bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 35
2 Chronicles 35
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Aur Yúsiyáh ne Yarúshalem meṉ Ḳhudáwand ke liye ‘íd i fasah kí; aur unhoṉ ne fasah ko pahle mahíne kí chaudahwíṉ táríḳh ko zabh kiyá.
2
Aur us ne káhinoṉ ko un kí ḳhidmat par muqarrar kiyá, aur un ko Ḳhudáwand ke ghar kí ḳhidmat kí targ̣íb dí.
3
Aur un Láwíoṉ se jo Ḳhudáwand ke liye muqaddas hokar tamám Isráíl ko ta‘lím dete the kahá, ki Pák sandúq ko us ghar meṉ jise sháh i Isráíl Sulaimán bin Dáúd ne banáyá thá rakkho; áge ko tumháre kandhoṉ par koí bojh na hogá; so ab tum Ḳhudáwand apne Ḳhudá kí aur us kí qaum Isráíl kí ḳhidmat karo;
4
aur apne ábáí ḳhándánoṉ aur faríqoṉ ke mutábiq, jaisá sháh i Isráíl Dáúd ne likhá aur jaisá us ke beṭe Sulaimán ne likhá hai, apne áp ko taiyár kar lo.
5
Aur tum maqdis meṉ apne bháiyoṉ ya‘ní qaum ke farzandoṉ ke ábáí ḳhándánoṉ kí taqsím ke mutábiq khaṛe ho; táki un meṉ se har ek ke liye Láwíoṉ ke kisí na kisí ábáí ḳhándán kí koí sháḳh ho.
6
Aur fasah ko zabh karo, aur Ḳhudáwand ke kalám ke mutábiq jo Músá kí ma‘rifat milá ‘amal karne ke liye apne áp ko pák karke apne bháiyoṉ ke liye taiyár ho.
7
Aur Yúsiyáh ne logoṉ ke liye, jitne waháṉ maujúd the, rewaṛoṉ meṉ se barre aur halwán, sab ke sab fasah kí qurbáníoṉ ke liye diye, jo gintí meṉ tís hazár the aur tín hazár bachhṛe the: yih sab bádsháhí mál meṉ se diye gaye.
8
Aur us ke sardároṉ ne razá kí qurbání ke taur par logoṉ ko, aur káhinoṉ ko, aur Láwíoṉ ko diyá: Ḳhilqiyáh, aur Zakariyáh, aur Yahíel ne jo Ḳhudá ke ghar ke názim the káhinoṉ ko fasah ke liye do hazár chha sau bheṛ bakrí aur tín sau bail diye.
9
Aur Kana‘niyáh ne bhí aur us ke bháiyoṉ Sama‘iyáh, aur Nataniel ne aur Hasabiyáh, aur Ya‘iel, aur Yúzabad ne, jo Láwíoṉ ke sardár the, Láwíoṉ ko fasah ke liye páṉch hazár bheṛ bakrí aur páṉch sau bail diye.
10
Yúṉ ‘ibádat kí taiyárí húí, aur bádsháh ke hukm ke mutábiq káhin apní apní jagah par aur Láwí apne apne faríq ke mutábiq khaṛe húe.
11
Unhoṉ ne fasah ko zabh kiyá, aur káhinoṉ ne un ke háth se ḳhún lekar chhiṛká, aur Láwí khál kheṉchte gaye.
12
Phir unhoṉ ne soḳhtaní qurbáníáṉ alag kíṉ, táki wuh logoṉ ke ábáí ḳhándánoṉ kí taqsím ke mutábiq Ḳhudáwand ke huzúr chaṛháne ko un ko deṉ, jaisá Músá kí kitáb meṉ likhá hai. Aur bailoṉ se bhí unhoṉ ne aisá hí kiyá.
13
Aur unhoṉ ne dastúr ke muwáfiq fasah ko ág par bhúná; aur pák hadyoṉ ko degoṉ, aur hanḍoṉ, aur karáhíoṉ meṉ pakáyá, aur un ko jald logoṉ ko pahuṉchá diyá.
14
Is ke ba‘d unhoṉ ne apne liye aur káhinoṉ ke liye taiyár kiyá; kyúṉki káhin ya‘ní baní Hárún soḳhtaní qurbáníoṉ aur charbí ke chaṛháne meṉ rát tak mashg̣úl rahe; so Láwíoṉ ne apne liye aur káhinoṉ ke liye jo baní Hárún the taiyár kiyá.
15
Aur gánewále jo baní Ásaf the, Dáúd, aur Ásaf, aur Haimán, aur bádsháh ke g̣aibbín Yadútún ke hukm ke muwáfiq apní apní jagah meṉ the, aur har darwáze par darbán the; un ko apná apná kám chhoṛná na paṛá, kyúṉki un ke bháí Láwíoṉ ne un ke liye taiyár kiyá.
16
So usí din Yúsiyáh bádsháh ke hukm ke muwáfiq fasah mánne aur Ḳhudáwand ke mazbah par soḳhtaní qurbáníáṉ chaṛháne ke liye Ḳhudáwand kí púrí ‘ibádat kí taiyárí kí gayí.
17
Aur baní Isráíl ne jo házir the fasah ko us waqt aur fatírí roṭí kí ‘íd ko sát din tak manáí.
18
Is kí mánind koí fasah Samúel nabí ke dinoṉ se Isráíl meṉ nahíṉ manáyá gayá thá, aur na sháhán i Isráíl meṉ se kisí ne aisí ‘íd i fasah kí, jaisí Yúsiyáh, aur káhinoṉ, aur Láwíoṉ, aur sáre Yahúdáh aur Isráíl ne jo házir the, aur Yarúshalem ke báshindoṉ ne kí.
19
Yih fasah Yúsiyáh kí saltanat ke aṭhárahweṉ baras meṉ manáyá gayá.
20
Is sab ke ba‘d, jab Yúsiyáh haikal ko taiyár kar chuká, to sháh i Misr Niko ne Karkimís se jo Furát ke kanáre hai laṛne ke liye chaṛháí kí; aur Yúsiyáh us ke muqábale ko niklá.
21
Lekin us ne us ke pás elchíoṉ se kahlá bhejá, ki Ai Yahúdáh ke bádsháh, tujh se merá kyá kám? maiṉ áj ke din tujh par nahíṉ, balki us ḳhándán par chaṛháí kar rahá húṉ jis se merí jang hai: aur Ḳhudá ne mujh ko jaldí karne ká hukm diyá hai: so tú Ḳhudá se jo mere sáth hai muzáhim na ho, aisá na ho ki wuh tujhe halák kar de.
22
Lekin Yúsiyáh ne us se muṉh na moṛá, balki us se laṛne ke liye apná bhes badlá, aur Niko kí bát jo Ḳhudá ke muṉh se niklí thí na mání, aur Majiddo kí wádí meṉ laṛne ko gayá.
23
Aur tírandázoṉ ne Yúsiyáh bádsháh ko tír márá; aur bádsháh ne apne naukaroṉ se kahá, ki Mujhe le chalo, kyúṉki maiṉ bahut zaḳhmí ho gayá húṉ.
24
So us ke naukaroṉ ne use us rath par se utárkar us ke dúsre rath par chaṛháyá, aur use Yarúshalem ko le gaye: aur wuh mar gayá, aur apne bápdádá kí qabroṉ meṉ dafn húá. Aur sáre Yahúdáh aur Yarúshalem ne Yúsiyáh ke liye mátam kiyá.
25
Aur Yarmiyáh ne Yúsiyáh par nauha kiyá, aur gánewále aur gánewáliyáṉ sab apne marsiyoṉ meṉ áj ke din tak Yúsiyáh ká zikr karte haiṉ: yih unhoṉ ne Isráíl meṉ ek dastúr baná diyá: aur dekho, wuh báteṉ nauhoṉ meṉ likhí haiṉ.
26
Aur Yúsiyáh ke báqí kám, aur jaisá Ḳhudáwand kí sharí‘at meṉ likhá hai us ke mutábiq us ke nek a‘mál,
27
aur us ke kám shurú‘ se áḳhir tak, Isráíl aur Yahúdáh ke bádsháhoṉ kí kitáb meṉ qalamband haiṉ.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36