bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 33
2 Chronicles 33
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Munassí bárah baras ká thá jab wuh saltanat karne lagá, aur us ne Yarúshalem meṉ pachpan baras saltanat kí.
2
Aur us ne un qaumoṉ ke nafratangez kámoṉ ke mutábiq, jin ko Ḳhudáwand ne baní Isráíl ke áge se dafa‘ kiyá thá, wuhí kiyá jo Ḳhudáwand kí nazar meṉ burá thá.
3
Kyúṉki us ne un úṉche maqámoṉ ko jin ko us ke báp Hizqiyáh ne ḍháyá thá phir banáyá; aur Ba‘lím ke liye mazbah banáe, aur Yasírateṉ taiyár kíṉ, aur sáre ásmání lashkar ko sijda kiyá aur un kí parastish kí.
4
Aur us ne Ḳhudáwand ke ghar meṉ, jis kí bábat Ḳhudáwand ne farmáyá thá, ki Merá nám Yarúshalem meṉ hamesha rahegá, mazbahe banáe.
5
Aur us ne Ḳhudáwand ke ghar ke donoṉ sahnoṉ meṉ sáre ásmání lashkar ke liye mazbah banáe.
6
Aur us ne Bin Hinnúm kí wádí meṉ apne farzandoṉ ko bhí ág meṉ jhoṉká: aur wuh shugún mántá aur jádú aur afsún kartá, aur badrúhoṉ ke áshnáoṉ aur jádúgaroṉ se ta‘alluq rakhtá thá: us ne Ḳhudáwand kí nazar meṉ bahut badkárí kí, jis se use g̣ussa diláyá.
7
Aur jo khodí húí múrat us ne banwáí thí, us ko Ḳhudá ke ghar meṉ nasb kiyá, jis kí bábat Ḳhudá ne Dáúd aur us ke beṭe Sulaimán se kahá thá, ki Maiṉ is ghar meṉ, aur Yarúshalem meṉ jise maiṉ ne baní Isráíl ke sáre qabíloṉ meṉ se chun liyá hai apná nám abad tak rakkhúṉgá;
8
aur maiṉ baní Isráíl ke páṉwoṉ ko us sarzamín se jo maiṉ ne un ke bápdádá ko ‘ináyat kí hai phir kabhí nahíṉ haṭáúṉgá, basharte ki wuh un sab bátoṉ ko, jo maiṉ ne un ko farmáíṉ, ya‘ní us sárí sharí‘at aur áín aur hukmoṉ ko jo Músá kí ma‘rifat mile, mánne kí ihtiyát rakkheṉ.
9
Aur Munassí ne Yahúdáh aur Yarúshalem ke báshindoṉ ko yaháṉ tak gumráh kiyá, ki unhoṉ ne un qaumoṉ se bhí ziyáda badí kí jin ko Ḳhudáwand ne baní Isráíl ke sámne se halák kiyá thá.
10
Aur Ḳhudáwand ne Munassí aur us ke logoṉ se báteṉ kíṉ; par unhoṉ ne kuchh dhiyán na diyá.
11
Is liye Ḳhudáwand un par sháh i Asúr ke sipahsálároṉ ko chaṛhá láyá, jo Munassí ko zanjíroṉ se jakaṛkar aur beṛiyáṉ ḍálkar Bábul ko le gaye.
12
Jab wuh musíbat meṉ paṛá, to us ne Ḳhudáwand apne Ḳhudá se minnat kí, aur apne bápdádá ke Ḳhudá ke huzúr niháyat ḳháksár baná;
13
aur us ne us se du‘á máṉgí, tab us ne us kí du‘á qubúl karke us kí faryád suní, aur use us kí mamlukat meṉ Yarúshalem ko wápas láyá. Tab Munassí ne ján liyá, ki Ḳhudáwand hí Ḳhudá hai.
14
Is ke ba‘d us ne Dáúd ke shahr ke liye, Jaihún kí mag̣rib kí taraf wádí meṉ machhlí pháṭak ke madḳhal tak, ek báhar kí díwár uṭháí, aur ‘Ofal ko gherá, aur use bahut úṉchá kiyá, aur Yahúdáh ke sab fasíldár shahroṉ meṉ bahádur jangí sardár rakkhe.
15
Aur us ne ajnabí ma‘búdoṉ ko, aur Ḳhudáwand ke ghar se us múrat ko, aur sab mazbahoṉ ko jo us ne Ḳhudáwand ke ghar ke paháṛ par aur Yarúshalem meṉ banwáe the dúr kiyá, aur un ko shahr ke báhar pheṉk diyá.
16
Aur us ne Ḳhudáwand ke mazbah kí marammat kí, aur us par salámatí ke zabíhoṉ kí aur shukrguzárí kí qurbáníáṉ chaṛháíṉ, aur Yahúdáh ko Ḳhudáwand apne Ḳhudá kí parastish ká hukm diyá.
17
Taubhí log úṉche maqámoṉ meṉ qurbání karte rahe, par faqat Ḳhudáwand apne Ḳhudá ke liye.
18
Aur Munassí ke báqí kám aur apne Ḳhudá se us kí du‘á, aur un g̣aibbínoṉ kí báteṉ, jinhoṉ ne Ḳhudáwand Isráíl ke Ḳhudá ke nám se us ke sáth kalám kiyá, wuh sab Isráíl ke bádsháhoṉ ke a‘mál ke sáth qalamband haiṉ.
19
Us kí du‘á aur us ká qubúl honá, aur us kí ḳháksárí se pahle kí sab ḳhatáeṉ, aur us kí beímání, aur wuh jagaheṉ jaháṉ us ne úṉche maqám banwáe, aur Yasírateṉ aur khodí húí múrateṉ khaṛí kíṉ; yih sab báteṉ Húzaí kí táríḳh meṉ qalamband haiṉ.
20
Aur Munassí apne bápdádá ke sáth so gayá, aur unhoṉ ne use usí ke ghar meṉ dafn kiyá: aur us ká beṭá Amún us kí jagah bádsháh húá.
21
Amún báís baras ká thá jab wuh saltanat karne lagá, aur us ne do baras Yarúshalem meṉ saltanat kí.
22
Aur jo Ḳhudáwand kí nazar meṉ burá hai, wuhí us ne kiyá, jaisá us ke báp Munassí ne kiyá thá: aur Amún ne un sab khodí húí múratoṉ ke áge, jo us ke báp Munassí ne banwáí thíṉ, qurbáníáṉ kíṉ, aur un kí parastish kí:
23
aur wuh Ḳhudáwand ke huzúr ḳháksár na baná, jaisá us ká báp Munassí ḳháksár baná thá; balki Amún ne gunáh par gunáh kiyá.
24
So us ke ḳhádimoṉ ne us ke ḳhiláf sázish kí, aur usí ke ghar meṉ use már ḍálá.
25
Par ahl i mulk ne un sab ko qatl kiyá jinhoṉ ne Amún bádsháh ke ḳhiláf sázish kí thí; aur ahl i mulk ne us ke beṭe Yúsiyáh ko us kí jagah bádsháh banáyá.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36