bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Joshua 14
Joshua 14
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
Aur wuh hisse jin ko Kan‘án ke mulk meṉ baní Isráíl ne mírás ke taur par páyá, aur jin ko Ilí‘azar káhin, aur Nún ke beṭe Yashú‘, aur baní Isráíl ke qabíloṉ ke ábáí ḳhándánoṉ ke sardároṉ ne un ko taqsím kiyá, yih haiṉ:
2
in kí mírás qur‘e se dí gayí, jaisá Ḳhudáwand ne sáṛhe nau qabíloṉ ke haqq meṉ Músá ko hukm diyá thá.
3
Kyúṉki Músá ne Yardan ke us pár ḍháí qabíloṉ kí mírás un ko de dí thí; par us ne Láwíoṉ ko un ke darmiyán kuchh mírás nahíṉ dí.
4
Kyúṉki baní Yúsuf ke do qabíle the, Munassí aur Ifráím: so Láwíoṉ ko us mulk meṉ kuchh hissa na milá, siwá shahroṉ ke jo un ke rahne ke liye the, aur un kí nawáhí ke jo un ke chaupáyoṉ aur mál ke liye thí.
5
Jaisá Ḳhudáwand ne Músá ko hukm diyá thá, waisá hí baní Isráíl ne kiyá, aur mulk ko báṉṭ liyá.
6
Tab baní Yahúdáh Jiljál meṉ Yashú‘ ke pás áe: aur Qinzí Yufannah ke beṭe Kálib ne us se kahá, Tujhe ma‘lúm hai ki Ḳhudáwand ne mard i Ḳhudá Músá se merí aur terí bábat Qádis Barní‘a meṉ kyá kahá thá.
7
Jab Ḳhudáwand ke bande Músá ne Qádis Barní‘a se mujh ko is mulk ká hál daryáft karne ko bhejá, us waqt maiṉ chálís baras ká thá, aur maiṉ ne us ko wuhí ḳhabar lákar dí jo mere dil meṉ thí.
8
Taubhí mere bháiyoṉ ne, jo mere sáth gaye the, logoṉ ke diloṉ ko pighlá diyá; lekin maiṉ ne Ḳhudáwand apne Ḳhudá kí púrí pairawí kí.
9
Tab Músá ne us din qasam khákar kahá, ki Jis zamín par terá qadam paṛá hai, wuh hamesha ke liye terí aur tere beṭoṉ kí mírás ṭhahregí, kyúṉki tú ne Ḳhudáwand mere Ḳhudá kí púrí pairawí kí hai.
10
Aur ab dekh, jab se Ḳhudáwand ne yih bát Músá se kahí, tab se in paiṉtálís barasoṉ tak jin meṉ baní Isráíl biyábán meṉ áwára phirte rahe, Ḳhudáwand ne mujhe apne qaul ke mutábiq jítá rakkhá; aur ab dekh, maiṉ áj ke din pachásí baras ká húṉ.
11
Aur áj ke din bhí maiṉ waisá hí húṉ jaisá us din thá jab Músá ne mujhe bhejá thá; aur jang ke liye aur báhar jáne aur lauṭne ke liye jaisí quwwat mujh meṉ us waqt thí waisí hí ab bhí hai.
12
So yih paháṛí, jis ká zikr Ḳhudáwand ne us roz kiyá thá, mujh ko de de; kyúṉki tú ne us din sun liyá thá, ki ‘Anáqím waháṉ baste haiṉ, aur waháṉ ke shahr baṛe aur fasíldár haiṉ: yih mumkin hai, ki Ḳhudáwand mere sáth ho, aur maiṉ un ko Ḳhudáwand ke qaul ke mutábiq nikál dúṉ.
13
Tab Yashú‘ ne Yufannah ke beṭe Kálib ko du‘á dí, aur us ko Habrún mírás ke taur par de diyá.
14
So Habrún us waqt se áj tak Qinzí Yufannah ke beṭe Kálib kí mírás hai, is liye ki us ne Ḳhudáwand Isráíl ke Ḳhudá kí púrí pairawí kí.
15
Aur agle waqt meṉ Habrún ká nám Qaryat Arba‘ thá; aur wuh Arba‘ ‘Anáqím meṉ sab se baṛá ádmí thá. Aur us mulk ko jang se farág̣at milí.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24