bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 25
2 Chronicles 25
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 26 →
1
Amasiyáh pachchís baras ká thá jab wuh saltanat karne lagá, aur us ne untís baras Yarúshalem meṉ saltanat kí. Us kí máṉ ká nám Yahú‘adán thá jo Yarúshalem kí thí.
2
Aur us ne wuhí kiyá jo Ḳhudáwand kí nazar meṉ ṭhík hai, par kámil dil se nahíṉ.
3
Aur jab wuh saltanat par jam gayá, to us ne apne un mulázimoṉ ko jinhoṉ ne us ke báp bádsháh ko már ḍálá thá qatl kiyá;
4
par un kí aulád ko ján se nahíṉ márá, balki usí ke mutábiq kiyá jo Músá kí kitáb Tauret meṉ likhá hai, jaisá Ḳhudáwand ne farmáyá, ki Beṭoṉ ke badle bápdádá na máre jáeṉ, aur na bápdádá ke badle beṭe máre jáeṉ, balki har ádmí apne hí gunáh ke liye márá jáe.
5
Is ke siwá Amasiyáh ne Yahúdáh ko ikaṭṭhá kiyá, aur un ko, un ke ábáí ḳhándánoṉ ke muwáfiq, tamám mulk i Yahúdáh aur Binyamín meṉ, hazár hazár ke sardároṉ aur sau sau ke sardároṉ ke níche ṭhahráyá, aur un meṉ se jin kí ‘umr bís baras yá us se úpar thí, un ko shumár kiyá, aur un ko tín lákh chune húe mard páyá, jo jang meṉ jáne ke qábil, aur barchhí aur ḍhál se kám le sakte the.
6
Aur us ne sau qintár chándí dekar Isráíl meṉ se ek lákh zabardast súrmá naukar rakkhe.
7
Lekin ek mard i Ḳhudá ne us ke pás ákar kahá, Ai bádsháh, Isráíl kí fauj tere sáth jáne na páe; kyúṉki Ḳhudáwand Isráíl, ya‘ní sáre baní Ifráím ke sáth nahíṉ hai.
8
Par agar tú jáná hí cháhtá hai, to já, aur laṛáí ke liye mazbút ho; Ḳhudá tujhe dushmanoṉ ke áge giráegá; kyúṉki Ḳhudá meṉ sambhálne aur giráne kí táqat hai.
9
Amasiyáh ne us mard i Ḳhudá se kahá, Lekin sau qintároṉ ke liye jo maiṉ ne Isráíl ke lashkar ko diye ham kyá kareṉ? Us mard i Ḳhudá ne jawáb diyá, Ḳhudáwand tujhe us se bahut ziyáda de saktá hai.
10
Tab Amasiyáh ne us lashkar ko jo Ifráím meṉ se us ke pás áyá thá judá kiyá, táki wuh phir apne ghar jáeṉ: is sabab se un ká g̣ussa Yahúdáh par bahut bhaṛká, aur wuh niháyat g̣usse meṉ ghar ko lauṭe.
11
Aur Amasiyáh ne hausala báṉdhá, aur apne logoṉ ko lekar Wádí e Shor ko gayá, aur baní Sha‘ír meṉ se das hazár ko már diyá.
12
Aur das hazár ko baní Yahúdáh jítá pakaṛkar le gaye, aur un ko ek chaṭán kí choṭí par pahuṉcháyá, aur us chaṭán kí choṭí par se un ko níche girá diyá, aisá ki sab ke sab ṭuḳṛe ṭukṛe ho gaye.
13
Par us lashkar ke log jin ko Amasiyáh ne lauṭá diyá thá, ki us ke sáth jang meṉ na jáeṉ, Sámariya se Bait Haurún tak, Yahúdáh ke shahroṉ par ṭúṭ paṛe, aur un meṉ se tín hazár jawánoṉ ko már ḍálá, aur bahut sí lúṭ le gaye.
14
Jab Amasiyáh Adomíoṉ ke qattál se lauṭá, to baní Sha‘ír ke deotáoṉ ko letá áyá, aur un ko nasab kiyá táki wuh us ke ma‘búd hoṉ, aur un ke áge sijda kiyá, aur un ke áge baḳhúr jaláyá.
15
Is liye Ḳhudáwand ká g̣azab Amasiyáh par bhaṛká, aur us ne ek nabí ko us ke pás bhejá, jis ne us se kahá, Tú un logoṉ ke deotáoṉ ká tálib kyúṉ húá jinhoṉ ne apne hí logoṉ ko tere háth se na chhuṛáyá?
16
Wuh us se báteṉ kar hí rahá thá, ki us ne us se kahá, ki Kyá ham ne tujhe bádsháh ká mushír banáyá hai? Chup rah, tú kyúṉ már kháe? Tab wuh nabí yih kahkar chup ho gayá, ki Maiṉ jántá húṉ ki Ḳhudá ká iráda yih hai, ki tujhe halák kare, is liye ki tú ne yih kiyá hai, aur merí mashwarat nahíṉ mání.
17
Tab Yahúdáh ke bádsháh Amasiyáh ne mashwara karke Isráíl ke bádsháh Yúás bin Yahúáḳhaz bin Yáhú ke pás kahlá bhejá, ki Zará á, to ham ek dúsre ká muqábala kareṉ.
18
So Isráíl ke bádsháh Yúás ne Yahúdáh ke bádsháh Amasiyáh ko kahlá bhejá, ki Lubnán ke úṉṭkaṭáre ne Lubnán ke deodár ko paig̣ám bhejá, ki Apní beṭí mere beṭe ko biyáh de; itne meṉ ek janglí daranda jo Lubnán meṉ rahtá thá guzrá, aur us ne úṉṭkaṭáre ko rauṉd ḍálá.
19
Tú kahtá hai, Dekh, maiṉ ne Adomíoṉ ko márá; so tere dil meṉ ghamanḍ samáyá hai, ki faḳhr kare: ghar hí meṉ baiṭhá rah; tú kyúṉ apne nuqsán ke liye dastandází kartá hai, ki tú bhí gire, aur tere sáth Yahúdáh bhí?
20
Lekin Amasiyáh ne na máná; kyúṉki yih Ḳhudá kí taraf se thá, táki wuh un ko un ke dushmanoṉ ke háth meṉ kar de, is liye ki wuh Adomíoṉ ke ma‘búdoṉ ke tálib húe the.
21
So Isráíl ká bádsháh Yúás chaṛh áyá; aur wuh aur sháh i Yahúdáh Amasiyáh, Yahúdáh ke Bait Shams meṉ ek dúsre ke muqábil húe.
22
Aur Yahúdáh ne Isráíl ke muqábale meṉ shikast kháí, aur un meṉ se har ek apne ḍere ko bhágá.
23
Aur sháh i Isráíl Yúás ne sháh i Yahúdáh Amasiyáh bin Yúás bin Yahúáḳhaz ko Bait Shams meṉ pakaṛ liyá, aur use Yarúshalem meṉ láyá, aur Yarúshalem kí díwár Ifráím ke pháṭak so kone ke pháṭak tak chár sau háth ḍhá dí;
24
aur sáre sone aur chándí aur sab bartanoṉ ko jo ‘Obed Adom ke pás Ḳhudá ke ghar meṉ mile, aur sháhí mahall ke ḳhazánoṉ aur kafíloṉ ko bhí lekar Sámariya ko lauṭá.
25
Aur sháh i Yahúdáh Amasiyáh bin Yúás sháh i Isráíl Yúás bin Yahúáḳhaz ke marne ke ba‘d pandrah baras jítá rahá.
26
Aur Amasiyáh ke báqí kám shurú‘ se áḳhir tak Yahúdáh aur Isráíl ke bádsháhoṉ kí kitáb meṉ qalamband haiṉ.
27
Aur jab se Amasiyáh Ḳhudáwand kí pairawí se phirá, tab hí se Yarúshálem ke logoṉ ne us ke ḳhiláf sázish kí; so wuh Lakís ko bhág gayá: par unhoṉ ne Lakís meṉ us ke píchhe log bhejkar use waháṉ qatl kiyá.
28
Aur wuh use ghoṛoṉ par le áe, aur Yahúdáh ke shahr meṉ us ke bápdádá ke sáth use dafn kiyá.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36