bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 2
Exodus 2
Quechuan QXO (Biblia en Quechua del sur de Conchucos)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 3 →
1
Tsay witsanmi Leví trïbu runa churakarqan tsay trïbu warmiwan.
2
Tsaymi ollqu wamrata warmin qeshyakurqan. Kuyayllapä kaptinmi kimsa killa maman pakarätsikurqan.
3
Pakarätsiyta mana puëdirnam ututupita canastata awaskir breawan lashtarqan. Canastaman wamrata wiñarkurmi Nilo mayu kuchunman apaykur ututukuna chawpinman churaykurqan.
4
Tsaypitanam llullupa paninta karullapita ima päsanqantapis rikananpä nirqan.
5
Tsaypita mas rätullantanam Faraónpa warmi tsurin mayllakunanpä mayuman aywarqan. Sirviqninkuna mayu kuchunchö rikachakur puriyanqanyaqmi rikarqan ututu chawpinchö canasta aynaykaqta. Tsayta rikaykurmi juk sirviqninta mandarqan tsay canastata jipimunanpä.
6
Jipiskamuptinnam canastata kichaykur rikarqan llullu wamra waqaykaqta. Tsaymi Faraónpa warmi tsurin llullu wamrata kuyapar nirqan: «Kayqa hebreo runapa wamranmi».
7
Tsaymi Faraónpa warmi tsurinta llullupa panin nirqan: «¿Allitsurä kanman kay wamrata wätapäshunaykipä hebrea warmita qayamuptï?»
8
Tsaynö niptinmi nirqan: «¡Juklla pushamuy!» Tsaymi wamra aywarqan llullupa mamanta pushamuq.
9
Llullupa maman chaykuptinmi Faraónpa tsurin nirqan: «Kay llulluta wätapaykallämay. Wätapämanqaykipita pägashaykim». Tsaynö niptinmi llulluta apakurqan wätapunanpä.
10
Shaksharkuptinnam Faraónpa tsurinta entregaykurqan. Paynam kikinpa wamrannö kananpä legitimakurqan. «Yakupitam jipikurqä» nirmi Moisésta jutin churarqan.
11
Tsaypita Moisés jatunyarkurnam juk junaqchö aywarqan hebreo mayinkunaman watukaq. Tsaychömi paykuna pasaypa ñakar aruykäyanqanta rikarqan. Tsaynöllam juk Egipto runa hebreo runata maqaykaqta rikarqan.
12
Tsaymi entërupa Moisés rikachakuskir pitapis mana rikarnin Egipto runata wanuskatsirqan. Tsaypitanam arëna rurinman pampaykurqan.
13
Waraynin junaq Moisés yapay aywarnam ishkay hebreo runakuna kikinpura pelyaykaqta rikarqan. Tsaymi maqakuq kaqta nirqan: «Hebreo mayiki kaykaptinqa ¿imanirtä maqaykanki?»
14
Tsaymi nirqan: «¿Pitä churashurquyki mandamaqnï o jueznï kanaykipä? ¿Egipto runata wanutsinqaykinöku noqatapis wanutsimayta munaykanki?» Tsaynö niptinmi Moisés pasaypa mantsakarqan. Tsaymi yarpachakur nirqan: «Egipto runata wanutsinqämi musyakaykan».
15
Egipto runata wanutsinqanta Faraón musyaskirnam Moisésta wanutsinanpä ashitsirqan. Tsaymi Madiánman Moisés qeshpir aywakurqan tsaychö täkunanpä. Chaykurmi pözu ñöpanman jamaskirqan.
16
Madiánchömi tarqan Reuel jutiyuq runa. Payqa madianita runakunapa sacerdötinmi karqan. Paypa jipash tsurinkunam qanchis kayarqan. Pözu ñöpanchö Moisés jamaraykaptinmi tsay qanchis jipashkuna papäninpa üshankunatawan cabrankunata yakütsiq chäyarqan.
17
Wakin mitsikuqkunapis pözuman charmi tsay jipashkunata qarquyarqan. Qarquykaqta rikarmi jipashkunapa janan shärir üshakunata y cabrakunata Moisés yakutsirqan.
18
Jipashkuna raslla kutiyaptinmi papänin tapurqan: «Kanan junaqqa ¿imanirtä raslla kutiyämurquyki?»
19
Tsaymi willar niyarqan: «Wakin mitsikuqkuna pözupita qarqaykäyämaptinmi juk Egipto runa janäkuna shärir yanapayämashqa. Paymi üshantsikkunata y cabrantsikkunata yakutsishqa».
20
Tsaymi Reuelqa tsurinkunata nirqan: «Tsay runa ¿maychötä kaykan? ¿Imanirtä pushayämurquykitsu? ¡Aywar qayayämuy mikunanpä!»
21
Reuelpa wayinman chaykurmi paykunawan tänanpä Moisés awnirqan. Tsaychö taptinmi Reuelqa tsurin Séforawan Moisésta tätsirqan.
22
Tsaypitanam Séfora qeshyakurqan ollqu wamrata. Tsay wamrapa jutintam Moisés churarqan Gersónta. Tsay jutita churarqan «noqaqa kay markachö jäpa runam kä» nirmi.
23
Tsaypita atska wata päsaskiptinnam Egipto nacionpa mandaqnin rey wanurqan. Israel runakunaqa esclävu kar jinallam pasaypa ñakayarqan. Tsaymi llakikurnin Tayta Diosta mañakuyarqan Egiptupita jipinanpä.
24
Tsaynö mañakuyanqantam Tayta Dios wiyarqan. Tsaymi Abrahamwan, Isaacwan y Jacobwan pactuta ruranqanta yarparnin paykunata kuyaparqan.
25
Tsaynöllam Israel runakuna pasaypa ñakaykäyanqanta rikarqan.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40