bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Joshua 5
Joshua 5
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Aur jab un Amoríoṉ ke sab bádsháhoṉ ne, jo Yardan ke pár mag̣rib kí taraf the, aur un Kan‘áníoṉ ke tamám bádsháhoṉ ne, jo samundar ke nazdík the, suná ki Ḳhudáwand ne baní Isráíl ke sámne se Yardan ke pání ko haṭákar sukhá diyá, jab tak ham pár na á gaye, to un ke dil pighal gaye, aur un meṉ baní Isráíl ke sabab se ján báqí na rahí.
2
Us waqt Ḳhudáwand ne Yashú‘ se kahá, ki Chaqmaq kí chhuriyáṉ banákar baní Isráíl ká ḳhatna phir dúsrí bár karde.
3
Aur Yashú‘ ne chaqmaq kí chhuriyáṉ banáíṉ, aur khalṛiyoṉ kí paháṛí par baní Isráíl ká ḳhatna kiyá.
4
Aur Yashú‘ ne jo ḳhatna kiyá, us ká sabab yih hai, ki wuh log, jo Misr se nikle, un meṉ jitne jangí mard the, wuh sab biyábán meṉ Misr se nikalne ke ba‘d ráste hí meṉ mar gaye.
5
Pas wuh sab log, jo nikle the, un ká ḳhatna ho chuká thá: par wuh sab log jo biyábán meṉ Misr se nikalne ke ba‘d ráste hí meṉ paidá húe the, un ká ḳhatna nahíṉ húá thá:
6
kyúṉki baní Isráíl chálís baras tak biyábán meṉ phirte rahe, jab tak sárí qaum, ya‘ní sab jangí mard, jo Misr se nikle the, faná na ho gaye, is liye ki unhoṉ ne Ḳhudáwand kí bát nahíṉ mání thí: un hí se Ḳhudáwand ne qasam khákar kahá thá, ki wuh un ko us mulk ko dekhne bhí na degá, jise ham ko dene kí qasam us ne un ke bápdádá se kháí aur jaháṉ dúdh aur shahd bahtá hai.
7
So un hí ke laṛkoṉ ká, jin ko us ne un kí jagah barpá kiyá thá Yashú‘ ne ḳhatna kiyá, kyúṉki wuh námaḳhtún the, is liye ki ráste meṉ un ká ḳhatna nahíṉ húá thá.
8
Aur jab sab logoṉ ká ḳhatna kar chuke, to yih log ḳhaimagáh meṉ apní apní jagah rahe, jab tak achchhe na ho gaye.
9
Phir Ḳhudáwand ne Yashú‘ se kahá, ki Áj ke din maiṉ ne Misr kí malámat ko tum par se ḍhulká diyá. Isí sabab se áj ke din tak us jagah ká nám Jiljál hai.
10
Aur baní Isráíl ne Jiljál meṉ ḍere ḍál liye, aur unhoṉ ne Yaríhú ke maidánoṉ meṉ usí mahíne kí chaudahwíṉ táríḳh ko shám ke waqt ‘íd i fasah manáí:
11
aur ‘íd i fasah ke dúsre din us mulk ke puráne anáj kí beḳhamírí roṭiyáṉ, aur usí roz bhuní húí báleṉ bhí kháíṉ.
12
Aur dúsre hí din se un ke us mulk ke puráne anáj ke kháne ke ba‘d mann mauqúf ho gayá, aur áge phir baní Isráíl ko mann kabhí na milá; lekin us sál unhoṉ ne mulk i Kan‘án kí paidáwár kháí.
13
Aur jab Yashú‘ Yaríhú ke nazdík thá to us ne apní áṉkheṉ uṭháíṉ, aur kyá dekhá, ki us ke muqábil ek shaḳhs háth meṉ apní naṉgí talwár liye khaṛá hai. Aur Yashú‘ ne us ke pás jákar us se kahá, Tú hamárí taraf hai, yá hamáre dushmanoṉ kí taraf?
14
Us ne kahá, Nahíṉ, balki maiṉ is waqt Ḳhudáwand ke lashkar ká sardár hokar áyá húṉ. Tab Yashú‘ ne zamín par sarnigún hokar sijda kiyá, aur us se kahá, ki Mere Málik ká apne ḳhádim se kyá irshád hai?
15
Aur Ḳhudáwand ke lashkar ke sardár ne Yashú‘ se kahá, ki Tú apne páṉwoṉ se apní jútí utár de, kyúṉki yih jagah jaháṉ tú khaṛá hai, muqaddas hai: so Yashú‘ ne aisá hí kiyá.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24