, jamakunantin broncipita lavatoriu,
17
patiupa cortïnankuna, patiupa jorcunninkuna, jorcunkunapa jawiräkunan, patiupa punkunta tsaparaq cortïna,
18
Sagrädu Tolduta ichïtsinanpä estäcankuna waskantin y patiupa jorcunninkunapa estäcankuna waskantin.
19
Tsaynöllam ruranantsikpä kaykan Tinkunantsik Sagrädu Tolduchö sacerdöti Aarón jatikunanpä kaq sagrädu röpakuna y tsurinkuna jatikuyänanpä röpankunapis».
20
Moisés tsaynö niptinmi Israel runakuna aywayarqan imatapis kanqanpita apayänanpä.
21
Tsaymi Tinkuna Tolduta shäritsiyänanpä ofrendata churayta munaqkuna Tayta Diospä apayarqan. Tsaynöllam apayarqan manëjukunata rurayänanpä y sacerdöti jatikunanpä sagrädu röpakunata rurayänanpäpis.
22
Tsaymi ofrendayta munaqkuna ollqupis warmipis apayarqan tikpinkunata, arëtikunata, sortïjankunata, wallqankunata y imatapis qoripita rurashqa kaqtaqa. Tsaykunataqa llapantam Tayta Diospä apayarqan.
23
Tsaynöllam kanqanpita apayarqan azul, granäti y puka millwa jïlukunata, llanulla putskashqa lïnu jïluta, cabrapa millwanpita putskashqa jïluta, pukaman tiñishqa üsha qaratsata y fïnu qaratapis.
24
Tsaynöllam kanqanpita Tayta Diospä apayarqan qellayta y broncita. Wakinnam Tinkuna Sagrädu Tolduta shäritsiyänanpä acacia qeruta apayarqan.
25
Putskay yachaq warmikunam apayarqan azul, granäti y puka millwa jïlukunata y llanulla putskashqa lïnu jïlutapis.
26
Tsaynöllam putskay yachaq warmikuna cabrapa millwanta putskayarqan.
27
Israel runakunapa mandaqninkunanam apayarqan ónice rumikunata y wakin kuyayllapä rumikunatapis. Tsay rumikunaqa mandaq sacerdötipa efodninta y pectoralninta adornayänanpämi karqan.
28
Tsaynöllam apayarqan candelëru tsarinanpä aceitita. Tsaynöllam sagrädu aceitita rurayänanpä y inciensiuman takutsiyänanpä mushkuq jachakunata apayarqan.
29
Ofrendata churayta munaqkunaqa ollqupis warmipis kikinkunapa voluntäninpitam apayarqan Tayta Dios ninqannölla Tinkunantsik Sagrädu Tolduta shäritsiyänanpä.
30
Israel runakunatam Moisés nirqan: «Sagrädu Tolduta rurananpämi Uripa tsurin y Hurpa willkan Bezaleelta Tayta Dios akrashqa. Payqa Judá trïbupitam.
31
Bezaleelqa Tayta Dios habilidäta qarashqa kaptinmi imayka ruraytapis shumaq yachan.
32
Qoripita, qellaypita y broncipita kuyayllapä kaqkunata rurananpäpis habilidänin kanmi.
33
Kuyayllapä rumikunatapis llaqllayta yacharmi tsaraqninta shumaq ruraskir siguratsin. Tsaynöllam qerutapis llaqllayta yachan y tukuy niraq kuyayllapäkunatapis rurayta yachan.
34
«Bezaleelta y Ahisamacpa tsurin Aholiabtapis Tayta Diosmi habilidäta qarashqa wakin runakunata yachatsiyänanpä. Aholiabqa Dan trïbupitam.
35
Ishkantam Tayta Dios habilidäta qarashqa imatapis kuyayllapäta rurayänanpä, azul, granäti y puka millwa jïlukunawan y llanulla putskashqa lïnu jïlukunawan imatapis bordayänanpä y kuyayllapäta imaykata awayänanpä.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40