bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Exodus 37
Exodus 37
Quechuan QXO (Biblia en Quechua del sur de Conchucos)
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 38 →
1
Tsaynöllam acacia qerupita juk babulta Bezaleel rurarqan. Tsay babulpa largunmi juk metru chunka centïmetru karqan. Tsaynöllam anchunpis altunpis joqta chunka pitsqa (65) centïmetru karqan.
2
Rurinpa y jananpam qoriwan enchaparqan. Tsaynöllam entëru kuchunpa qoripita rebëtita ruraskir tumaypa churarqan.
3
Chusku argöllankunata qoripita ruraskirmi chuskun chakinkunaman churarqan: ishkayta babulpa jukaq lädunman y ishkaytana babulpa jukaq lädunman.
4
Tsaynöllam acacia qerupita ishkay umrukuyänan qerukunata ruraskir qoriwan enchaparqan.
5
Tsaypitanam argöllapa uchkunpa päsatsirqan babulta umrushqa puritsiyänanpä.
6
Babulpa tsapanantaqa qori pürullapitam rurarqan. Largunmi juk metru chunka centïmetru karqan. Anchunnam joqta chunka pitsqa (65) centïmetru karqan.
7
Tsaynöllam martilluwan takayllapa ishkay querubinkunata qoripita rurarqan. Tsay angelkunatam babulpa tsapanan ishkan kuchunkunaman churarqan.
8
Tsapanantawan querubinkunataqa tsay piëzallatam rurarqan. Jukaq querubinmi karqan itsuq kaq lädunchö y jukaqnam karqan derëcha kaq lädunchö.
9
Tsay ishkan querubinkunam frenti frenti älankuna kichashqa babulpa tsapananta rikaräyarqan. Tsaynöpam ishkanpa älankuna babulpa tsapananta llanturäyarqan.
10
Tsaynöllam acacia qerupita mësatapis rurarqan. Tsay mësapa largunmi isqun chunka (90) centïmetru karqan. Anchunnam chusku chunka pitsqa (45) centïmetru y altunnam joqta chunka pitsqa (65) centïmetru karqan.
11
Tsay mësapa jananta, rurinta y chakinkunatam qoriwan enchaparqan. Kuchunkunapapis tumaypam qoripita rurashqa rebëtita churaparqan.
12
Tsaynöllam qanchis centïmetru anchuta listunta tumaypa churarqan. Tsay jananmannam qoripita rurashqa juk rebëtita churarqan.
13
Tsaynöllam chusku argöllakunata qoripita ruraskir mësapa chuskun chakinkunaman churarqan.
14
Tsay argöllakunatam churarqan chakinpita rebëtin tinkuraqman. Tsay mësata puritsiyänanpämi argöllakunapa ishkay umrukuyänan qerukunata päsatsiyarqan.
15
Mësata puritsikuyänan qerukunata acacia qerupita ruraskirmi jananpa qoriwan enchaparqan.
16
Tsay mësapa manëjunkunatam qori pürupita rurarqan plätukunata, wishllakunata, järrakunata y cöpakunata. Tsay järrakuna y cöpakunaqa vïnuta altarman wiñayänanpämi karqan.
17
Tsaynöllam candelërutapis qori pürupita martilluwan takayllapa rurarqan. Tsay candelërupa jamakunan, chakin, cöpankuna y waytankunapis juk piëzallam kayarqan.
18
Tsay candelëruqa joqta rikrayuqmi karqan. Kimsa rikranmi jukaq lädunpa karqan y kimsa kaqnam jukaq lädunpa karqan.
19
Cada rikrankunachömi kimsa waytakunata rurarqan. Tsay waytakunaqa almendrupa waytan niraqmi karqan.
20
Candelërupa chakinchömi chusku waytankuna karqan. Tsay waytakunapis almendrupa waytan niraqmi karqan.
21
Cada rikran tinkuraqchömi juk wayta karqan.
22
Waytankunapis rikrankunapis tsay piëzallam karqan. Llapanpis qori pürupita martilluwan takayllapa rurashqam karqan.
23
Tsaynöllam candelërupä qanchis mechërunkunata, mëchapa lliptanta jipinanpä taksha alicätikunata y llipta qorikunan platïllunkunatapis qori pürupita rurarqan.
24
Tsay candelëruta y llapan manëjunkunatam kimsa chunka kimsa (33) kïlu qoripita rurarqan.
25
Inciensiuta qoshnitsikuna altartapis acacia qerupitam rurarqan. Tsay altarpa largunpis anchunpis chusku chunka pitsqa (45) centïmetrum karqan. Altunmi isqun chunka (90) centïmetru karqan. Chuskun kuchunkunachömi altarwan juk piëzalla kananpä waqratanö rurarqan.
26
Tsay altartam jananpa, lädunkunapa y waqrankunatapis qori püruwan enchaparqan. Tsaynöllam entëru kuchunpa qoripita rebëtita rurarkur tumaypa churaparqan.
27
Tsay churanqan rebëti chakinpanam cada esquïnanman qoripita argöllakunata churarqan. Tsay argöllakunam karqan umrukuyänan qerukunata päsatsir altarta puritsiyänanpä.
28
Altarta puritsikuyänan qerukunata acacia qerupita ruraskirmi jananpa qoriwan enchaparqan.
29
Tsaynöllam perfümita ruraqkuna rurayanqannö sagrädu aceitita y mushkuq inciensiutapis rurarqan.
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 38 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40