bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 28
2 Chronicles 28
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
1
Áḳhaz bís baras ká thá jab wuh saltanat karne lagá, aur us ne solah baras Yarúshalem meṉ saltanat kí. Aur us ne wuh na kiyá jo Ḳhudáwand kí nazar meṉ durust hai, jaisá us ke báp Dáúd ne kiyá thá;
2
balki Isráíl ke bádsháhoṉ kí ráhoṉ par chalá; aur Ba‘lím kí ḍhálí húí múrateṉ bhí banwáíṉ.
3
Is ke siwá us ne Hinnum ke beṭe kí wádí meṉ baḳhúr jaláyá, aur un qaumoṉ ke nafratí dastúroṉ ke mutábiq jin ko Ḳhudáwand ne baní Isráíl ke sámne se ḳhárij kiyá thá apne hí beṭoṉ ko ág meṉ jhoṉká.
4
Us ne úṉche maqámoṉ aur paháṛoṉ par, aur har ek hare daraḳht ke níche qurbáníáṉ kíṉ, aur baḳhúr jaláyá.
5
Is liye Ḳhudáwand us ke Ḳhudá ne us ko sháh i Arám ke háth meṉ kar diyá: so unhoṉ ne use márá, aur us ke logoṉ meṉ se asíroṉ kí bhíṛ kí bhíṛ le gaye, aur un ko Damishq meṉ láe. Aur wuh sháh i Isráíl ke háth meṉ bhí kar diyá gayá, jis ne use márá aur baṛí ḳhúnrezí kí.
6
Aur Fiqah bin Ramaliyáh ne ek hí din meṉ Yahúdáh meṉ se ek lákh bís hazár ko, jo sab ke sab súrmá the, qatl kiyá; kyúṉki unhoṉ ne Ḳhudáwand apne bápdádá ke Ḳhudá ko chhoṛ diyá thá.
7
Aur Zikrí ne jo Ifráím ká ek pahlawán thá Ma‘siyáh sháhzáde ko, aur mahall ke názim ‘Azríqám ko, aur bádsháh ke wazír Ilqánah ko már ḍálá.
8
Aur baní Isráíl apne bháiyoṉ meṉ se do lákh ‘auratoṉ aur beṭe beṭiyoṉ ko asír karke le gaye, aur un ká bahut sá mál lúṭ liyá, aur lúṭ ko Sámariya meṉ láe.
9
Lekin waháṉ Ḳhudáwand ká ek nabí thá jis ká nám ‘Odid thá: wuh us lashkar ke istiqbál ko gayá jo Sámariya ko á rahá thá, aur un se kahne lagá, Dekho, is liye ki Ḳhudáwand tumháre bápdádá ká Ḳhudá Yahúdáh se náráz thá, us ne un ko tumháre háth meṉ kar diyá, aur tum ne un ko aise taish meṉ qatl kiyá hai, jo ásmán tak pahuṉchá.
10
Aur ab tumhárá iráda hai, ki baní Yahúdáh aur Yarúshalem ko apne g̣ulám aur lauṉḍiyáṉ banákar un ko dabáe rakkho; lekin kyá tumháre hí gunáh jo tum ne Ḳhudáwand apne Ḳhudá ke ḳhiláf kiye haiṉ tumháre sir nahíṉ haiṉ?
11
So tum ab merí suno, aur un asíroṉ ko jin ko tum ne apne bháiyoṉ meṉ se asír kar liyá hai ázád karke lauṭá do; kyúṉki Ḳhudáwand ká qahr i shadíd tum par hai.
12
Tab baní Ifráím ke sardároṉ meṉ se ‘Azariyáh bin Yúhanán, aur Barakiyáh bin Masilímot, aur Yahizqiyáh bin Salúm, aur ‘Amasá bin Ḳhadlí un ke sámne, jo jang se á rahe the, khaṛe ho gaye, aur un se kahá, ki
13
Tum asíroṉ ko yaháṉ nahíṉ láne páoge; kyúṉki jo tum ne ṭháná hai us se ham Ḳhudáwand ke gunahgár baneṉge, aur hamáre gunáh aur ḳhatáeṉ baṛh jáeṉgí; kyúṉki hamárí ḳhatá baṛí hai, aur Isráíl par qahr i shadíd hai.
14
So un hathyárband logoṉ ne asíroṉ aur mál i g̣anímat ko amíroṉ aur sárí jamá‘at ke áge chhoṛ diyá.
15
Aur wuh ádmí jin ke nám mazkúr húe uṭhe, aur asíroṉ ko liyá, aur lúṭ ke mál meṉ se un sabhoṉ ko jo un meṉ naṉge the, libás se árásta kiyá, aur un ko júte pahináe, aur un ko kháne píne ko diyá, aur un par tel malá, aur jitne un meṉ kamzor the, un ko gadhoṉ par chaṛhákar khajúr ke daraḳhtoṉ ke shahr Yaríhú meṉ un ke bháiyoṉ ke pás pahuṉchá diyá; tab Sámariya ko lauṭ gaye.
16
Us waqt Áḳhaz bádsháh ne Asúr ke bádsháhoṉ ke pás kahlá bhejá, ki us kí madad kareṉ;
17
is liye ki Adomíoṉ ne phir chaṛháí karke Yahúdáh ko már liyá aur asíroṉ ko le gaye the.
18
Aur Filistíoṉ ne bhí nasheb kí zamín ke aur Yahúdáh ke junúb ke shahroṉ par hamla karke Bait Shams, aur Aiyálon, aur Jadírot ko, aur Shoko aur us ke díhát ko, aur Timnah aur us ke dihát ko, aur Jimsú aur us ke dihát ko bhí le liyá thá, aur un meṉ bas gaye the.
19
Kyúṉki Ḳhudáwand ne sháh i Isráíl Áḳhaz ke sabab se Yahúdáh ko past kiyá, is liye ki us ne Yahúdáh meṉ behayáí kí chál chalkar Ḳhudáwand ká baṛá gunáh kiyá thá.
20
Aur sháh i Asúr Tiglatpilnásar us ke pás áyá; par us ne us ko tang kiyá, aur us kí kumak na kí.
21
Kyúṉki Áḳhaz ne Ḳhudáwand ke ghar, aur bádsháh aur sardároṉ ke mahalloṉ se mál lekar sháh i Asúr ko diyá; taubhí us kí kuchh madad na húí.
22
Aur apní tangí ke waqt meṉ bhí us ne, ya‘ní isí Áḳhaz bádsháh ne, Ḳhudáwand ká âur bhí ziyáda gunáh kiyá.
23
Kyúṉki us ne Damishq ke deotáoṉ ke liye, jinhoṉ ne use márá thá, qurbáníáṉ kíṉ, aur kahá, Chúṉki Arám ke bádsháhoṉ ke ma‘búdoṉ ne un kí madad kí hai, so maiṉ un ke liye qurbání karúṉgá, táki wuh merí madad kareṉ. Lekin wuh us kí aur sáre Isráíl kí tabáhí ká bá‘is húe.
24
Aur Áḳhaz ne Ḳhudá ke ghar ke bartanoṉ ko jama‘ kiyá, aur Ḳhudá ke ghar ke bartanoṉ ko ṭukṛe ṭukṛe kiyá, aur Ḳhudáwand ke ghar ke darwázoṉ ko band kiyá, aur apne liye Yarúshalem ke har kone meṉ mazbahe banáe;
25
aur Yahúdáh ke ek ek shahr meṉ g̣airma‘búdoṉ ke áge baḳhúr jaláne ke liye úṉche maqám banáe, aur Ḳhudáwand apne bápdádá ke Ḳhudá ko g̣ussa diláyá.
26
Aur us ke báqí kám aur us ke sab taur taríqe shurú‘ se áḳhir tak Yahúdáh aur Isráíl ke bádsháhoṉ kí kitáb meṉ qalamband haiṉ.
27
Aur Áḳhaz apne bápdádá ke sáth so gayá, aur unhoṉ ne use shahr meṉ, ya‘ní Yarúshalem meṉ, dafn kiyá, kyúṉki wuh use Isráíl ke bádsháhoṉ kí qabroṉ meṉ na láe; aur us ká beṭá Hizqiyáh us kí jagah bádsháh húá.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36