bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 13
2 Chronicles 13
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
1
Yarubi‘ám bádsháh ke aṭhárahweṉ baras se Abiyáh Yahúdáh par saltanat karne lagá.
2
Us ne Yarúshalem meṉ tín baras saltanat kí. Us kí máṉ ká nám Míkáyáh thá jo Úríel Jiba‘í kí beṭí thí. Aur Abiyáh aur Yarubi‘ám ke darmiyán jang húí.
3
Aur Abiyáh jangí súrmáoṉ ká lashkar, ya‘ní chár lákh chune húe mard lekar laṛáí meṉ gayá; aur Yarubi‘ám ne us ke muqábale meṉ áṭh lákh chune húe mard lekar jo zabardast súrmá the saffáráí kí.
4
Aur Abiyáh Samaraim ke paháṛ par, jo Ifráím ke kohistání mulk meṉ hai, khaṛá húá, aur kahne lagá, ki Ai Yarubi‘ám, aur sab Isráílío, merí suno.
5
Kyá tum ko ma‘lúm nahíṉ, ki Ḳhudáwand Isráíl ke Ḳhudá ne Isráíl kí saltanat Dáúd hí ko aur us ke beṭoṉ ko namak ke ‘ahd se hamesha ke liye dí hai?
6
Taubhí Nabát ká beṭá Yarubi‘ám jo Sulaimán bin Dáúd ká ḳhádim thá, uṭhkar apne áqá se bág̣í húá:
7
aur us ke pás nikamme aur ḳhabís ádmí jama‘ ho gaye jinhoṉ ne Sulaimán ke beṭe Rahubi‘ám ke muqábale meṉ zor paḳrá jab Rahubi‘ám hanoz jawán aur narmdil thá, aur un ká muqábala nahíṉ kar saktá thá.
8
Aur ab tumhárá ḳhayál hai, ki tum Ḳhudáwand kí bádsháhí ká jo Dáúd kí aulád ke háth meṉ hai muqábala karo; aur tum bhárí amboh ho, aur tumháre sáth wuh sunahle bachhṛe haiṉ jin ko Yarubi‘ám ne banáyá, ki tumháre ma‘búd hoṉ.
9
Kyá tum ne Hárún ke beṭoṉ, aur Láwíoṉ ko jo Ḳhudáwand ke káhin the, ḳhárij nahíṉ kiyá, aur âur mulkoṉ kí qaumoṉ ke taríqe par apne liye káhin muqarrar nahíṉ kiye? aisá, ki jo koí ek bachhṛá aur sát meṉḍhe lekar apní taqdís karne áe, wuh un ká jo haqíqat meṉ Ḳhudá nahíṉ haiṉ káhin ho sake.
10
Lekin hamárá yih hál hai, ki Ḳhudáwand hamárá Ḳhudá hai, aur ham ne use tark nahíṉ kiyá hai; aur hamáre háṉ Hárún ke beṭe káhin haiṉ jo Ḳhudáwand kí ḳhidmat karte haiṉ, aur Láwí apne apne kám meṉ lage rahte haiṉ;
11
aur wuh har subh aur har shám ko Ḳhudáwand ke huzúr soḳhtaní qurbáníáṉ aur ḳhushbúdár baḳhúr jaláte haiṉ, aur pák mez par nazr kí roṭiyáṉ qá‘ide ke mutábiq rakhte, aur sunahle sham‘adán aur us ke chirág̣oṉ ko har shám ko raushan karte haiṉ; kyúṉki ham Ḳhudáwand apne Ḳhudá ke hukm ko mánte haiṉ; par tum ne us ko tark kar diyá hai.
12
Aur dekho, Ḳhudá hamáre sáth hamárá peshwá hai, aur us ke káhin tumháre ḳhiláf sáṉs báṉdhkar zor se phúṉkne ko narsinge liye húe haiṉ. Ai baní Isráíl, Ḳhudáwand apne bápdádá ke Ḳhudá se mat laṛo; kyúṉki tum kámyáb na hoge.
13
Par Yarubi‘ám ne un ke píchhe kamín lagwá dí; so wuh baní Yahúdáh ke áge rahe, aur kamín píchhe thí.
14
Jab baní Yahúdáh ne píchhe nazar kí, to kyá dekhá, ki laṛáí un ke áge aur píchhe donoṉ taraf se hai; aur unhoṉ ne Ḳhudáwand se faryád kí, aur káhinoṉ ne narsinge phúṉke.
15
Tab Yahúdáh ke logoṉ ne lalkárá: aur jab unhoṉ ne lalkárá, to aisá húá, ki Ḳhudá ne Abiyáh aur Yahúdáh ke áge Yarubi‘ám ko aur sáre Isráíl ko márá.
16
Aur baní Isráíl Yahúdáh ke áge se bháge; aur Ḳhudá ne un ko un ke háth meṉ kar diyá.
17
Aur Abiyáh aur us ke logoṉ ne un ko baṛí khúnrezí ke sáth qatl kiyá; so Isráíl ke páṉch lákh chune húe mard khet áe.
18
Yúṉ baní Isráíl us waqt mag̣lúb húe; aur baní Yahúdáh g̣álib áe, is liye ki unhoṉ ne Ḳhudáwand apne bápdádá ke Ḳhudá par bharosá kiyá.
19
Aur Abiyáh ne Yarubi‘ám ká píchhá kiyá, aur in shahroṉ ko us se le liyá, ya‘ní Baitel aur us ke díhát, Yasánah aur us ke díhát, ‘Ifron aur us ke díhát.
20
Aur Abiyáh ke dinoṉ meṉ Yarubi‘ám ne phir zor na pakṛá; aur Ḳhudáwand ne use márá, aur wuh mar gayá.
21
Lekin Abiyáh qawí ho gayá, aur us ne chaudah bíwiyáṉ biyáhíṉ, aur us se báís beṭe aur solah beṭiyáṉ paidá húíṉ.
22
Aur Abiyáh ke báqí kám, aur us ke hálát aur us kí kaháwateṉ, ‘Ídú nabí kí tafsír meṉ mundarj haiṉ.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36