Joshua 19

Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))

← Chapter 18 Jump to: Chapter 20 →

1Aur dúsrá qur‘a Shama‘ún ke nám par, baní Shama‘ún ke qabíle ke wáste, un ke gharánoṉ ke muwáfiq, niklá; aur un kí mírás baní Yahúdáh kí mírás ke darmiyán thí.

2Aur un kí mírás meṉ Baírsaba‘ yá Saba‘ thá, aur Moládah;

3aur Hasár Sa‘úl, aur Báláh, aur ‘Azam;

4aur Itolad, aur Batúl, aur Hurmah;

5aur Siqláj, aur Bait Markabot, aur Hasár Súsah;

6aur Bait Libáwot aur Sárohan. Yih terah shahr the, aur in ke gáṉw bhí the.

7‘Ain, aur Rimmon, aur ‘Atar, aur ‘Asan. Yih chár shahr the, aur in ke gáṉw bhí the.

8Aur wuh sab gáṉw bhí in ke the, jo in shahroṉ ke ás pás Ba‘lát Baír ya‘ní junúb ke Rámah tak haiṉ. Baní Shama‘ún ke qabíle kí mírás, un ke gharánoṉ ke muwáfiq, yih ṭhahrí.

9Baní Yahúdáh kí milkíyat meṉ se baní Shama‘ún kí mírás lí gayí, kyúṉki baní Yahúdáh ká hissa un ke wáste bahut ziyáda thá; is liye baní Shama‘ún ko un kí mírás ke darmiyán mírás milí.

10Aur tísrá qur‘a baní Zabúlún ká, un ke gharánoṉ ke muwáfiq, niklá. Aur un kí mírás kí hadd Sáríd tak thí.

11Aur un kí hadd mag̣rib kí taraf, Mar‘alah hotí húí Dabbásat tak gayí, aur us nadí se, jo Yuqni‘ám ke áge hai, já milí;

12aur Sáríd se mashriq kí taraf muṛkar wuh Kislot Tabúr kí sarhadd ko gayí, aur waháṉ se Dabrat hotí húí Yafí‘ ko já niklí;

13aur waháṉ se mashriq kí taraf Jittah Hífr aur ‘Ittah Qázín se guzartí húí Rimmon ko gayí, jo Ní‘ah tak phailá húá hai;

14aur wuh hadd us ke shimál se muṛkar Hannáton ko gayí, aur us ká ḳhátima Iftáhel kí wádí par húá;

15aur Qattát, aur Nahalál, aur Simron, aur Idálah, aur Baitlahm. Yih bárah shahr aur un ke gáṉw in logoṉ ke ṭhahre.

16Yih sab shahr aur in ke gáṉw baní Zabúlún ke gharánoṉ ke muwáfiq un kí mírás hai.

17Aur chauthá qur‘a Ishkár ke nám par baní Ishkár ke liye, un ke gharánoṉ ke muwáfiq, niklá.

18Aur un kí hadd Yazra‘el, aur Kasolot, aur Shúním;

19aur Hafárím, aur Shiyún, aur Anáḳharát;

20aur Rabbít, aur Qaison, aur Abiz;

21aur Rímat, aur ‘Ain Janním, aur ‘Ain Haddah, aur Bait Fasís tak thí;

22aur wuh hadd Tabúr, aur Shaḳhsímáh, aur Bait Shams se já milí; aur un kí hadd ká ḳhátima Yardan par húá. Yih solah shahr the, aur in ke gáṉw bhí the.

23Yih shahr aur in ke gáṉw baní Ishkár ke gharánoṉ ke muwáfiq un kí mírás hai.

24Aur páṉchwáṉ qur‘a baní Áshar ke qabíle ke liye un ke gharánoṉ ke muwáfiq niklá.

25Aur Ḳhilqat, aur Halí, aur Batan, aur Iksháf;

26aur Alammalik, aur ‘Amád, aur Misál un kí hadd ṭhahre, aur mag̣rib kí taraf wuh Karmil aur Saihúr Libnát tak pahuṉchí;

27aur wuh mashriq kí taraf muṛkar Bait Dajún ko gayí, aur phir Zabúlún tak, aur wádí e Iftáel ke shimál se hokar Baitu’l ‘Imaq, aur Nag̣íel tak pahuṉchí, aur phir Kabúl ke báeṉ ko gayí;

28aur ‘Abrún, aur Rahob, aur Hammún, aur Qánáh balki baṛe Saidá tak pahuṉchí;

29phir wuh hadd Rámah Zúr ke fasíldár shahr kí taraf ko jhukí, aur waháṉ se muṛkar Húsah tak gayí, aur us ká ḳhátima Akzíb kí nawáhí ke samundar par húá;

30aur ‘Ummah, aur Afíq, aur Rahob bhí in ko mile. Yih báís shahr the, aur in ke gáṉw bhí the.

31Baní Áshar ke qabíle kí mírás, un ke gharánoṉ ke muwáfiq, yih shahr aur in ke gáṉw the.

32Chhaṭá qur‘a baní Naftálí ke nám par, baní Naftálí ke qabíle ke liye, un ke gharánoṉ ke muwáfiq, niklá.

33Aur un kí sarhadd Halaf se, aur Za‘naním ke balút se Adámí Naqab, aur Yabníel hotí húí Laqúm tak thí, aur us ká ḳhátima Yardan par húá;

34aur wuh hadd mag̣rib kí taraf muṛkar Aznút Tabúr se guzartí húí Huqqoq ko gayí, aur junúb meṉ Zabúlún tak aur mag̣rib meṉ Áshar tak aur mashriq meṉ Yahúdáh ke hisse ke Yardan tak pahuṉchí.

35Aur fasíldár shahr yih haiṉ; ya‘ní Siddím, aur Sair, aur Hammát, aur Raqqat, aur Kinnarat;

36aur Adámah, aur Rámah, aur Hasúr;

37aur Qádis, aur Adra‘í, aur ‘Ain Hasúr;

38aur Irún, aur Mijdálel, aur Hurím, aur Bait ‘Anát, aur Bait Shams. Yih unnís shahr the, aur in ke gáṉw bhí the.

39Yih shahr aur in ke gáṉw baní Naftálí ke qabíle ke gharánoṉ ke muwáfiq un kí mírás hai.

40Aur sátwáṉ qur‘a baní Dán ke qabíle ke liye un ke gharánoṉ ke muwáfiq niklá.

41Aur un kí mírás kí hadd yih hai: Sur‘áh, aur Istál, aur ‘Ír Shams;

42aur Sha‘labín, aur Aiyálon, aur Itláh;

43aur Ailon, aur Timnátah, aur ‘Aqrún;

44aur Iltaqíh, aur Jibbatún, aur Ba‘lát;

45aur Yahúd, aur Baní Baraq, aur Ját Rimmon;

46aur Me Yarqún, aur Raqqún ma‘ us sarhadd ke jo Yáfh ke muqábil hai.

47Aur baní Dán kí hadd un kí is hadd ke ‘aláwa bhí thí, kyúṉki baní Dán ne jákar Lasham se jang kí aur use sar karke us ko talwár kí dhár se márá, aur us par qabza karke waháṉ base, aur apne báp Dán ke nám par Lasham ká nám Dan rakkhá.

48Yih sab shahr aur in ke gáṉw baní Dán ke qabíle ke gharánoṉ ke muwáfiq un kí mírás hai.

49Pas wuh us mulk ko mírás ke liye us kí sarhaddoṉ ke mutábiq taqsím karne se fárig̣ húe, aur baní Isráíl ne Nún ke beṭe Yashú‘ ko apne darmiyán mírás dí.

50Unhoṉ ne Ḳhudáwand ke hukm ke mutábiq wuhí shahr, jise us ne máṉgá thá, ya‘ní Ifráím ke kohistání mulk ká Timmat Sirah use diyá; aur wuh us shahr kota mír karke us meṉ bas gayá.

51Yih wuh mírásí hisse haiṉ, jin ko Ilí‘azar káhin aur Nún ke beṭe Yashú‘, aur baní Isráíl ke qabíloṉ ke ábáí ḳhándánoṉ ke sardároṉ ne Sailá meṉ ḳhaima e ijtimá‘ ke darwáze par Ḳhudáwand ke huzúr qur‘a ḍálkar mírás ke liye taqsím kiyá. Yúṉ wuh us mulk kí taqsím se fárig̣ húe.

← Chapter 18 Jump to: Chapter 20 →