bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Ezekiel 20
Ezekiel 20
Romani Ursari 2018 (Biblia Ande Chib Romani)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
1
Ando burs eftato ta ando llive desto katar o chon panchto, avile nesave katar e phure katar o Israel te puchen e Devle ta besle angla mande.
2
Ta o Del phenda mange gia:
3
Chavo e manuseko, de orba e phurenge katar o Israel ta phen lenge: Gia phenda o Del o Gazda: ¿Tumen aven te puchen man? Dav tumen mo alav kai ni ka phenav tumenge niso, gia phenda o Del o Gazda.
4
¿Mange te krisi len tu? ¿Mange te krisi tu chavo e manuseko? Cher te llanen savo gadope cherde lenge dada,
5
ta phen lenge: Gia phenda o Del o Gazda: O llive kai esvirisardem e Israele ta vazdiem mo va te dav mo alav e porodoke katar o Jakob, kana cherdem te pinllaren man ando Ejipto, kana vazdiem mo va ta diem mo alav ta phendem: Me sem o Gazda tumaro Del,
6
gua llive kai vazdiem mo va diem len mo alav kai ka ikanav len katar o Ejipto te sai llan ande phuv kai diem len, kote kai si but thud ta aullin, kai si e mai sukar katar e phuvia.
7
Ondaka phendem lenge: Suako lleno trubul te chudel o gadope katar po zivoto ta na meliaren tumen e delenchar katar e ejipsiura. Me sem o Gazda tumaro Del.
8
A von vazdinaile pe mande ta ni kamle te kanden man, ni chudie petar suako manus o gadope ta ni mukle e delen katar o Ejipto ta phendem kai ka perel pe lende mi joli, te sai cherdol mi joli pe lende ando Ejipto.
9
A te na den bilache orbe katar mo anav angla e phuvia kote kai zivina ta kai pinllarena man, ikandem len katar o Ejipto.
10
Ikandem len katar o Ejipto ta andem len po pusto,
11
ta diem len me zakonura te sai zivil o lleno kai ka kandel len.
12
Ta i diem len me sabadura, te sai dikhol maskar lende ta te sai llanen kai me sem o Del kai chinadem len mange.
13
A e llene katar o Israel vazdinaile pe mande po pusto, ni llele prema me zakonura ta ni thode sama me zakononenge, kai o lleno kai cherela so phenen, ka zivil ta mukle ando lallao me sabadura but zurale, goleke me phendem, kai ka cherav te perel pe lende mi joli po pusto te zatriv len.
14
A cherdem e ezgode prema mo anav, te na den me bilache orbe angla e phuvia kai dikhle sar ikandem len katar o Ejipto.
15
Ta i kote diem len mo va po pusto, ta diem len mo alav kai ni ka anav len ande phuv kai diem len, kote kai si but thud ta aullin, kai si e mai sukar katar e phuvia,
16
soke chudie me zakonura ta ni phirde pe me zakonura ta mukle ando lallao me sabadura soke lengo lio llala pala lenge dela.
17
A me ni mundardem ta ni zatrisardem len po pusto ta dikhlem pe lende,
18
ta phendem lenge chaurrenge: Na llan prema e zakonura tumare dadenge, ta na cheren prema lenge zakonura ta na meliaon lenge delenchar.
19
Me sem o Gazda tumaro Del, llan pe me zakonura ta cheren so phenen me zakonura,
20
ta chinaven tumenge me sabadura ta te avel iek ezgoda kai dikhol maskar tumende ta me, te llanen kai me sem o Gazda tumaro Del.
21
A e chave ni kandie man, ni llele pe me zakonura, ni cherde so phenen me sakonura, kai o lleno kai ka kandel len ka zivil, mukle ando lallao me sabadura. Ondaka phendem kai ka cherav te perel pe lende mi joli te cherdol mi joli pe lende po pusto.
22
A pala mo anav achadem mo va lendar, te na den me bilache orbe angla e phuvia kai dikhle sar ikandem len.
23
Ta i diem len mo va po pusto ta diem len mo alav kai ka rispiu len maskar forura ta maskar e phuvia,
24
soke ni cherde so phenen me zakonura ta chudie me sakonura ta mukle ando lallao me sabadura ta dikhle sar lenge chaurre llele pala aver dela.
25
Goleke i me diem len sakonura kai ni sea lache ta sakonura kai cheres lende nasti zivisardea.
26
Ta me meliardem lenge purve chaurren ande ezgode dine kana nakhavena len pe iag, te sai mukav len puste ta te llanen kai me sem o Del.
27
Goleke, chavo e manuseko, de orba e llenenge katar o Israel ta phen lenge: Gia phenda o Del o Gazda: I ande gala ezgode mukle man ando lallao tumare dada kana ni kandie man.
28
Soke me andem len ande phuv kai me vazdiem mo va ta jalem sovel kai ka dav le lenge, ta dikhle pe suako burdo baro ta pe suako kas baro, ta kote cherde pe kurbanura ta die ezgode dine kai joliaren man, ta i kote thode po taimano kai khandel sukar, ta kote chudie e mol.
29
Ta me phendem lenge: ¿So si gua than vazdino kai tumen llan? Ta thode leko anav Bama, llik allive.
30
Goleke phen gia e llenenge katar o Israel: Gia phenda o Del o Gazda: ¿Ni meliaren tumen sargo tumare dada ta cheren o kurvaluko pala lengo gadope?
31
Soke kana tumare den ezgode dine, ta nakhaven tumare chaurren pe iag, meliaren tumen sa tumare delenchar llik allive, ¿Ta trubul te dav tumen anglal me, manusalen katar o Israel? Dav tumen mo alav, me o Del o Gazda, kai ni ka dav tumen anglal.
32
Ta ni ka avelpe gia sar tumen mislin. Soke tumen phenen: Cherdiva sargo e phuvia, sargo ogola viche e phuvienge, kai radin e kasteke ta e barreke.
33
Dav tumen mo alav, phenel o Del, kai inzarav mo va o zuralo, ta jolinaia ka charoiu pe tumende,
34
ta ka ikanav tumen maskar e phuvia, ta ka chidav tumen katar e forura kai sen rispime, ka inzarav mo va o zuralo jolinaia,
35
ta ka anav tumen po pusto katar e forura ta kote ka krisiu tumen ta ka dikha amare muia.
36
Gia sar krisisardem tumare daden po pusto katar o Ejipto, isto gia ka krisiu tumen, phenel o Del o Gazda.
37
Te mangena te achen manchar pe iek alav, trubul te nakhen telal katar mi rovli,
38
ta ka ikanav tumendar golen kai ni kanden, ta golen kai ni kandie man, ka ikanav len katar e phuv kai llele, a ni ka den ando Israel ta ka llanen kai me sen o Del.
39
A tumenge, manusalen katar o Israel, gia phenda o Del o Gazda: Llan suako iek pala pe dela, ta radisaren lenge, te na kandena man, a na muken ios ando lallao mo santo anav tumare ezgodenchar kai den ta tumare delenchar.
40
A pe mo santo burdo, po baru burdo katar o Israel, phenel o Del, kote ka radin mange sa e llene katar o Israel kai si pe phuv, kote ka lav len mande, ta kote ka mangav lendar lenge ezgode dine, ta e purve septelie, ta sa tumare ezgode kai chinaden mange.
41
Ka lav tumen sargo o taimano kai khandel sukar kana ka ikanav tumen katar e phuvia ta kana ka chidav tumen katar e forura kai sen rispime, ta ka avav blagosime ande tumende angla e phuvia.
42
Ta ka llanen kai me sem o Del, kana ka anav tumen ando Israel, ande phuv kai vazdiem mo va ta jalem sovel kai ka dav la tumare dadenge.
43
Ta kote ka den tumen golli katar tumare droma ta katar sa e ezgode bilache kai meliarde tumen ta ka murzin isto tumen pe tumende pala sa o bilachipe kai cherden.
44
Ta ka llanen kai me sem o Del, kana ka cherav tumenchar prema mo anav, a na prema e bilache ezgode kai cherden tumen manusalen katar o Israel, gia phenel o Del o Gazda.
45
O Del phenda mange gia:
46
Chavo e manuseko, dik karing o sur, phen cho alav po than kai si mai ando sur, porokisar po vos katar o Negev.
47
Ka phene gia e voseke katar o Negev: Asun o alav e Devleko: Gia phenda o Del o Gazda: Me ka cherav te phabol pe tute e iag ta ka phabarel sa che kasta zelene ta suako kas suko, ni ka merel o plameko e iagako ta ka phabol sa so ka achel, katar o sur llik kai o norte.
48
Ta sa e manusa ka dikhen kai me o Del phabardem le ta ni ka merel e iag.
49
Ta phendem: ¡Ioi, Devla, Gazda! ¡E llene joliaon pe mande soke dav lenge orba ande paramiche!
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48