bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 6
2 Chronicles 6
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 7 →
1
Tab Sulaimán ne kahá, Ḳhudáwand ne farmáyá hai, ki wuh gahrí táríkí meṉ rahegá.
2
Lekin maiṉ ne ek ghar tere rahne ke liye balki terí dáimí sukúnat ke wáste ek jagah banáí hai.
3
Aur bádsháh ne apná muṉh pherá aur Isráíl kí sárí jamá‘at ko barakat dí: aur Isráíl kí sárí jamá‘at khaṛí rahí.
4
So us ne kahá, Ḳhudáwand Isráíl ká Ḳhudá mubárak ho, jis ne apne muṉh se mere báp Dáúd se kalám kiyá, aur use apne háthoṉ se yih kahkar púrá kiyá,
5
ki Jis din se maiṉ apní qaum ko mulk i Misr se nikál láyá, tab se maiṉ ne Isráíl ke sab qabíloṉ meṉ se na to kisí shahr ko chuná táki us meṉ ghar banáyá jáe aur waháṉ merá nám ho, aur na kisí mard ko chuná táki wuh merí qaum Isráíl ká peshwá ho:
6
par maiṉ ne Yarúshalem ko chuná ki waháṉ merá nám ho; aur Dáúd ko chuná, táki wuh merí qaum Isráíl par hákim ho.
7
Aur mere báp Dáúd ke dil meṉ thá, ki Ḳhudáwand Isráíl ke Ḳhudá ke nám ke liye ek ghar banáe.
8
Par Ḳhudáwand ne mere báp Dáúd se kahá, Chúṉki mere nám ke liye ek ghar banáne ká ḳhayál tere dil meṉ thá, so tú ne achchhá kiyá ki apne dil meṉ aisá ṭháná;
9
taubhí tú is ghar ko na banáná, balki terá beṭá jo tere sulb se niklegá, wuhí mere nám ke liye ghar banáegá.
10
Aur Ḳhudáwand ne apní wuh bát jo us ne kahí thí púrí kí; kyúṉki maiṉ apne báp Dáúd kí jagah uṭhá húṉ; aur jaisá Ḳhudáwand ne wa‘da kiyá thá, maiṉ Isráíl ke taḳht par baiṭhá húṉ; aur maiṉ ne Ḳhudáwand Isráíl ke Ḳhudá ke nám ke liye us ghar ko banáyá hai;
11
aur wahíṉ maiṉ ne wuh sandúq rakkhá hai, jis meṉ Ḳhudáwand ká wuh ‘ahd hai jo us ne baní Isráíl se kiyá.
12
Aur Sulaimán ne Isráíl kí sárí jamá‘at ke rúbarú Ḳhudáwand ke mazbah ke áge khaṛe hokar apne háth phailáe:
13
(kyúṉki Sulaimán ne páṉch háth lambá, aur páṉch háth chauṛá, aur tín háth úṉchá, pítal ká ek mimbar banákar sahn ke bích meṉ use rakkhá thá; usí par wuh khaṛá thá, so us ne Isráíl kí sárí jamá‘at ke rúbarú ghuṭne ṭeke, aur ásmán kí taraf apne háth phailáe,)
14
aur kahne lagá, Ai Ḳhudáwand, Isráíl ke Ḳhudá, terí mánind na to ásmán meṉ na zamín par koí Ḳhudá hai; tú apne un bandoṉ ke liye jo tere huzúr apne sáre dil se chalte haiṉ ‘ahd aur rahmat ko nigáh rakhtá hai.
15
Tú ne apne bande mere báp Dáúd ke haqq meṉ wuh bát qáim rakkhí, jis ká tú ne us se wa‘da kiyá thá; tú ne apne muṉh se farmáyá, aur use apne háth se púrá kiyá, jaisá áj ke din hai.
16
Ab, ai Ḳhudáwand, Isráíl ke Ḳhudá, apne bande mere báp Dáúd ke sáth us qaul ko bhí púrá kar jo tú ne us se kiyá thá, ki Tere háṉ mere huzúr Isráíl ke taḳht par baiṭhne ke liye ádmí kí kamí na hogí, basharte ki terí aulád jaise tú mere huzúr chaltá rahá, waise hí merí sharí‘at par ‘amal karne ke liye apní ráh kí ihtiyát rakkhe.
17
Aur ab, ai Ḳhudáwand, Isráíl ke Ḳhudá, jo qaul tú ne apne bande Dáúd se kiyá thá wuh sachchá sábit kiyá jáe.
18
Lekin kyá Ḳhudá fi’lhaqíqat ádmíoṉ ke sáth zamín par sukúnat karegá? Dekh, ásmán balki ásmánoṉ ke ásmán meṉ bhí tú samá nahíṉ saktá: to yih ghar to kuchh bhí nahíṉ jise maiṉ ne banáyá!
19
Taubhí, ai Ḳhudáwand mere Ḳhudá, apne bande kí du‘á aur munáját ká liház karke us faryád aur du‘á ko sun le jo terá banda tere huzúr kartá hai;
20
táki terí áṉkheṉ is ghar kí taraf, ya‘ní usí jagah kí taraf jis kí bábat tú ne farmáyá ki Maiṉ apná nám waháṉ rakkhúṉgá, din aur rát khulí raheṉ; táki tú us du‘á ko sune jo terá banda is maqám kí taraf ruḳh karke tujh se máṉgegá.
21
Aur tú apne bande, aur apní qaum Isráíl kí munáját ko, jab wuh is jagah kí taraf ruḳh karke kareṉ, to sun lená, balki tú ásmán par se jo terí sukúnatgáh hai sun lená, aur sunkar mu‘áf kar dená.
22
Agar koí shaḳhs apne paṛausí ká gunáh kare, aur use qasam khiláne ke liye us ko half diyá jáe, aur wuh ákar is ghar meṉ tere mazbah ke áge qasam kháe,
23
to tú ásmán par se sunkar ‘amal karná, aur apne bandoṉ ká insáf karke badkár ko sazá dená táki us ke a‘mál ko usí ke sir ḍále; aur sádiq ko rást ṭhahráná, táki us kí sadáqat ke mutábiq use jazá de.
24
Aur agar terí qaum Isráíl terá gunáh karne ke bá‘is apne dushmanoṉ se shikast kháe, aur phir terí taraf rujú‘ láe, aur tere nám ká iqrár karke is ghar meṉ tere huzúr du‘á aur munáját kare;
25
to tú ásmán par se sunkar apní qaum Isráíl ke gunáh ko baḳhsh dená, aur un ko is mulk meṉ, jo tú ne un ko aur un ke bápdádá ko diyá hai, phir le áná.
26
Aur jab is sabab se ki unhoṉ ne terá gunáh kiyá ho ásmán band ho jáe, aur bárish na ho, aur wuh is maqám kí taraf ruḳh karke du‘á máṉgeṉ, aur tere nám ká iqrár kareṉ, aur apne gunáh se báz áeṉ, jab tú un ko dukh de;
27
to tú ásmán par se sunkar apne bandoṉ aur apní qaum Isráíl ká gunáh mu‘áf kaí dená, kyúṉki tú ne un ko us achchhí ráh kí ta‘lím dí, jis par un ko chalná farz hai, aur apne mulk par jise tú ne apní qaum ko mírás ke liye diyá hai, meṉh barsáná.
28
Agar mulk meṉ kál ho, agar wabá ho, agar bád i samúm, yá gerúí, ṭiḍḍí yá kamlá ho, agar un ke dushman un ke shahroṉ ke mulk meṉ un ko gher leṉ, g̣araz kaisí hí balá, yá kaisá hí rog ho:
29
to jo du‘á aur munáját kisí ek shaḳhs yá terí sárí qaum Isráíl kí taraf se ho, jin meṉ se har shaḳhs apne dukh aur ranj ko jánkar apne háth is ghar kí taraf phailáe:
30
to tú ásmán par se jo terí sukúnatgáh hai sunkar mu‘áf kar dená; aur har shaḳhs ko, jis ke dil ko tú jántá hai, us kí sab rawish ke mutábiq badla dená (kyúṉki faqat tú hí baní Ádam ke diloṉ ko jántá hai;)
31
táki jab tak wuh us mulk meṉ jise tú ne hamáre bápdádá ko diyá, jíte raheṉ, terá ḳhauf mánkar terí ráhoṉ meṉ chaleṉ.
32
Aur wuh pardesí bhí, jo terí qaum Isráíl meṉ se nahíṉ hai, jab wuh tere buzurg nám, aur qawí háth, aur tere baland bázú ke sabab se dúr mulk se áe aur ákar is ghar kí taraf ruḳh karke du‘á kare;
33
to tú ásmán par se jo terí sukúnatgáh hai sun lená, aur jis jis bát ke liye wuh pardesí tujh se faryád kare us ke mutábiq karná, táki zamín kí sab qaumeṉ tere nám ko pahcháneṉ, aur terí qaum Isráíl kí tarah terá ḳhauf máneṉ, aur ján leṉ ki yih ghar jise maiṉ ne banáyá hai, tere nám ká kahlátá hai.
34
Agar tere log ḳhwáh kisí ráste se tú un ko bheje apne dushman se laṛne ko nikleṉ, aur is shahr kí taraf jise tú ne chuná hai, aur is ghar kí taraf jise maiṉ ne tere nám ke liye banáyá hai ruḳh karke tujh se du‘á kareṉ;
35
to tú ásmán par se un kí du‘á aur munáját ko sunkar un kí himáyat karná.
36
Agar wuh terá gunáh kareṉ, (kyúṉki koí insán nahíṉ jo gunáh na kartá ho,) aur tú un se náráz hokar un ko dushman ke hawále kar de, aisá ki wuh dushman un ko asír karke dúr yá nazdík mulk meṉ le jáe;
37
taubhí agar wuh us mulk meṉ, jaháṉ asír hokar pahuṉcháe gaye, hosh meṉ áeṉ aur rujú‘ láeṉ aur apní asírí ke mulk meṉ tujh se munáját kareṉ, aur kaheṉ, ki Ham ne gunáh kiyá, ham ṭeṛhí chál chale, aur ham ne sharárat kí;
38
so agar wuh apní asírí ke mulk meṉ, jaháṉ un ko asír karke le gaye hoṉ, apne sáre dil aur apní sárí ján se terí taraf phireṉ, aur apní mulk kí taraf jo tú ne un ke bápdádá ko diyá, aur is shahr kí taraf jise tú ne chuná hai, aur is ghar kí taraf jo maiṉ ne tere nám ke liye banáyá hai ruḳh karke du‘á kareṉ;
39
to tú ásmán par se jo terí sukúnatgáh hai un kí du‘á aur munáját sunkar un kí himáyat karná, aur apní qaum ko jis ne terá gunáh kiyá ho mu‘áf kar dená.
40
Pas, ai mere Ḳhudá, maiṉ terí minnat kartá húṉ, ki us du‘á kí taraf jo is maqám meṉ kí jáe terí áṉkheṉ khulí aur tere kán lage raheṉ.
41
So ab, ai Ḳhudáwand Ḳhudá, tú apní quwwat ke sandúq samet uṭhkar apní árámgáh meṉ dáḳhil ho; ai Ḳhudáwand Ḳhudá, tere káhin naját se mulabbas hoṉ, aur tere muqaddas nekí meṉ magan raheṉ.
42
Ai Ḳhudáwand Ḳhudá, tú apne mamsúh kí du‘á námanzúr na kar, to apne bande Dáúd par kí rahmateṉ yád farmá.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36