Ezekiel 40 — Romani Ursari 2018 (Biblia Ande Chib Romani)

1Ando burs bis ta panch katar amaro phandipe, kana iakom llala angle o burs, ande des llive katar o chon, kana nakhlea desustar sar kana lie peke e phuv, isto ande gua llive o Del avilo pe mande e Devleko va ta inllarda man incha.

2O Del Inllarda man ando Israel sargo ande iek suno, ta thoda man pe iek burdo but baro, ta upral saia iek cher sargo iek baro foro, pe rig katar o sur.

3Ta kote saia iek manus, ta dikhola sargo cherdo katar o tuch, ta ande leko va saia iek solo cherdo katar o lino, ta iek kotor kas kai llinen lea e pole, ta vou saia po udar.

4Ta gua lleno phenda mange: Chavo e manuseko, dik che akhenchar, ta asun che kanenchar, ta thov sama pe e ezgode kai sikavav chuke, soke goleke anda tut o Del kate. Phen sa so dikhe kate e llenenge katar o Israel.

5Avri katar o cher saia iek zido, ta o kotor kas kai saia ande leko va saia le trin pole, ta lea llinda gachin saia le o zido ando bulipe, kai saia trin pole, ta katar e phuv llik upre trin pole ios.

6Mapalal avilo kai o udar kai dikhel karing likel o kham, ta likisto upral pe barra katar o zido ta llinda iek kas katar o udar kai saia bulo trin pole, ta i o gua kas saia le trin pole ando bulipe.

7Ta suako soba saia la trin pole ando lungipe ta trin ando lungipe, ta naskar suako sobe saia duo pole ta dopas, ta andral suako direko katar o udar katar delpe andre saia le trin pole.

8Ta i llinda o than kai delpe andre katar o udar ta saia le trin pole.

9Mapalal llinda gachin saia le o udar kai delpe andre, ta saia le star pole, ta leke direkura sea len iek pola. Ta o udar katar o udar saia andral.

10Ta o udar katar likel o kham saia le trin sobe pe suako rig, e trinen sea isto gola pole, ta e udara saia len isto gola pole pe suako rig.

11Llinda gachin saia o bulipe katar o udar kai delpe andre ta saia la panch pole ando bulipe, ta o udar saia le sov pole ta dopas ando lungipe.

12Angla suako soba saia dopas e pola pe suako rig, ta e sobe saia len trin pole pe suako rig.

13Mapalal llinda o udar chak upral katar iek soba, llik upral katar ogoia, ta saia desudui pole ta dopas katar iek udar kai aver.

14Ta llinda suako direko katar o e bar ta katar o udar sa truial ta saia len tranda pole.

15Ta katar o udar kai delpe andre llik angla o udar kai si andre sea bis ta panch pole.

16Te sea penllerave tangune ande sobe, ta andral katar e udara truial, ta i pe thana kai si te phire, ta e penllerave sea truial andral, ta pe direkura sea palmere.

17Mapalal inllarda man kai e bar kai saia avri, ta kote sea sobe, ta saia barrustuno truial, tranda sobe sea truial ande goia bar.

18E barra sea truial katar e udara, prema o bulipe katar e udara sea e barra mai tele.

19Ta llinda e pole katar o udar kai si tele llik angla e bar kai si andre avrial, ta saia le pinda pole karing o likel o khan ta karing o norte.

20Ta katar o udar kai del karing o norte ande bar kai si avri, llinda gachin pole saia la ando bulipe ta o baripe.

21Lake sobe sea trin pe iek rig, ta trin pe ogoia rig, ta lake direkura ta o bangardipe kai saia truial katar e udara sea sargo o purvo udar: Bis ta panch pole ando baripe, ta desudui pole ta dui cheperkura ando bulipe.

22Ta lake penllerave ta o bangardipe kai saia truial katar e udara ta lake palmere sea prema e pole katar o udar kai dela karing likel o kham, ta likelape upre pe star thana barrustune, ta angla lende saia len o bangardipe kai saia truial katar e udara.

23O udar kai saia andre katar e bar saia angla o udar kai del karing o norte, ta karing likel o kham, ta e pole sea pinda katar iek udar kai o gua.

24Mapalal inllarda man karing o sur, ta kote saia iek udar kai dela karing o sur, ta llinda e pole katar leke udara ta e o bangardipe kai saia truial katar e udara prema gala pole.

25Ta e leke penllerave ta o bangardipe kai saia truial, sea sargo ogola penllerave, ando lungipe saia len bis ta panch pole, ta ando bulipe saia len desudui pole ta dui cheperkura.

26Sea le star thana barrustune ta angla lende saia o bangardipe kai llal truial, ta saia len iek palmera pe suako rig, pe lenge direkura.

27Ta i sea udara kai dena karing o sur katar e bar kai si andre, ta llinda e pole katar iek udar kai a o gua karing o sur ta saia len pinda pole.

28Mapalal inllarda man kai e bar kai si andre kai o udar katar o sur prema gala pole.

29Lake sobe ta lake direkura ta o bangardipe kai saia truial katar e udara saia prema gala pole, ta leke penllerave ta o bangardipe kai saia truial e udara kai sea truial, sea bis ta panch pole ando lungipe, ta ando bulipe saia len desudui pole ta dui cheperkura.

30E kasta kai llan truial katar e udara saia len desudui pole ta dui cheperkura ando lungipe, ta dui pole ta dui cheperkura ando bulipe.

31Ta o bangardipe kai saia truial katar e udara dena avri karing e bar, sea panch palmere pe leke direkura, ta sea ojto thana barrustune.

32Ta inllarda man ande bar kai si andre pe rig kai likel o kham, ta llinda e pole katar o udar prema gala.

33Leke sobe ta leke direkura ta o bangardipe kai saia truial katar e udara sea prema gala pole, ta leke penllerave ta o bangardipe kai saia truial katar e udara kai sea truial, lengo lungipe saia bis ta panch pole, ta lengo bulipe saia desudui pole ta dui cheperkura.

34Ta lengo bangardipe resela avri ande bar, ta e palmere pe lenge direkura pe iek rig ta pe ogoia, ta leke thana barrustune sea ojto.

35Mapalal inllarda man kai o udar katar o norte, ta llinda gala pole,

36leke sobe, leke direkura, o bangardipe ta lenge penllerave kai sea truial, sea len bis ta panch pole ando lungipe, ta ando bulipe saia len desudui pole ta dui cheperkura.

37Leke direkura resena avri ande bar, ta sea len palmere pe suako direko pe iek rig ta pe ogoia, ta leke thana barrustune sea ojto.

38Kote saia iek soba, ta lako udar kai saia le direkura udarenge, kote ka jalaven o kurbano kai phabardol.

39Ta angla o udar sea dui stalia pe iek rig, ta dui ios pe ogoia rig, te sai mundaren upral o kurbano kai phabardol ta o kurbano kai jalavel ta chistol.

40Pe iek rig avrial, kai si e thana barrustune kai delpe katar o udar katar o norte, sea dui stalia, ta pe ogoia rig katar delpe andre katar o udar, dui stalia ios.

41Sea star stalia pe iek rig, ta star stalia pe ogoia rig, ojto stalia kai upral mundarena e zivirinie.

42E star stalia e kurbanoke sea cherda katar o barr, saia len trin cheperkura ando lungipe, trin cheperkura ando bulipe ta dui cheperkura ando baripe, upral ka thoven e ezgode kai lenchar ka cheren o kurbano ta o kurbano kai ka phabardol.

43Ta truial sea chilorre bangarde kai saia len iek cheperko minono, ta upral pe stalia saia o mas katar e zivirinie.

44Ta avri kata o udar kai saia andre, ande bar kai saia andre pasa o udar katar o norte, sea e sobe katar e llene kai llilaben, kai likena karing o sur, iek saia pasa o udar kai si pe rig kai likel o kham ta likela karing o norte.

45Ta o manus phenda mange: E soba kai likel karing o sur si e poponenge kai radin ando cher e Devleko,

46Ta e soba kai likel karing o norte si katar e popura ka arakhen o altar, gala si e chave katar o Sadok kai si ikharde katar e vicha e Levieki te sai radin e Devleke.

47Ta llinda e bar, ta saia le pinda pole ando lungipe, ta pinda pole ando bulipe, leke star riga saia len isto gola pole, ta o altar saia angla o cher.

48Ta inllarda man kai o udar katar o cher e Devleko, ta llinda e pole katar suako direko katar o udar, ta saia len dui pole ta dopas suako iek, ta o bulipe katar o udar saia le iek pola ta dopas pe iek rig ta iek pola ta dopas pe ogoia rig.

49Ando lungipe o udar saia le des pole, ta ando bulipe saia le panch pole ta dui cheperkura, ta te llan lete saia te liken pe thana vazdine, ta sea direkura pasa e direkura iek pe suako rig.