bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Joshua 10
Joshua 10
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
1
Aur jab Yarúshalem ke bádsháh Adúní Sidq ne suná, ki Yashú‘ ne ‘Ai ko sar karke use nest o nábúd kar diyá, aur jaisá us ne Yaríhú aur waháṉ ke bádsháh se kiyá, waisá hí ‘Ai aur us ke bádsháh se kiyá, aur Jiba‘ún ke báshindoṉ ne baní Isráíl se sulh kar lí, aur un ke darmiyán rahne lage haiṉ,
2
to wuh sab bahut hí ḍare, kyúṉki Jiba‘ún ek baṛá shahr, balki bádsháhí shahroṉ meṉ se ek kí mánind, aur ‘Ai se baṛá thá, aur us ke sab mard baṛe bahádur the.
3
Is liye Yarúshalem ke bádsháh Adúní Sidq ne Habrún ke bádsháh Húhám, aur Yarmot ke bádsháh Pírám, aur Lakís ke bádsháh Yáfí‘a, aur ‘Ijlún ke bádsháh Dabír ko, yúṉ kahlá bhejá, ki
4
Mere pás áo, aur merí kumak karo, aur chalo, ham Jiba‘ún ko máreṉ; kyúṉki us ne Yashú‘ aur baní Isráíl se sulh kar lí hai.
5
Is liye Amoríoṉ ke páṉch bádsháh, ya‘ní Yarúshalem ke bádsháh, aur Habrún ke bádsháh, aur Yarmot ke bádsháh, aur Lakís ke bádsháh, aur ‘Ijlún ke bádsháh ikaṭṭhe húe aur unhoṉ ne apní sab faujoṉ ke sáth chaṛháí kí, aur Jiba‘ún ke muqábil ḍere ḍálkar us se jang shurú‘ kí.
6
Tab Jiba‘ún ke logoṉ ne Yashú‘ ko, jo Jiljál meṉ ḳhaimazan thá, kahlá bhejá, ki Apne ḳhádimoṉ kí taraf se apná háth mat kheṉch; jald hamáre pás pahuṉchkar ham ko bachá, aur hamárí madad kar; is liye ki sab Amorí bádsháh, jo kohistání mulk men rahte haiṉ, hamáre ḳhiláf ikaṭṭhe húe haiṉ.
7
Tab Yashú‘ sab jangí mardoṉ aur sab zabardast súrmáoṉ ko hamráh lekar Jiljál se chal paṛá.
8
Aur Ḳhudáwand ne Yashú‘ se kahá, Un se na ḍar: is liye ki maiṉ ne un ko tere háth meṉ kar diyá hai; un meṉ se ek mard bhí tere sámne khaṛá na rah sakegá.
9
Pas Yashú‘ rátoṉ rát Jiljál se chalkar nágahán un par á paṛá.
10
Aur Ḳhudáwand ne un ko baní Isráíl ke sámne shikast dí, aur us ne un ko Jiba‘ún meṉ baṛí ḳhúnrezí ke sáth qatl kiyá, aur Bait Haurún kí chaṛháí ke ráste par un ko ragedá, aur ‘Azíqáh aur Muqqaidah tak un ko mártá gayá.
11
Aur jab wuh Isráílíoṉ ke sámne se bháge, aur Bait Haurún ke utár par the, to Ḳhudáwand ne ‘Azíqáh tak ásmán se un par baṛe baṛe patthar barsáe, aur wuh mar gaye, aur jo oloṉ se mare, wuh un se, jin ko baní Isráíl ne tah i teg̣ kiyá, kahíṉ ziyáda the.
12
Aur us din jab Ḳhudáwand ne Amoríoṉ ko baní Isráíl ke qábú meṉ kar diyá, Yashú‘ ne Ḳhudáwand ke huzúr baní Isráíl ke sámne yih kahá, Ai súraj, tú Jiba‘ún par aur Ai chánd, tú wádí e Aiyálon meṉ ṭhahrá rah.
13
Aur súraj ṭhahr gayá, aur chánd thamá rahá, Jab tak qaum ne apne dushmanoṉ se apná intiqám na le liyá. Kyá yih Áshar kí kitáb meṉ nahíṉ likhá hai? Aur súraj ásmán ke bíchoṉ bích ṭhahrá rahá, aur taqríban sáre din ḍúbne meṉ jaldí na kí.
14
Aur aisá din na kabhí us se pahle húá, aur na us ke ba‘d, jis meṉ Ḳhudáwand ne kisí ádmí kí bát suní ho: kyúṉki Ḳhudáwand Isráílíoṉ kí ḳhátir laṛá.
15
Phir Yashú‘, aur us ke sáth sáre Isráílí Jiljál ko ḳhaimagáh meṉ lauṭe.
16
Aur wuh páṉchoṉ bádsháh bhágkar Muqqaidah ke g̣ár meṉ já chhipe.
17
Aur Yashú‘ ko yih ḳhabarmilí, ki Wuh páṉchoṉ bádsháh Muqqaidah ke g̣ár meṉ chhipe húe mile haiṉ.
18
Yashú‘ ne hukm kiyá, ki Baṛe baṛe patthar us g̣ár ke muṉh par luṛhká do, aur ádmíoṉ ko us ke pás un kí nigahbání ke liye biṭhá do.
19
Par tum na ruko; tum apne dushmanoṉ ká píchhá karo, aur un meṉ ke jo jo picchaṛ gaye haiṉ, un ko már ḍálo: un ko muhlat na do, ki wuh apne apne shahr meṉ dáḳhil hoṉ: is liye ki Ḳhudáwand tumháre Ḳhudá ne un ko tumháre qabze meṉ kar diyá hai.
20
Aur jab Yashú‘ aur baní Isráíl baṛí ḳhúnrezí ke sáth un ko qatl kar chuke, yaháṉ tak ki wuh nest o nábúd ho gaye, aur wuh jo un meṉ se báqí bache fasíldár shahroṉ meṉ dáḳhil ho gaye;
21
to sab log Muqqaidah meṉ, Yashú‘ ke pás lashkargáh ko lauṭe, aur kisí ne baní Isráíl meṉ se kisí ke barḳhiláf zabán na hiláí.
22
Phir Yashú‘ ne hukm diyá, ki G̣ár ká muṉh kholo, aur un páṉchoṉ bádsháhoṉ ko g̣ár se báhar nikálkar mere pás láo.
23
Unhoṉ ne aisá hí kiyá, aur wuh un páṉchoṉ bádsháhoṉ ko, ya‘ní sháh i Yarúshalem aur sháh i Habrún aur sháh i Yarmot aur sháh i Lakís aur sháh i ‘Ijlún ko g̣ár se nikálkar us ke pás láe.
24
Aur jab wuh un ko Yashú‘ ke sámne láe, to Yashú‘ ne sáre Isráílíoṉ ko bulwáyá aur un jangí mardoṉ ke sardároṉ se, jo us ke sáth gaye the, yih kahá, ki Nazdík ákar apne apne páṉw in bádsháhoṉ kí gardanoṉ par rakkho. Unhoṉ ne nazdík ákar un kí gardanoṉ par apne apne páṉw rakkhe.
25
Aur Yashú‘ ne un se kahá, Ḳhauf na karo, aur hirásán mat ho: mazbút ho jáo, aur hausala rakkho; is liye ki Ḳhudáwand tumháre sab dushmanoṉ se, jin ká muqábala tum karoge, aisá hí karegá.
26
Is ke ba‘d Yashú‘ ne un ko márá, aur qatl kiyá, aur páṉch daraḳhtoṉ par un ko ṭáṉg diyá: so wuh shám tak daraḳhtoṉ par ṭaṉge rahe.
27
Aur súraj ḍúbte waqt unhoṉ ne Yashú‘ ke hukm se un ko daraḳhtoṉ par se utárkar usí g̣ár meṉ, jis meṉ wuh já chhipe the, ḍál diyá, aur g̣ár ke muṉh par baṛe baṛe patthar dhar diye, jo áj tak haiṉ.
28
Aur usí din Yashú‘ ne Muqqaidah ko sar karke use tah i teg̣ kiyá, aur us ke bádsháh ko aur us ke sab logoṉ ko bi’lkull halák kar ḍálá aur ek ko bhí báqí na chhoṛá: aur Maqqaidah ke bádsháh se us ne wuhí kiyá jo Yaríhú ke bádsháh se kiyá thá.
29
Phir Yashú‘ aur us ke sáth sab Isráílí Muqqaidah se Libnáh ko gaye aur wuh Libnáh se laṛá.
30
Aur Ḳhudáwand ne us ko bhí aur us ke bádsháh ko bhí baní Isráíl ke háth meṉ kar diyá; aur us ne use aur us ke sab logoṉ ko tah i teg̣ kiyá, aur ek ko bhí báqí na chhoṛá, aur waháṉ ke bádsháh se waisá hí kiyá jo Yaríhú ke bádsháh se kiyá thá.
31
Phir Libnáh se Yashú‘ aur us ke sáth sáre Isráílí Lakís ko gaye, aur us ke muqábil ḍere ḍál diye, aur wuh us se laṛá.
32
Aur Ḳhudáwand ne Lakís ko Isráíl ke qabze meṉ kar diyá. Us ne dúsre din us par fath páí aur use tah i teg̣ kiyá, aur sab logoṉ ko jo us meṉ the qatl kiyá, jis tarah us ne Libnáh se kiyá thá.
33
Us waqt Jazar ká bádsháh Húram Lakís kí kumak ko chaṛh áyá; so Yashú‘ ne us ko aur us ke ádmíoṉ ko márá, yaháṉ tak ki us ká ek bhí jítá na chhoṛá.
34
Aur Yashú‘ aur us ke sáth sab Isráílí Lakís se ‘Ijlún ko gaye, aur us ke muqábil ḍere ḍálkar us se jang shurú‘ kí;
35
aur usí din use sar kar liyá, aur use tah i teg̣ kiyá, aur un sab logoṉ ko jo us meṉ the us ne usí din bi’lkull halák kar ḍálá jaisá us ne Lakís se kiyá thá.
36
Phir ‘Ijlún se Yashú‘ aur us ke sáth sab Isráílí Habrún ko gaye aur us se laṛe.
37
Aur unhoṉ ne use sar karke use aur us ke bádsháh aur us kí sárí bastiyoṉ aur waháṉ ke sáre logoṉ ko tah i teg̣ kiyá, aur jaisá us ne ‘Ijlún se kiyá thá ek ko bhí jítá na chhoṛá, balki use aur waháṉ ke sáre logoṉ ko bi’lkull halák kar ḍálá.
38
Phir Yashú‘ aur us ke sáth sáre Isráílí Dabír ko lauṭe aur us se laṛe;
39
aur us ne use aur us ke bádsháh aur us kí sárí bastiyoṉ ko fath kar liyá, aur unhoṉ ne un ko tah i teg̣ kiyá aur sab logoṉ ko, jo us meṉ the, bi’lkull halák kar diyá. Us ne ek ko bhí báqí na chhoṛá; jaisá us ne Habrún aur us ke bádsháh se kiyá thá waisá hí Dabír aur us ke bádsháh se kiyá; aisá hí us ne Libnáh aur us ke bádsháh se bhí kiyá thá.
40
So Yashú‘ ne sáre mulk ko, ya‘ní kohistání mulk aur junúbí qit‘a aur nasheb kí zamín aur ḍhalánoṉ aur waháṉ ke sab bádsháhoṉ ko márá; us ne ek ko bhí jítá na chhoṛá, balki waháṉ ke har mutanaffis ko, jaisá Ḳhudáwand Isráíl ke Ḳhudá ne hukm kiyá thá, bi’lkull halák kar ḍálá.
41
Aur Yashú‘ ne un ko Qádis Barní‘a se lekar G̣azzah tak, aur Jashan ke sáre mulk ke logoṉ ko Jiba‘ún tak márá.
42
Aur Yashú‘ ne un sab bádsháhoṉ par aur un ke mulk par ek hí waqt meṉ tasallut hásil kiyá; is liye ki Ḳhudáwand Isráíl ká Ḳhudá Isráíl kí ḳhátir laṛá.
43
Phir Yashú‘ aur sab Isráílí us ke sáth Jiljál ko ḳhaimagáh meṉ lauṭe.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24