bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Chronicles 31
2 Chronicles 31
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
Jab yih sab ho chuká, to sab Isráílí jo házir the Yahúdáh ke shahroṉ meṉ gaye, aur sáre Yahúdáh, aur Binyamín ke, balki Ifráím, aur Munassí ke bhí sutúnoṉ ko ṭukṛe ṭukṛe kiyá, aur Yasíratoṉ ko káṭ ḍálá, aur úṉche maqámoṉ aur mazbahoṉ ko ḍhá diyá, yaháṉ tak ki un sabhoṉ ko nábúd kar diyá. Tab sab baní Isráíl apne apne shahr meṉ apní apní milkíyat ko lauṭ gaye.
2
Aur Hizqiyáh ne káhinoṉ ke faríqoṉ ko, aur Láwíoṉ ko un ke faríqoṉ ke muwáfiq, ya‘ní káhinoṉ aur Láwíoṉ donoṉ ke har shaḳhs ko, us kí ḳhidmat ke mutábiq Ḳhudáwand kí ḳhaimagáh ke pháṭakoṉ ke andar soḳhtaní qurbáníoṉ aur salámatí kí qurbáníoṉ ke liye, aur ‘ibádat, aur shukrguzárí, aur sitáish karne ke liye muqarrar kiyá.
3
Aur us ne apne mál meṉ se bádsháhí hissa soḳhtaní qurbáníoṉ ke liye, ya‘ní subh aur shám kí soḳhtaní qurbáníoṉ ke liye, aur sabtoṉ, aur naye chándoṉ, aur muqarrara ‘ídoṉ kí soḳhtaní qurbáníoṉ ke liye ṭhahráyá, jaisá Ḳhudáwand kí sharí‘at meṉ likhá hai.
4
Aur us ne un logoṉ ko jo Yarúshalem meṉ rahte the hukm kiyá, ki káhinoṉ aur Láwíoṉ ká hissa deṉ, táki wuh Ḳhudáwand kí sharí‘at meṉ lage raheṉ.
5
Is farmán ke járí hote hí baní Isráíl anáj, aur mai, aur tel, aur shahd, aur khet kí sab paidáwár ke pahle phal bahutát se dene, aur sab chízoṉ ká daswáṉ hissa kasrat se láne lage.
6
Aur baní Isráíl aur Yahúdáh, jo Yahúdáh ke shahroṉ meṉ rahte the, wuh bhí bailoṉ aur bheṛ bakriyoṉ ká daswáṉ hissa, aur un muqaddas chízoṉ ká daswáṉ hissa jo Ḳhudáwand un ke Ḳhudá ke liye muqaddas kí gayí thíṉ láe, aur un ko ḍher ḍher karke lagá diyá.
7
Unhoṉ ne tísre mahíne meṉ ḍher lagáná shurú‘ kiyá, aur sátweṉ mahíne meṉ tamám kiyá.
8
Jab Hizqiyáh aur sardároṉ ne ákar ḍheroṉ ko dekhá, to Ḳhudáwand ko aur us kí qaum Isráíl ko mubárak kahá.
9
Aur Hizqiyáh ne káhinoṉ aur Láwíoṉ se un ḍheroṉ ke báre meṉ púchhá.
10
Tab sardár káhin ‘Azariyáh ne jo Sadoq ke ḳhándán ká thá use jawáb diyá, ki Jab se logoṉ ne Ḳhudáwand ke ghar meṉ hadye láná shurú‘ kiyá, tab se ham kháte rahe, aur ham ko káfí milá, aur bahut bach rahá hai; kyúṉki Ḳhudáwand ne apne logoṉ ko barakat baḳhshí hai, aur wuhí bachá húá yih baṛá ambár hai.
11
Tab Hizqiyáh ne hukm kiyá, ki Ḳhudáwand ke ghar meṉ koṭhriyáṉ taiyár kareṉ; so unhoṉ ne un ko taiyár kiyá;
12
aur wuh hadye, aur wuh dahyakíáṉ, aur muqaddas kí húí chízeṉ diyánatdárí se láte rahe: aur un par Kana‘niyáh Láwí muḳhtár thá, aur us ká bháí Sima‘í náib thá.
13
Aur Yahíel, aur ‘Azaziyáh, aur Nahát, aur ‘Asahel, aur Yarímot, aur Yúzabad, aur Ilíel, aur Ismákiyáh, aur Mahát, aur Bináyáh, Hizqiyáh bádsháh aur Ḳhudá ke ghar ke sardár ‘Azariyáh ke hukm se, Kana‘niyáh aur us ke bháí Sima‘í ke mátaht peshkár the.
14
Aur mashriqí pháṭak ká darbán Yimnah Láwí ká beṭá Qore Ḳhudá kí razá kí qurbáníoṉ par muqarrar thá, táki Ḳhudáwand ke hadyoṉ aur páktarín chízoṉ ko báṉṭ diyá kare.
15
Aur us ke mátaht ‘Adan, aur Minyamín, aur Yashú‘, aur Sama‘iyáh, aur Amariyáh, aur Sakaniyáh, káhinoṉ ke shahroṉ meṉ is ‘uhde par muqarrar the, ki apne bháiyoṉ ko, kyá baṛe kyá chhoṭe, un ke faríqoṉ ke muwáfiq, hissa diyá kareṉ;
16
aur in ke ‘aláwa un ko bhí deṉ jo tín baras kí ‘umr se aur us se úpar úpar mardoṉ ke nasabnáme meṉ shumár kiye gaye, ya‘ní un ko jo apne apne faríq kí báríoṉ par apne apne zimme kí ḳhidmat ko har roz ke farz ke mutábiq anjám dene ko Ḳhudáwand ke ghar meṉ játe the;
17
aur un ko bhí jo apne apne ábáí ḳhándánoṉ ke muwáfiq káhinoṉ ke nasabnáme meṉ shumár kiye gaye, aur un Láwíoṉ ko jo bís baras ke aur us se úpar the, aur apne apne faríq kí báríoṉ par ḳhidmat karte the;
18
aur un ko jo sárí jamá‘at meṉ se apne apne bál bachchoṉ aur bíwiyoṉ aur beṭoṉ aur beṭiyoṉ ke nasabnáme ke mutábiq shumár kiye gaye; kyúṉki apne apne muqarrara kám par wuh apne áp ko taqaddus ke liye pák karte the:
19
aur baní Hárún ke káhinoṉ ke liye bhí jo shahr ba shahr apne shahroṉ kí gird o nawáh ke khetoṉ meṉ the, kaí mard jin ke nám batá diye gaye the muqarrar húe, ki káhinoṉ ke sab mardoṉ ko, aur un sabhoṉ ko, jo Láwíoṉ ke darmiyán nasabnáme ke mutábiq shumár kiye gaye the, hissa deṉ.
20
So Hizqiyáh ne sáre Yahúdáh meṉ aisá hí kiyá, aur jo kuchh Ḳhudáwand us ke Ḳhudá kí nazar meṉ bhalá aur rást aur haqq thá wuhí kiyá.
21
Aur Ḳhudá ke ghar kí ḳhidmat aur sharí‘at aur ahkám ke i‘tibár se, jis jis kám ko us ne apne Ḳhudá ká tálib hone ke liye kiyá, use apne sáre dil se kiyá aur kámyáb húá.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36