bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Joshua 6
Joshua 6
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
1
Aur Yaríhú baní Isráíl ke sabab se niháyat mazbútí se band thá, aur na to koí báhar játá, aur na koí andar átá thá.
2
Aur Ḳhudáwand ne Yashú‘ se kahá, ki Dekh, maiṉ ne Yaríhú ko, aur us ke bádsháh, aur zabardast súrmáoṉ ko tere háth meṉ kar diyá hai.
3
So tum sab jangí mard shahr ko gher lo, aur ek daf‘a us ke chaugird gasht karo. Chha din tak tum aisá hí karná.
4
Aur sát káhin sandúq ke áge áge meṉḍhoṉ ke síṉgoṉ ke sát narsinge liye húe chaleṉ, aur sátweṉ din tum shahr kí chároṉ taraf sát bár ghúmná, aur káhin narsinge phúṉkeṉ.
5
Aur yúṉ hogá, ki jab wuh meṉḍhe ke síṉg ko zor se phúṉkeṉ, aur tum narsinge kí áwáz suno, to sab log niháyat zor se lalkáreṉ; tab shahr kí díwár bi’lkull gir jáegí, aur log apne apne sámne sídhe chaṛh jáeṉ.
6
Aur Nún ke beṭe Yashú‘ ne káhinoṉ ko bulákar un se kahá, ki ‘Ahd ke sandúq ko uṭháo, aur sát káhin meṉḍhoṉ ke síṉgoṉ ke sát narsinge liye húe Ḳhudáwand ke sandúq ke áge áge chaleṉ.
7
Aur unhoṉ ne logoṉ se kahá Baṛhkar shahr ko gher lo, aur jo ádmí musallah haiṉ, wuh Ḳhudáwand ke sandúq ke áge áge chaleṉ.
8
Aur jab Yashú‘ logoṉ se yih báteṉ kah chuká, to sát káhin meṉḍhoṉ ke síṉgoṉ ke sát narsinge liye húe Ḳhudáwand ke áge áge chale; aur wuh narsinge phúṉkte gaye, aur Ḳhudáwand ke ‘ahd ká sandúq un ke píchhe píchhe chalá.
9
Aur wuh musallah ádmí un káhinoṉ ke áge áge chale jo narsinge phúṉk rahe the, aur dumbála sandúq ke píchhe píchhe chalá, aur káhin chalte chalte narsinge phúṉkte játe the.
10
Aur Yashú‘ ne logoṉ ko yih hukm diyá, ki Na to tum lalkárná, aur na tumhárí áwáz sunáí de, aur na tumháre muṉh se koí bát nikle. Jab maiṉ tum ko lalkárne ko kahúṉ, tab tum lalkárná.
11
So us ne Ḳhudáwand ke sandúq ko shahr ke gird ek bár phirwáyá. Tab wuh ḳhaimagáh meṉ áe, aur wahíṉ rát káṭí.
12
Aur Yashú‘ subh sawere uṭhá, aur káhinoṉ ne Ḳhudáwand ká sandúq uṭhá liyá.
13
Aur wuh sát káhin meṉḍhoṉ ke síṉgoṉ ke sát narsinge liye húe Ḳhudáwand ke sandúq ke áge áge barábar chalte aur narsinge phúṉkte játe the: aur wuh musallah ádmí áge áge ho liye; aur dumbála Ḳhudáwand ke sandúq ke píchhe píchhe chalá, aur káhin chalte chalte narsinge phúṉkte játe the.
14
Aur dúsre din bhí wuh ek bár shahr ke gird ghúmkar ḳhaimagáh meṉ phir áe. Unhoṉ ne chha din tak aisá hí kiyá.
15
Aur sátweṉ din yúṉ húá, ki wuh subh ko pau phaṭne ke waqt uṭhe, aur usí tarah shahr ke gird sát bár phire: sát bár shahr ke gird faqat usí din phire.
16
Aur sátwíṉ bár aisá húá, ki jab káhinoṉ ne narsinge phúṉke, to Yashú‘ ne logoṉ se kahá, Lalkáro, kyúṉki Ḳhudáwand ne yih shahr tum ko de diyá hai.
17
Aur wuh shahr aur jo kuchh us meṉ hai, sab Ḳhudáwand kí ḳhátir nest hogá; faqat Ráhab kasbí, aur jitne us ke sáth us ke ghar meṉ hoṉ, wuh sab jíte bacheṉge; is liye ki us ne un qásidoṉ ko, jin ko ham ne bhejá, chhipá rakkhá thá.
18
Aur tum ba har hál apne áp ko maḳhsús kí húí chízoṉ se bacháe rakhná; aisá na ho ki un ko maḳhsús karne ke ba‘d tum kisí maḳhsús kí húí chíz ko lo, aur yúṉ Isráíl kí ḳhaimagáh ko la‘natí kar ḍálo, aur use dukh do.
19
Lekin sab chándí aur soná, aur wuh bartan jo pítal aur lohe ke hoṉ Ḳhudáwand ke liye muqaddas haiṉ; so wuh Ḳhudáwand ke ḳhazáne meṉ dáḳhil kiye jáeṉ.
20
Pas logoṉ ne lalkárá, aur káhinoṉ ne narsinge phúṉke. Aur aisá húá, ki jab logoṉ ne narsinge kí áwáz suní, to unhoṉ ne baland áwáz se lalkárá, aur díwár bi’lkull gir paṛí, aur logoṉ meṉ se har ek ádmí apne sámne se chaṛhkar shahr meṉ ghusá, aur unhoṉ ne us ko le liyá.
21
Aur unhoṉ ne un sab ko, jo shahr meṉ the, kyá mard, kyá ‘aurat, kyá jawán, kyá buḍḍhe, kyá bail, kyá bheṛ, kyá gadhe, sab ko talwár kí dhár se bi’lkull nest kar diyá.
22
Aur Yashú‘ ne un donoṉ ádmíoṉ se jinhoṉ ne us mulk kí jásúsí kí thí kahá, ki Us kasbí ke ghar jáo, aur waháṉ se jaisí tum ne us se qasam kháí hai, us ke mutábiq us ‘aurat ko aur jo kuchh us ke pás hai, sab ko nikál láo.
23
Tab wuh donoṉ jawán jásús andar gaye, aur Ráhab ko, aur us ke báp, aur us kí máṉ, aur us ke bháiyoṉ ko, aur us ke asbáb, balki us ke sáre ḳhándán ko nikál láe, aur un ko baní Isráíl kí ḳhaimagáh ke báhar biṭhá diyá.
24
Phir unhoṉ ne us shahr ko, aur jo kuchh us meṉ thá, sab ko ág se phúṉk diyá; aur faqat chándí, aur sone ko aur pítal aur lohe ke bartanoṉ ko Ḳhudáwand ke ghar ke ḳhazáne meṉ dáḳhil kiyá.
25
Lekin Yashú‘ ne Ráhab kasbí, aur us ke báp ke gharáne ko, aur jo kuchh us ká thá, sab ko salámat bachá liyá. Us kí búdobásh áj ke din tak Isráíl meṉ hai, kyúṉki us ne un qásidoṉ ko, jin ko Yashú‘ ne Yaríhú meṉ jásúsí ke liye bhejá thá, chhipá rakkhá thá.
26
Aur Yashú‘ ne us waqt un ko qasam dekar tákíd kí, aur kahá, ki Jo shaḳhs uṭhkar is Yaríhú shahr ko phir banáe, wuh Ḳhudáwand ke huzúr mal‘ún ho. Wuh apne pahlauṭhe ko us kí neo ḍálte waqt, aur apne sab se chhoṭe beṭe ko us ke pháṭak lagwáte waqt kho baiṭhegá.
27
So Ḳhudáwand Yashú‘ ke sáth thá, aur us sáre mulk meṉ us kí shuhrat phail gayí.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24