bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 18
2 Chronicles 18
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
1
Aur Yahúsafat kí daulat aur ‘izzat firáwán thí; aur us ne Aḳhíab ke sáth nátá joṛá.
2
Aur chand barasoṉ ke ba‘d wuh Aḳhíab ke pás Sámariya ko gayá. Aur Aḳhíab ne us ke aur us ke sáthíoṉ ke liye bheṛ bakriyáṉ aur bail kasrat se zabh kiye, aur use apne sáth Rámát Jili‘ád par chaṛháí karne kí targ̣íb dí.
3
Aur Isráíl ke bádsháh Aḳhíab ne Yahúdáh ke bádsháh Yahúsafat se kahá, Kyá tú mere sáth Rámát Jili‘ád ko chalegá? Us ne jawáb diyá, Maiṉ waisá hí húṉ jaisá tú hai, aur mere log aise haiṉ jaise tere log: so ham laṛáí meṉ tere sáth hoṉge.
4
Aur Yahúsafat ne sháh i Isráíl se kahá, Áj zará Ḳhudáwand kí bát daryáft kar le.
5
Tab sháh i Isráíl ne nabíoṉ ko jo chár sau mard the ikaṭṭhá kiyá, aur un se púchhá, Ham Rámát Jili‘ád ko jang ke liye jáeṉ, yá maiṉ báz rahúṉ? Unhoṉ ne kahá, Chaṛháí kar, kyúṉki Ḳhudá use bádsháh ke qabze meṉ kar degá.
6
Phir Yahúsafat ne kahá, Kyá yaháṉ in ke siwá Ḳhudáwand ká koí nabí nahíṉ, táki ham us se púchheṉ?
7
Sháh i Isráíl ne Yahúsafat se kahá, Ek shaḳhs hai to sahíh jis ke zarí‘e se ham Ḳhudáwand se púchh sakte haiṉ; lekin mujhe us se nafrat hai, kyúṉki wuh mere haqq meṉ kabhí nekí kí nahíṉ, balki hamesha badí kí peshíngoí kartá hai. Wuh shaḳhs Míkáyáh bin Imlah hai. Yahúsafat ne kahá, Bádsháh aisá na kahe.
8
Tab sháh i Isráíl ne ek ‘uhdadár ko bulákar hukm kiyá, ki Míkáyáh bin Imlah ko jald le á.
9
Aur sháh i Isráíl aur sháh i Yahúdáh Yahúsafat apne apne taḳht par apná apná libás pahine baiṭhe the; wuh Sámariya ke pháṭak ke madḳhal par khulí jagah meṉ baiṭhe the; aur sab ambiyá un ke huzúr nubuwwat kar rahe the.
10
Aur Sidqiyáh bin Kana‘nah ne apne liye lohe ke síṉg banáe, aur kahá, Ḳhudáwand yúṉ farmátá hai, ki Tú in se Arámíoṉ ko dhakelegá, jab tak ki wuh faná na ho jáeṉ.
11
Aur sab nabíoṉ ne aisí hí nubuwwat kí, aur kahte rahe, ki Rámát Jili‘ád ko já, aur kámyáb ho: kyúṉki Ḳhudáwand use bádsháh ke qabze meṉ kar degá.
12
Aur us qásid ne jo Míkáyáh ko buláne gayá thá us se yih kahá, Dekh, sab ambiyá ekzabán hokar bádsháh ko ḳhushḳhabarí de rahe haiṉ: so terí bát bhí zará un kí bát kí tarah ho, aur tú ḳhushḳhabarí hí dená.
13
Míkáyáh ne kahá, Ḳhudáwand kí hayát kí qasam, jo kuchh merá Ḳhudá farmáegá maiṉ wuhí kahúṉgá.
14
Jab wuh bádsháh ke pás pahuṉchá, to bádsháh ne us se kahá, Míkáyáh, ham Rámát Jili‘ád ko jang ke liye jáeṉ, yá maiṉ báz rahúṉ? Us ne kahá, Tum chaṛháí karo, aur kámyáb ho, aur wuh tumháre háth meṉ kar diye jáeṉge.
15
Bádsháh ne us se kahá, Maiṉ tujhe kitní bár qasam dekar kahúṉ, ki tú mujhe Ḳhudáwand ke nám se haqq ke siwá âur kuchh na batáe?
16
Us ne kahá, Maiṉ ne sab baní Isráíl ko paháṛoṉ par un bheṛoṉ kí mánind paráganda dekhá jin ká koí charwáhá na ho; aur Ḳhudáwand ne kahá, In ká koí málik nahíṉ; so in meṉ se har shaḳhs apne ghar ko salámat lauṭ jáe.
17
Tab sháh i Isráíl ne Yahúsafat se kahá, Kyá maiṉ ne tujh se kahá na thá, ki Wuh mere haqq meṉ nekí kí nahíṉ, balki badí kí peshíngoí karegá?
18
Tab wuh bol uṭhá, Achchhá, tum Ḳhudáwand ke suḳhan ko suno: Maiṉ ne dekhá, ki Ḳhudáwand apne taḳht par baiṭhá hai, aur sárá ásmání lashkar us ke dahine aur báeṉ háth khaṛá hai.
19
Aur Ḳhudáwand ne farmáyá, ki Sháh i Isráíl Aḳhíab ko kaun bahkáegá, táki wuh chaṛháí kare aur Rámát Jili‘ád meṉ maqtúl ho? Aur kisí ne kuchh aur kisí ne kuchh kahá.
20
Tab ek rúh nikalkar Ḳhudáwand ke sámne khaṛí húí, aur kahne lagí, Maiṉ use bahkáúṉgí. Ḳhudáwand ne us se púchhá, Kis tarah?
21
Us ne kahá, Maiṉ jáúṉgí, aur us ke sab nabíoṉ ke muṉh meṉ jhúṭh bolnewálí rúh ban jáúṉgí. Ḳhudáwand ne kahá, Tú use bahkáegí, aur g̣álib bhí hogí: já aur aisá hí kar.
22
So dekh, Ḳhudáwand ne tere in sab nabíoṉ ke muṉh meṉ jhúṭh bolnewálí rúh ḍálí hai, aur Ḳhudáwand ne tere haqq meṉ badí ká hukm diyá hai.
23
Tab Sidqiyáh bin Kana‘nah ne pás ákar Míkáyáh ke gál par márá, aur kahne lagá, Ḳhudáwand kí rúh tujh se kalám karne ko kis ráste mere pás se nikalkar gayí?
24
Míkáyáh ne kahá, Tú us din dekh legá, jab tú andar kí koṭhrí meṉ chhipne ko ghusegá.
25
Aur sháh í Isráíl ne kahá, Míkáyáh ko pakaṛkar use shahr ke názim Amún aur Yúás shahzáde ke pás lauṭá le jáo,
26
aur kahná, ki Bádsháh yúṉ farmátá hai, ki Jab tak maiṉ salámat wápas na á jáúṉ, is ádmí ko qaidḳháne meṉ rakkho, aur use musíbat kí roṭí khiláná, aur musíbat ká pání piláná.
27
Míkáyáh ne kahá, Agar tú kabhí salámat wápas áe, to Ḳhudáwand ne merí ma‘rifat kalám hí nahíṉ kiyá. Aur us ne kahá, Ai logo, tum sab ke sab sun lo.
28
So sháh i Isráíl aur sháh i Yahúdáh Yahúsafat ne Rámát Jili‘ád par chaṛháí kí.
29
Aur sháh i Isráíl ne Yahúsafat se kahá, Maiṉ apná bhes badalkar laṛáí meṉ jáúṉgá, par tú apná libás pahine rah. So sháh i Isráíl ne bhes badal liyá, aur wuh laṛáí meṉ gaye.
30
Udhar sháh i Arám ne apne rathoṉ ke sardároṉ ko hukm diyá thá, ki Sháh i Isráíl ke siwá, kisí chhoṭe yá baṛe se jang na karná.
31
Aur aisá húá, ki jab rathoṉ ke sardároṉ ne Yahúsafat ko dekhá, to kahne lage, Sháh i Isráíl yihí hai. So wuh us se laṛne ko muṛe, lekin Yahúsafat chillá uṭhá, aur Ḳhudáwand ne us kí madad kí, aur Ḳhudá ne un ko us ke pás se lauṭá diyá.
32
Jab rathoṉ ke sardároṉ ne dekhá ki wuh sháh i Isráíl nahíṉ hai, to us ká píchhá chhoṛkar lauṭ gaye.
33
Aur kisí shaḳhs ne yúṉ hí kamán kheṉchí, aur sháh i Isráíl ko jaushan ke bandoṉ ke bích márá. Tab us ne apne sárathí se kahá, Bág moṛ aur mujhe lashkar se nikál le chal, kyúṉki maiṉ bahut zaḳhmí ho gayá húṉ.
34
Aur us din jang ḳhúb hí húí: taubhí shám tak sháh i Isráíl Arámíoṉ ke muqábil apne ko apne rath par sambhále rahá, aur súraj ḍúbne ke waqt ke qaríb mar gayá.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36