bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 2
2 Chronicles 2
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
1
Aur Sulaimán ne iráda kiyá ki ek ghar Ḳhudáwand ke nám ke liye aur ek ghar apní saltanat ke liye banáe.
2
Aur Sulaimán ne sattar hazár bárbardár, aur paháṛ meṉ assí hazár patthar káṭnewále, aur tín hazár chha sau ádmí un kí nigrání ke liye ginkar ṭhahrá diye.
3
Aur Sulaimán ne Súr ke bádsháh Húrám ke pás kahlá bhejá, ki Jaisá tú ne mere báp Dáúd ke sáth kiyá, aur us ke pás deodár kí lakṛí bhejí, ki wuh apne rahne ke liye ek ghar banáe, waisá hí mere sáth bhí kar.
4
Maiṉ Ḳhudáwand apne Ḳhudá ke nám ke liye ek ghar banáne ko húṉ, ki us ke liye muqaddas karúṉ, aur us ke áge ḳhushbúdár masálih ká baḳhúr jaláúṉ, aur wuh sabtoṉ, aur naye chándoṉ, aur Ḳhudáwand hamáre Ḳhudá kí muqarrara ‘ídoṉ par dáimí nazr kí roṭí, aur subh aur shám kí soḳhtaní qurbáníoṉ ke liye ho, kyúṉki yih abad tak Isráíl par farz hai.
5
Aur wuh ghar jo maiṉ banáne ko húṉ, ‘azímu’sh shán hogá; kyúṉki hamárá Ḳhudá sab ma‘búdoṉ se ‘azím hai.
6
Lekin kaun us ke liye ghar banáne ke qábil hai? jis hál ki ásmán meṉ, balki ásmánoṉ ke ásmán meṉ bhí, wuh samá nahíṉ saktá, to bhalá maiṉ kaun húṉ jo us ke huzúr baḳhúr jaláne ke siwá kisí âur ḳhayál se us ke liye ghar banáúṉ?
7
So ab tú mere pás ek aise shaḳhs ko bhej de, jo sone aur chándí, aur pítal, aur lohe ke kám meṉ, aur arg̣awání, aur qirmizí, aur níle kapṛe ke kám meṉ máhir ho, aur naqqáshí bhí jántá ho, táki wuh un kárígaroṉ ke sáth rahe jo mere báp Dáúd ke ṭhahráe húe Yahúdáh aur Yarúshalem meṉ mere pás haiṉ.
8
Aur deodár aur sanaubar aur sandal ke laṭṭhe Lubnán se mere pás bhejná; kyúṉki maiṉ jántá húṉ, ki tere naukar Lubnán kí lakṛí káṭne meṉ hoshyár haiṉ; aur mere naukar tere naukaroṉ ke sáth rahkar,
9
mere liye bahut sí lakṛí taiyár kareṉge: kyúṉki wuh ghar jo maiṉ banáne ko húṉ niháyat ‘álíshán hogá.
10
Aur maiṉ tere naukaroṉ ya‘ní lakṛí káṭnewáloṉ ko, bís hazár kurr sáf kiyá húá gehúṉ, aur bís hazár kurr jau, aur bís hazár batt mai, aur bís hazár batt tel dúṉgá.
11
Tab Súr ke bádsháh Húrám ne jawáb likhkar use Sulaimán ke pás bhejá, ki Chúṉki Ḳhudáwand ko apne logoṉ se mahabbat hai, is liye us ne tujh ko un ká bádsháh banáyá hai.
12
Aur Húrám ne yih bhí kahá, Ḳhudáwand Isráíl ká Ḳhudá, jis ne ásmán aur zamín ko paidá kiyá, mubárak ho, ki us ne Dáúd bádsháh ko ek dáná beṭá fahm o ma‘rifat se ma‘múr baḳhshá, táki wuh Ḳhudáwand ke liye ek ghar, aur apní saltanat ke liye ek ghar banáe.
13
So maiṉ ne apne báp Húrám ke ek hoshyár shaḳhs ko jo dánish se ma‘múr hai bhej diyá hai.
14
Wuh Dán kí beṭiyoṉ meṉ se ek ‘aurat ká beṭá hai, aur us ká báp Súr ká báshinda thá; wuh sone, aur chándí, aur pítal, aur lohe, aur patthar, aur laḳrí ke kám meṉ, aur arg̣awání, aur níle, aur qirmizí, aur katání kapṛe ke kám meṉ máhir, aur har tarah kí naqqáshí, aur har qism kí san‘at meṉ táq hai, táki tere hunarmandoṉ aur mere maḳhdúm tere báp Dáúd ke hunarmandoṉ ke sáth us ke liye jagah muqarrar ho jáe.
15
Aur ab gehúṉ, aur jau, aur tel aur mai, jin ká mere málik ne zikr kiyá hai, wuh un ko apne ḳhádimoṉ ke liye bheje:
16
aur jitní lakṛí tujh ko darkár hai, ham Lubnán se káṭeṉge, aur un ke beṛe banwákar samundar hí samundar tere pás Yáfá meṉ pahuṉcháeṉge; phir tú un ko Yarúshalem ko le jáná.
17
Aur Sulaimán ne Isráíl ke mulk meṉ ke sab pardesiyoṉ ko shumár kiyá, jaise us ke báp Dáúd ne un ko shumár kiyá thá; aur wuh ek lákh tirpan hazár chha sau nikle.
18
Aur us ne un meṉ se sattar hazár ko bárbardárí par, aur assí hazár ko paháṛ par patthar káṭne ke liye, aur tín hazár chha sau ko logoṉ se kám lene ke liye názir ṭhahráyá.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
Recommended Reading
Commentary
2 Chronicles Commentaries
→
Devotional
2 Chronicles Devotional Guide
→
Get This Bible
URDR55 (Kitáb i Muqaddas (Tauret, Zabúr, Ambiyá ke Sahífa, aur Injíl)) Study Bible
→