Ezekiel 34

Romani Ursari 2018 (Biblia Ande Chib Romani)

← Chapter 33 Jump to: Chapter 35 →

1O Del dia manchar orba ta phenda mange:

2Chavo e manuseko, porokisar po poraukura katar o Israel, porokisar ta phen e chobanonenge: Gia phenda o Del o Gazda: ¡Tesko e chobanonenge katar o Israel, arakhen von pe! ¿Ni arakhen e chobanura e bakren?

3Tumen jan e khoi, ta furiadon e patavenchar kais si cherde katar lenge bal, mundaren o bakro o mai baro, a ni arakhen e bakren.

4Ni dien zor e mai suken, ta ni sastarden e nasuale, ni ulisarden e porrne katar gola kai sea phage, ni anden kai e stoka gole kai jasailo, ta ni rodian e jasarde, gazdarisarden pe lenge zoriaia ta silnomaia.

5Ta llan jasarde soke inai len chobano, ta sa e zivirinie katar o vos jan len, ta fuladile.

6Jasarde llele me bakre pe sa e burdura, ta pe phuvia vazdine, ta pe sa e phuv sea rispime me bakre, ta ni saia ko te rodel len, ni ko te puchel lendar.

7Goleke, chobanura, asunen o alav e Devleko:

8O Del o Gazda del tumen po alav, ta phenel gia: Mi stoka bakrengi avili te choren la, ta me bakre avile te jan len sa e zivirinie, katar o vos, bi te avel len chobano, a e chobanura arakhle von pe, ni me chobanura ni rodie me bakren, a e chobanura arakhle von pe, ta ni arakhle me bakren,

9goleke, chobanura, asunen o alav e Devleko.

10Gia phenda o Del o Gazda: Me sem joliariko pe chobanura, ta ka dosarav len pala me bakre, ta ni ka mukav len ios te arakhen bakren, ta ni ka arakhen ios ni von pe, soke me ka braduiv len katar lengo mui, ta ni ka aven ios lengo jape.

11Soke gia phenda o Del o Gazda: Me, isto me ka llav te rodav me bakren ta ka pinllarav len.

12Gia sar pinllarel pe bakren o chobano ando llive kai si rispime, isto gia ka pinllarav me bakren, ta ka braduiv len katar suako than kai avile rispime ando llive katar e oblakura ta katar o truniariko.

13Ta me ka ikanav len katar e forura, ta ka chidav len katar e phuvia, ka anav len kai pi phuv, ta ka rispiu len pe burdura katar o Israel, pasa e paia ta pe suako than e phuviako kai zivin e manusa.

14Ka arakhav len, ta pe bare burdura ka avel lengi stoka, kote ka soven ande lacho rindo, ta pe glamni char ka arakhel len, pe burdura katar o Israel.

15Me bakren me ka arakhav, me ka dav len o rindo, gia phenel le o Del o Gazda.

16Ka rodav e bakre kai si jasardo, ta ka cherav le te irilpe kai e stoka, ka uliu goleko porrno kai si phago, ta ka dav zor gole kai inai le, ka arakhav len e chachimaia, a gole kai si thulo ta zuralo ka zatriv,

17A tumendar kai sen me bakre, gia phenda o Del o Gazda: Me krisiu maskar e bakre ta bakre, maskar o bakro ta o busno.

18¿Inai tumenge dosta kai jan e lachi char, kai i ustaven tumare porrnenchar e char kai achel, ta pien o pai bristo, a tumare porrnenchar meliaren o pai kai achel?

19Ta me bakre jan so si ustado tumare porrnenchar ta pien so meliarden tumare porrnenchar.

20Goleke, gia phenda o Del o Gazda: Me, me ka krisiu maskar o bakro thulo ta o bakro suko,

21soke espidian e pasuarea ta e dumea ta chaladen e singenchar sa golen kai inai len zor lligo ni chudien len ta cherden te rispinpe.

22Me ka braduiv me bakren, ta nikada ios ne ka aven o jape katar e zivirinie, me ka krisiu maskar e bakre, ta e bakre.

23Ka vazdav pe lende iek chobano, ta vou ka arakhel len, gua si mo sluga o David, vou ka arakhel len ta ka avel lenge o chobano.

24Me o Gazda ka avav lengo Del, ta mo sluga o David ka gazdaril pe lende. Me o Del phendem le.

25Ta ka achav lenchar pe iek alav ande pas, ta ka ikanav katar e phuv e zivirinie dive, ta ka zivin po pusto bidarako, ta ka soven ando vos.

26Ta ka blagosiv len ta sa so si truial katar me burdura, ta ka cherav te delpeke ande po vreme, ka delpeke blagosipe.

27Ta o kas kai si ando vos ka del septelie, ta ka zivin ande pi phuv bidarako, ta ka llanen kai me sem o Del, kana ka phagav e kasta kai si pe lenge dume, ta kana ka braduiv len katar gola kai cheren len sluge.

28Ni ka aven ios o llubri katar e phuvia, ta ni ka jan len e zivirinie e phuviake, soke ka zivin bidarako, ta ni ka daravel len niko.

29Ka aven asunde pala lengi phuv soke ka del septelie, ta ni ka meren bokhatar ios pe phuv, ta ni ka muken len ando lallao e phuvia.

30Ta ka llanen kai me o Del o Gazda sem lenchar, ta von si mo foro, e llene katar o Israel, gia phenel o Del o Gazda.

31A tumen kai sen me bakre, e bakre katar mi char, tumen sen manusa, ta me tumaro Del, gia phenel le o Del o Gazda.

← Chapter 33 Jump to: Chapter 35 →