bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 7
2 Chronicles 7
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 8 →
1
Aur jab Sulaimán du‘á máṉg chuká, to ásmán par se ág utrí, aur soḳhtaní qurbání aur zabíhoṉ ko bhasam kar diyá; aur maskan Ḳhudáwand ke jalál se ma‘múr ho gayá.
2
Aur káhin Ḳhudáwand ke ghar meṉ dáḳhil na ho sake, is liye ki Ḳhudáwand ká ghar Ḳhudáwand ke jalál se ma‘múr thá.
3
Aur jab ág názil húí aur Ḳhudáwand ká jalál us ghar par chhá gayá, to sab baní Isráíl dekh rahe the; so unhoṉ ne wahíṉ farsh par muṉh ke bal zamín tak jhukkar sijda kiyá, aur Ḳhudáwand ká shukr adá kiyá, ki Wuh bhalá hai, kyúṉki us kí rahmat abadí hai.
4
Tab bádsháh aur sab logoṉ ne Ḳhudáwand ke áge zabíhe zabh kiye.
5
Aur Sulaimán bádsháh ne báís hazár bailoṉ aur ek lákh bís hazár bheṛ bakriyoṉ kí qurbání chaṛháí; yúṉ bádsháh aur sab logoṉ ne Ḳhudá ke ghar ko maḳhsús kiyá.
6
Aur káhin apne apne mansab ke mutábiq khaṛe the, aur Láwí bhí Ḳhudáwand ke liye músíqí ke sáz liye húe the, jin ko Dáúd bádsháh ne Ḳhudáwand ká shukr bajá láne ko banáyá thá, jab us ne un ke zarí‘e se us kí sitáish kí thí, kyúṉki us kí rahmat abadí hai, aur káhin un ke áge narsinge phúṉkte rahe, aur sab Isráílí khaṛe rahe.
7
Aur Sulaimán ne us sahn ke bích ke hisse ko jo Ḳhudáwand ke ghar ke sámne thá muqaddas kiyá; kyúṉki us ne waháṉ soḳhtaní qurbáníoṉ, aur salámatí kí qurbáníoṉ kí charbí chaṛháí, kyúṉki pítal ke us mazbah par jise Sulaimán ne banáyá thá soḳhtaní qurbání, aur nazr kí qurbání, aur charbí ke liye gunjáish na thí.
8
Aur Sulaimán aur us ke sáth Hamát ke madḳhal se Misr kí nadí tak ke sab Isráílíoṉ kí bahut baṛí jamá‘at ne us mauqe‘ par sát din tak ‘íd manáí.
9
Aur áṭhweṉ din un ká muqaddas majma‘ faráham húá; kyúṉki wuh sát din mazbah ke maḳhsús karne meṉ aur sát din ‘íd manáne meṉ lage rahe.
10
Aur sátweṉ mahíne kí teíswíṉ táríḳh ko us ne logoṉ ko ruḳhsat kiyá, táki wuh us nekí ke sabab se jo Ḳhudáwand ne Dáúd aur Sulaimán, aur apní qaum Isráíl se kí thí, ḳhush aur shádmán hokar apne ḍeroṉ ko jáeṉ.
11
Yúṉ Sulaimán ne Ḳhudáwand ká ghar aur bádsháh ká ghar tamám kiyá; aur jo kuchh Sulaimán ne Ḳhudáwand ke ghar meṉ aur apne ghar meṉ banáná cháhá, us ne use baḳhúbí anjám tak pahuṉcháyá.
12
Aur Ḳhudáwand rát ko Sulaimán par záhir húá, aur us se kahá, ki Maiṉ ne terí du‘á suní, aur is jagah ko apne wáste chun liyá, ki yih qurbání ká ghar ho.
13
Agar maiṉ ásmán ko band kar dúṉ ki bárish na ho, yá ṭiḍḍiyoṉ ko hukm dúṉ ki mulk ko ujáṛ ḍáleṉ, yá apne logoṉ ke darmiyán wabá bhejúṉ;
14
tab agar mere log, jo mere nám se kahláte haiṉ, ḳháksár bankar du‘á máṉgeṉ, aur mere dídár ke tálib hoṉ, aur apní burí ráhoṉ se phireṉ; to maiṉ ásmán par se sunkar un ká gunáh mu‘áf karúṉgá, aur un ke mulk ko bahál kar dúṉgá.
15
Ab se jo du‘á is jagah máṉgí jáegí us par merí áṉkheṉ khulí aur mere kán lage raheṉge.
16
Kyúṉki maiṉ ne is ghar ko ab chuná, aur muqaddas kiyá hai, ki merá nám yaháṉ sadá rahe; aur merí áṉkheṉ aur merá dil barábar yahíṉ lage raheṉge.
17
Aur tú agar mere huzúr waise hí chále, jaise terá báp Dáúd chaltá rahá, aur jo kuchh maiṉ ne tujhe hukm kiyá us ke mutábiq ‘amal kare, aur mere áín aur ahkám ko máne;
18
to maiṉ tere taḳht i saltanat ko qáim rakkhúṉgá, jaisá maiṉ ne tere báp Dáúd se ‘ahd karke kahá thá, ki Isráíl ká sardár hone ke liye tere háṉ mard kí kabhí kamí na hogí.
19
Par agar tum bargashta ho jáo, aur mere áín o ahkám ko jin ko maiṉ ne tumháre age rakkhá hai tark kar do, aur jákar g̣airma‘búdoṉ kí ‘ibádat karo, aur un ko sijda karo;
20
to maiṉ un ko apne is mulk se jo maiṉ ne un ko diyá hai jaṛ se ukháṛ ḍálúṉgá, aur is ghar ko jise maiṉ ne apne nám ke liye muqaddas kiyá hai apne sámne se dúr kar dúṉgá, aur is ko sárí qaumoṉ meṉ zarbu’l masal aur angushtnumá baná dúṉgá.
21
Aur yih ghar, jo aisá ‘álíshán hai, so har ek jo is ke pás se guzregá hairán hokar kahegá, ki Ḳhudáwand ne is mulk aur is ghar ke sáth aisá kyúṉ kiyá?
22
Tab wuh jawáb deṉge, Is liye ki unhoṉ ne Ḳhudáwand apne bápdádá ke Ḳhudá ko jo un ko mulk i Misr se nikál láyá thá tark kiyá, aur g̣airma‘búdoṉ ko iḳhtiyár karke un ko sijda kiyá, aur un kí ‘ibádat kí; isí liye Ḳhudáwand ne un par yih sárí musíbat názil kí.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
Recommended Reading
Commentary
2 Chronicles Commentaries
→
Devotional
2 Chronicles Devotional Guide
→
Get This Bible
URDR55 (Kitáb i Muqaddas (Tauret, Zabúr, Ambiyá ke Sahífa, aur Injíl)) Study Bible
→