Joshua 21

Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))

← Chapter 20 Jump to: Chapter 22 →

1Tab Láwíoṉ ke ábáí ḳhándánoṉ ke sardár Ilí‘azar káhin, aur Nún ke beṭe Yashú‘, aur baní Isráíl ke qabíloṉ ke ábáí ḳhándánoṉ ke sardároṉ ke pás áe;

2aur mulk i Kan‘án ke Sailá meṉ un se kahne lage, ki Ḳhudáwand ne Músá kí ma‘rifat hamáre rahne ke liye shahr, aur hamáre chaupáyoṉ ke liye un kí nawáhí ke dene ká hukm kiyá thá.

3So baní Isráíl ne apní apní mírás meṉ se Ḳhudáwand ke hukm ke mutábiq yih shahr aur un kí nawáhí Láwíoṉ ko díṉ.

4Aur qur‘a Qihátíoṉ ke gharánoṉ ke nám par niklá; aur Hárún káhin kí aulád ko, jo Láwíoṉ meṉ se thí qur‘e se Yahúdáh ke qabíle, aur Shama‘ún ke qabíle, aur Binyamín ke qabíle meṉ se terah shahr mile.

5Aur báqí baní Qihát ko Ifráím ke qabíle ke gharánoṉ aur Dán ke qabíle aur Munassí ke ádhe qabíle meṉ se das shahr qur‘e se mile.

6Aur baní Jairson ko Ishkár ke qabíle ke gharánoṉ, aur Áshar ke qabíle, aur Naftálí ke qabíle, aur Munassí ke ádhe qabíle meṉ se, jo Basan meṉ hai, terah shahr qur‘e se mile.

7Aur baní Mirárí ko un ke gharánoṉ ke mutábiq Rúbin ke qabíle aur Jadd ke qabíle aur Zabúlún ke qabíle meṉ se bárah shahr mile.

8Aur baní Isráíl ne qur‘a ḍálkar in shahroṉ aur in kí nawáhí ko jaisá Ḳhudáwand ne Músá kí ma‘rifat farmáyá thá, Láwíoṉ ko diyá.

9Unhoṉ ne baní Yahúdáh ke qabíle, aur baní Shama‘ún ke qabíle meṉ se, yih shahr diye, jin ke nám yaháṉ mazkúr haiṉ,

10aur yih Qihátíoṉ ke ḳhándánoṉ meṉ se jo Láwí kí nasl se the, baní Hárún ko mile, kyúṉki pahlá qur‘a un ke nám ká thá.

11So unhoṉ ne Yahúdáh ke kohistání mulk meṉ ‘Anáq ke báp Arba‘ ká shahr Qaryat Arba‘, jo Habrún kahlátá hai, ma‘ us kí nawáhí ke un ko diyá.

12Lekin us shahr ke khetoṉ aur gáṉwoṉ ko unhoṉ ne Yufannah ke beṭe Kálib ko mírás ke taur par diyá.

13So unhoṉ ne Hárún káhin kí aulád ko Habrún jo ḳhúní kí panáh ká shahr thá, aur us kí nawáhí, aur Libnáh aur us kí nawáhí,

14aur Yatír aur us kí nawáhí, aur Istimú‘, aur us kí nawáhí;

15aur Haulán, aur us kí nawáhí; aur Dabír, aur us kí nawáhí;

16aur ‘Ain, aur us kí nawáhí, aur Yútah, aur us kí nawáhí, aur Bait Shams, aur us kí nawáhí, ya‘ní yih nau shahr un donoṉ qabíloṉ se lekar diye.

17Aur Binyamín ke qabíle se Jiba‘ún, aur us kí nawáhí; aur Jiba‘, aur us kí nawáhí;

18aur ‘Anatot, aur us kí nawáhí; aur ‘Almon, aur us kí nawáhí. Yih chár shahr diye gaye.

19So baní Hárún ke, jo káhin haiṉ, sab shahr terah the, jin ke sáth un kí nawáhí bhí thí.

20Aur baní Qihát ke gharánoṉ ko, jo Láwí the, ya‘ní báqí baní Qihát ko Ifráím ke qabíle se yih shahr qur‘e se mile.

21Aur unhoṉ ne Ifráím ke kohistání mulk meṉ un ko Sikm shahr, aur us kí nawáhí to ḳhúní kí panáh ke liye, aur Jazar aur us kí nawáhí,

22aur Qibzaím, aur us kí nawáhí, aur Bait Haurún, aur us kí nawáhí, yih chár shahr diye.

23Aur Dán ke qabíle se Iltaqíh, aur us kí nawáhí, aur Jibbatún, aur us kí nawáhí,

24aur Aiyálon, aur us kí nawáhí, aur Ját Rimmon, aur us kí nawáhí. Yih chár shahr diye.

25Aur Munassí ke ádhe qabíle se, Ta‘nák, aur us kí nawáhí, aur Ját Rimmon, aur us kí nawáhí. Yih do shahr diye.

26Báqí baní Qihát ke gharánoṉ ke sab shahr apní apní nawáhí samet das the.

27Aur baní Jairson ko, jo Láwíoṉ ke gharánoṉ meṉ se haiṉ, Munassí ke dúsre ádhe qabíle meṉ se, unhoṉ ne Basan meṉ Jaulán, aur us kí nawáhí to ḳhúní kí panáh ke liye, aur Ba‘istárah aur us kí nawáhí. Yih do shahr diye.

28Aur Ishkár ke qabíle se Qaison, aur us kí nawáhí; aur Dabrat, aur us kí nawáhí;

29Yarmot, aur us kí nawáhí, aur ‘Ain Janním, aur us kí nawáhí. Yih chár shahr diye.

30Aur Áshar ke qabíle se Masál, aur us kí nawáhí, aur ‘Abdon, aur us kí nawáhí;

31Ḳhilqat, aur us kí nawáhí, aur Rahob, aur us kí nawáhí. Yih chár shahr diye.

32Aur Naftálí ke qabíle se Jalíl meṉ Qádis, aur us kí nawáhí to ḳhúní kí panáh ke liye, aur Hammát Dor, aur us kí nawáhí, aur Qartán, aur us kí nawáhí. Yih tín shahr diye.

33So Jairsoníoṉ ke gharánoṉ ke mutábiq un ke sab shahr apní apní nawáhí samet terah the.

34Aur baní Mirárí ke gharánoṉ ko jo báqí Láwí the, Zabúlún ke qabíle se Yuqni‘ám, aur us kí nawáhí, Qartáh, aur us kí nawáhí;

35Dimnah, aur us kí nawáhí, Nahalál, aur us kí nawáhí. Yih chár shahr diye.

36Aur Rúbin ke qabíle se Basar, aur us kí nawáhí, Yahsah, aur us kí nawáhí;

37Qadímát, aur us kí nawáhí; aur Mifa‘t, aur us kí nawáhí. Yih chár shahr diye.

38Aur Jadd ke qabíle se Jili‘ád meṉ Rámah, aur us kí nawáhí to ḳhúní kí panáh ke liye, aur Mahanáyim, aur us kí nawáhí;

39Hasbon, aur us kí nawáhí, Ya‘zer, aur us kí nawáhí. Kull chár shahr diye.

40So yih sab shahr un ke gharánoṉ ke mutábiq baní Mirárí ke the. Jo Láwíoṉ ke gharánoṉ ke báqí log the, un ko qur‘e se bárah shahr mile.

41Pas, baní Isráíl kí milkíyat ke darmiyán Láwíoṉ ke sab shahr apní apní nawáhí samet aṛtálís the.

42Un shahroṉ meṉ se har ek shahr apne gird kí nawáhí samet thá: sab shahr aise hí the.

43Yúṉ Ḳhudáwand ne Isráílíoṉ ko wuh sárá mulk diyá, jise un ke bápdádá ko dene kí qasam us ne kháí thí; aur wuh us par qábiz hokar us meṉ bas gaye.

44Aur Ḳhudáwand ne un sab bátoṉ ke mutábiq, jin kí qasam us ne un ke bapdádá se kháí thí: chároṉ taraf se un ko árám diyá, aur un ke sab dushmanoṉ meṉ se ek ádmí bhí un ke sámne khaṛá na rahá; Ḳhudáwand ne un ke sab dushmanoṉ ko un ke qabze meṉ kar diyá.

45Aur jitní achchhí báteṉ Ḳhudáwand ne Isráíl ke gharáne se kahí thíṉ, un meṉ se ek bhí na chhúṭí; sab kí sab púrí húíṉ.

← Chapter 20 Jump to: Chapter 22 →