bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Joshua 4
Joshua 4
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
1
Aur jab sárí qaum Yardan ke pár ho gayí, to Ḳhudáwand ne Yashú‘ se kahá, ki
2
Qabíle píchhe ek ádmí ke hisáb se bárah ádmí logoṉ meṉ se chun lo;
3
aur un ko hukm do, ki Tum Yardan ke bích meṉ se, jaháṉ káhinoṉ ke páṉw jame húe the, bárah patthar lo, aur un ko apne sáth le jákar us manzil par, jaháṉ tum áj kí rát ṭikoge, rakh dená.
4
Tab Yashú‘ ne un bárah ádmíoṉ ko, jin ko us ne baní Isráíl meṉ se, qabíle píchhe ek ádmí ke hisáb se taiyár kar rakkhá thá, buláyá.
5
Aur Yashú‘ ne un se kahá, Tum Ḳhudáwand apne Ḳhudá ke ‘ahd ke sandúq ke áge áge Yardan ke bích meṉ jáo, aur tum meṉ se har shaḳhs baní Isráíl ke qabíloṉ ke shumár ke mutábiq ek ek patthar apne apne kandhe par uṭhá le,
6
táki yih tumháre darmiyán ek nishán ho, aur jab tumhárí aulád áyanda zamáne meṉ tum se púchhe, ki In pattharoṉ se tumhárá matlab kyá hai?
7
To tum un ko jawáb dená ki Yardan ká pání Ḳhudáwand ke ‘ahd ke sandúq ke áge do hisse ho gayá thá; kyúṉki jab wuh Yardan pár á rahá thá, tab Yardan ká pání do hisse ho gayá. Yúṉ yih patthar hamesha ke liye baní Isráíl ke wáste yádgár ṭhahreṉge.
8
Chunáṉchi baní Isráíl ne Yashú‘ ke hukm ke mutábiq kiyá, aur jaisá Ḳhudáwand ne Yashú‘ se kahá thá, unhoṉ ne baní Isráíl ke qabíloṉ ke shumár ke mutábiq Yardan ke bích meṉ se bárah patthar uṭhá liye, aur un ko uṭhákar apne sáth us jagah le gaye, jaháṉ wuh ṭike, aur wahíṉ un ko rakh diyá.
9
Aur Yashú‘ ne Yardan ke bích meṉ us jagah jaháṉ ‘ahd ke sandúq ke uṭhánewále káhinoṉ ne páṉw jamáe the, bárah patthar nasb kiye. Chunáṉchi wuh áj ke din tak wahíṉ haiṉ.
10
Kyúṉki wuh káhin jo sandúq ko uṭháe húe the, Yardan ke bích hí meṉ khaṛe rahe, jab tak un sab bátoṉ ke mutábiq, jin ká hukm Músá ne Yashú‘ ko diyá thá, har ek bát púrí na ho chukí, jise logoṉ ko batáne ká hukm Ḳhudáwand ne Yashú‘ ko kiyá thá; aur logoṉ ne jaldí kí, aur pár utre.
11
Aur aisá húá, ki jab sab log sáf pár ho gaye, to Ḳhudáwand ká sandúq aur káhin bhí logoṉ ke rúbarú pár húe.
12
Aur baní Rúbin, aur baní Jadd, aur Munassí ke ádhe qabíle ke log Músá ke kahne ke mutábiq hathyár báṉdhe húe baní Isráíl ke áge pár gaye;
13
ya‘ní qaríb chálís hazár ádmí laṛáí ke liye taiyár, aur musallah Ḳhudáwand ke huzúr pár hokar, Yaríhú ke maidánoṉ meṉ pahuṉche táki jang kareṉ.
14
Us din Ḳhudáwand ne sab Isráílíoṉ ke sámne Yashú‘ ko sarfaráz kiyá; aur jaise wuh Músá se ḍarte the, waise hí us se us kí zindagí bhar ḍarte rahe.
15
Aur Ḳhudáwand ne Yashú‘ se kahá,
16
ki Un káhinoṉ ko, jo ‘ahd ká sandúq uṭháe húe haiṉ, hukm de, ki wuh Yardan meṉ se nikal áeṉ.
17
Chunáṉchi Yashú‘ ne káhinoṉ ko hukm diyá, ki Yardan meṉ se nikal áo.
18
Aur jab wuh káhin, jo Ḳhudáwand ke ‘ahd ká sandúq uṭháe húe the, Yardan ke bích meṉ se nikal áe, aur un ke páṉwoṉ ke talwe ḳhushkí par á ṭike, to Yardan ká pání phir apní jagah par á gayá, aur pahle kí tarah apne sab kanároṉ par bahne lagá.
19
Aur log pahle mahíne kí daswíṉ táríḳh ko Yardan meṉ se nikalkar Yaríhú kí mashriqí sarhadd par Jiljál meṉ ḳhaimazan húe.
20
Aur Yashú‘ ne un bárah pattharoṉ ko, jin ko unhoṉ ne Yardan meṉ se liyá thá, Jiljál meṉ nasb kiyá.
21
Aur us ne baní Isráíl se kahá, ki Jab tumháre laṛke áyanda zamáne meṉ apne apne bápdádá se púchheṉ, ki In pattharoṉ ká matlab kyá hai?
22
to tum apne laṛkoṉ ko yihí batáná, ki Isráílí ḳhushkí ḳhushkí hokar is Yardan ke pár áe the;
23
kyúṉki Ḳhudáwand tumháre Ḳhudá ne jab tak tum pár na ho gaye, Yardan ke pání ko tumháre sámne se haṭákar sukhá diyá, jaisá Ḳhudáwand tumháre Ḳhudá ne bahr i Qulzum se kiyá, ki use hamáre sámne se haṭákar sukhá diyá, jab tak ham pár na ho gaye;
24
táki zamín kí sab qaumeṉ ján len, ki Ḳhudáwand ká háth qawí hai; aur wuh Ḳhudáwand tumháre Ḳhudá se hamesha ḍartí raheṉ.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24