bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 24
2 Chronicles 24
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
1
Yúás sát baras ká thá jab wuh saltanat karne lagá, aur us ne chálís baras Yarúshalem meṉ saltanat kí. Us kí máṉ ká nám Zibiyáh thá jo Baírsaba‘ kí thí.
2
Aur Yúás Yahoyada‘ káhin ke jíte jí wuhí jo Ḳhudáwand kí nazar meṉ ṭhík hai kartá rahá.
3
Aur Yahoyada‘ ne use do bíwiyáṉ biyáh díṉ, aur us se beṭe aur beṭiyáṉ paidá húíṉ.
4
Is ke ba‘d yúṉ húá, ki Yúás ne Ḳhudáwand ke ghar kí marammat ká iráda kiyá.
5
So us ne káhinoṉ aur Láwíoṉ ko ikaṭṭhá kiyá, aur un se kahá, ki Yahúdáh ke shahroṉ meṉ já jákar sáre Isráíl se sál ba sál apne Ḳhudá ke ghar kí marammat ke liye rupaya jama‘ kiyá karo, aur is kám meṉ tum jaldí karná. Taubhí Láwíoṉ ne kuchh jaldí na kí.
6
Tab bádsháh ne Yahoyada‘ sardár ko bulákar us se kahá, ki Tú ne Láwíoṉ se kyúṉ taqázá nahíṉ kiyá, ki wuh shahádat ke ḳhaime ke liye Yahúdáh aur Yarúshalem se Ḳhudáwand ke bande aur Isráíl kí jamá‘at ke ḳhádim Músá ká mahsúl láyá kareṉ?
7
Kyúṉki us sharír ‘aurat ‘Ataliyáh ke beṭoṉ ne Ḳhudá ke ghar meṉ raḳhne kar diye the; aur Ḳhudáwand ke ghar kí sárí muqaddas kí húí chízeṉ bhí unhoṉ ne Ba‘lím ko de dí thíṉ.
8
Pas bádsháh ne hukm diyá, aur unhoṉ ne ek sandúq banákar use Ḳhudáwand ke ghar ke darwáze par báhar rakkhá;
9
aur Yahúdáh aur Yarúshalem meṉ manádí kí, ki log wuh mahsúl jise banda e Ḳhudá Músá ne biyábán meṉ Isráíl par lagáyá thá, Ḳhudáwand ke liye láeṉ.
10
Aur sab sardár aur sab log ḳhush húe, aur lákar us sandúq meṉ ḍálte rahe jab tak púrá na kar diyá.
11
Jab sandúq Láwíoṉ ke háth se bádsháh ke muḳhtároṉ ke pás pahuṉchá, aur unhoṉ ne dekhá ki us meṉ bahut naqdí hai, to bádsháh ke munshí aur sardár káhin ke náib ne ákar sandúq ko ḳhálí kiyá, aur use lekar phir us kí jagah pahuṉchá diyá. Aur roz aisá hí karke unhoṉ ne bahut sí naqdí jama‘ kar lí.
12
Phir bádsháh aur Yahoyada‘ ne use un ko de diyá jo Ḳhudáwand ke ghar kí ‘ibádat ke kám par muqarrar the; aur unhoṉ ne saṉgtaráshoṉ aur baṛhaiyoṉ ko Ḳhudáwand ke ghar ko bahál karne ke liye, aur lohároṉ aur ṭhaṭheroṉ ko bhí Ḳhudáwand ke ghar kí marammat ke liye mazdúrí par rakkhá.
13
So kárígar lag gaye, aur kám un ke háth se púrá hotá gayá, aur unhoṉ ne Ḳhudá ke ghar ko us kí pahlí hálat par karke use mazbút kar diyá.
14
Aur jab use tamám kar chuke, to báqí rupaya bádsháh aur Yahoyada‘ ke pás le áe, jis se Ḳhudáwand ke ghar ke liye zurúf, ya‘ní ḳhidmat ke aur qurbání chaṛháne ke bartan aur chamche aur sone aur chándí ke bartan bane. Aur wuh Yahoyada‘ ke jíte jí Ḳhudáwand ke ghar meṉ hamesha soḳhtaní qurbáníáṉ chaṛháte rahe.
15
Lekin Yahoyada‘ ne buḍḍhá aur ‘umrrasída hokar wafát páí; aur jab wuh mará to ek sau tís baras ká thá.
16
Aur unhoṉ ne use Dáúd ke shahr meṉ bádsháhoṉ ke sáth dafn kiyá, kyúṉki us ne Isráíl meṉ aur Ḳhudá aur us ke ghar kí ḳhátir nekí kí thí.
17
Aur Yahoyada‘ ke marne ke ba‘d Yahúdáh ke sardár ákar bádsháh ke huzúr kornish bajá láe. Tab bádsháh ne un kí suní.
18
Aur wuh Ḳhudáwand apne bápdádá ke Ḳhudá ke ghar ko chhoṛkar Yasíratoṉ aur butoṉ kí parastish karne lage; aur un kí is ḳhatá ke bá‘is Yahúdáh aur Yarúshalem par g̣azab názil húá.
19
Taubhí Ḳhudáwand ne nabíoṉ ko un ke pás bhejá, táki un ko us kí taraf pher láeṉ; aur wuh un ko ilzám dete rahe, par unhoṉ ne kán na lagáyá.
20
Tab Ḳhudá kí rúh Yahoyada‘ káhin ke beṭe Zakariyáh par názil húí; so wuh logoṉ se baland jagah par khaṛá hokar kahne lagá, Ḳhudá yúṉ farmátá hai, ki Tum kyúṉ Ḳhudáwand ke hukmoṉ se báhar játe ho, ki yúṉ ḳhushhál nahíṉ rah sakte? chúṉki tum ne Ḳhudáwand ko chhoṛá hai, us ne bhí tum ko chhoṛ diyá.
21
Tab unhoṉ ne us ke ḳhiláf sázish kí, aur bádsháh ke hukm se Ḳhudáwand ke ghar ke sahn meṉ use saṉgsár kar diyá.
22
Yúṉ Yúás bádsháh ne us ke báp Yahoyada‘ ke ihsán ko, jo us ne us par kiyá thá, yád na rakkhá, balki us ke beṭe ko qatl kiyá. Aur marte waqt us ne kahá, Ḳhudáwand is ko dekhe, aur intiqám le.
23
Aur usí sál ke áḳhir meṉ aisá húá, ki Arámíoṉ kí fauj ne us par chaṛháí kí: aur Yahúdáh aur Yarúshalem meṉ ákar logoṉ meṉ se qaum ke sab sardároṉ ko halák kiyá aur un ká sárá mál lúṭkar Damishq ke bádsháh ke pás bhej diyá.
24
Agarchi Arámíoṉ ke lashkar se ádmíoṉ ká chhoṭá hí jathá áyá, taubhí Ḳhudáwand ne ek niháyat baṛá lashkar un ke háth meṉ kar diyá, is liye ki unhoṉ ne Ḳhudáwand apne bápdádá ke Ḳhudá ko chhoṛ diyá thá. So unhoṉ ne Yúás ko us ke kiye ká badla diyá.
25
Aur jab wuh us ke pás se lauṭ gaye (unhoṉ ne use baṛí bímáríoṉ meṉ mubtalá chhoṛá) to usí ke mulázimoṉ ne Yahoyada‘ káhin ke beṭoṉ ke ḳhún ke sabab se us ke ḳhiláf sázish kí, aur use us ke bistar par qatl kiyá, aur wuh mar gayá; aur unhoṉ ne use Dáúd ke shahr meṉ to dafn kiyá, par use bádsháhoṉ kí qabroṉ meṉ dafn na kiyá.
26
Aur us ke ḳhiláf sázish karnewále yih haiṉ; ‘Ammoniya Samá‘t ká beṭá Zabad, aur Moábiya Simríyat ká beṭá Yahúzabad.
27
Ab rahe us ke beṭe, aur wuh baṛe bojh jo us par rakkhe gaye, aur Ḳhudá ke ghar ká dobára banáná, so dekho, yih sab kuchh bádsháhoṉ kí kitáb kí tafsír meṉ likhá hai. Aur us ká beṭá Amasiyáh us kí jagah bádsháh húá.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36