bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Joshua 3
Joshua 3
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
1
Tab Yashú‘ subh sawere uṭhá; aur wuh aur sab baní Isráíl Shittím se kúch karke Yardan par áe, aur pár utarne se pahle wahíṉ ṭike.
2
Aur tín din ke ba‘d mansabdár lashkar ke bích se hokar guzre:
3
aur unhoṉ ne logoṉ ko hukm diyá, ki Jab tum Ḳhudáwand apne Ḳhudá ke ‘ahd ke sandúq ko dekho, aur káhin aur Láwí use uṭháe húe hoṉ, to tum apní jagah se uṭhkar us ke píchhe píchhe chalná.
4
Lekin tumháre aur us ke darmiyán paimáish karke qaríb do hazár háth ká fásila rahe; us ke nazdík na jáná, táki tum ko ma‘lúm ho, ki kisí ráste tum ko chalná hai, kyúṉki tum ab tak is ráh se kabhí nahíṉ guzre.
5
Aur Yashú‘ ne logoṉ se kahá, Tum apne áp ko muqaddas karo, kyúṉki kal ke din Ḳhudáwand tumháre darmiyán ‘ajíb o g̣aríb kám karegá.
6
Phir Yashú‘ ne káhinoṉ se kahá, ki Tum ‘ahd ke sandúq ko lekar logoṉ ke áge áge pár utro. Chunáṉchi wuh ‘ahd ke sandúq ko lekar logoṉ ke áge áge chale.
7
Aur Ḳhudáwand ne Yashú‘ se kahá, Áj ke din se maiṉ tujhe sab Isráílíoṉ ke sámne sarfaráz karná shurú‘ karúṉgá, táki wuh ján leṉ ki jaise maiṉ Músá ke sáth rahá, waise hí tere sát rahúṉgá.
8
Aur tú un káhinoṉ ko, jo ‘ahd ke sandúq ko uṭháeṉ yih hukm dená, ki Jab tum Yardan ke pání ke kanáre pahuṉcho, to Yardan meṉ khaṛe rahná.
9
Aur Yashú‘ ne baní Isráíl se kahá, ki Pás ákar Ḳhudáwand apne Ḳhudá kí báteṉ suno.
10
Aur Yashú‘ kahne lagá, ki Is se tum ján loge, ki zinda Ḳhudá tumháre darmiyán hai, aur wuhí zarúr Kan‘áníoṉ aur Hittíoṉ, aur Hawwíoṉ, aur Farizzíoṉ, aur Jirjásíoṉ, aur Amoríoṉ, aur Yabúsíoṉ ko tumháre áge se dafa‘ karegá.
11
Dekho, sárí zamín ke Málik ke ‘ahd ká sandúq tumháre áge áge Yardan meṉ jáne ko hai.
12
So ab tum har qabíle píchhe ek ádmí ke hisáb se bárah ádmí Isráíl ke qabíloṉ meṉ se chun lo.
13
Aur jab Yardan ke pání meṉ un káhinoṉ ke páṉwoṉ ke talwe ṭik jáeṉge, jo Ḳhudáwand ya‘ní sárí dunyá ke Málik ke ‘ahd ká sandúq uṭháte haiṉ, to Yardan ká pání, ya‘ní wuh pání, jo úpar se bahtá húá níche átá hai, tham jáegá aur us ká ḍher lag jáegá.
14
Aur jab logoṉ ne Yardan ke pár jáne ko apne ḍeroṉ se kúch kiyá, aur wuh káhin jo ‘ahd ká sandúq uṭháe húe the, logoṉ ke áge áge ho liye,
15
aur jab ‘ahd ke sandúq ke uṭhánewále Yardan par pahuṉche aur un káhinoṉ ke páṉw, jo sandúq ko uṭháe húe the, kanáre ke pání meṉ ḍúb gaye, (kyúṉki fasl ke tamám aiyám meṉ Yardan ká pání chároṉ taraf apne kanároṉ se úpar chaṛhkar bahá kartá hai,)
16
to jo pání úpar se átá thá, wuh ḳhúb dúr Adam ke pás, jo Zartán ke barábar ek shahr hai, rukkar ek ḍher ho gayá, aur wuh pání jo maidán ke daryá, ya‘ní daryá e Shor kí taraf, bahkar gayá thá, bi’lkull alag ho gayá, aur log ‘ain Yaríhú ke muqábil pár utre.
17
Aur wuh káhin, jo Ḳhudáwand ke ‘ahd ká sandúq uṭháe húe the, Yardan ke bích meṉ súkhí zamín par khaṛe rahe, aur sab Isráílí ḳhushk zamín par hokar guzre, yaháṉ tak ki sárí qaum sáf Yardan ke pár ho gayí.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24