Job 20

Chinese TTVR (現代台語譯本羅馬字版)

← Chapter 19 Jump to: Chapter 21 →

1Ná-má -lâng Só-hoat ìn Iok-pek kóng:

2Góa thiaⁿ-tio̍h lêng-jio̍k góa ê chek-pī, góa ê sim tio̍h-kip; góa bô kā lí ìn bōe-ēng--tit, góa ê tì-hūi kà góa tio̍h án-chóaⁿ ìn.

4Lí kiám m̄ chai, tùi kó͘-chá, tùi ū lâng tī sè-kan í-lâi,

5pháiⁿ-lâng tek-ì bô kú-tn̂g; bô kèng-khiân ê lâng ê hoaⁿ-hí ba̍k-nih-kú.

6Sui-jiân i kiau-ngō͘ koân kah tú-thiⁿ, thâu-khak kha̍p-tio̍h hûn,

7kàu-bé mā ōe chhin-chhiūⁿ ka-kī ê pùn éng-oán siau-sit. Bat i ê lâng ōe kóng: I tī tó-ūi?

8I ōe chhin-chhiūⁿ bîn-bāng pe--khì, chhē bōe tio̍h, ōe chhin-chhiūⁿ mî--sî ê hoàn-siōng siau-sit.

9Bat khòaⁿ-tio̍h i ê lâng bōe-tàng koh khòaⁿ-tio̍h i; mā bōe-tàng tī i tòa ê só͘-chāi koh khòaⁿ-tio̍h i.

10I ê kiáⁿ-jî tio̍h pê-siông sàn-chhiah-lâng; i tio̍h chhin-chhiú kau-chhut ka-kī ê châi-hù;

11I sui-jiân ū siàu-liân ióng-chòng ê kut-keh, bô kú mā ōe kui-thó͘.

12Sui-jiân siâ-ok tī i ê chhùi-lāi sī tiⁿ--ê, i put-sî chhàng tī chi̍h-ē,

13m̄-kam phùi--chhut-lâi, lóng kâm tī chhùi-lāi;

14m̄-kú hit-ê chia̍h-mi̍h ji̍p-khì pak-lāi chiū pháiⁿ--khì, tī lāi-bīn pìⁿ-chòe to̍k-chôa ê to̍k.

15I thun-chia̍h châi-pó, ōe koh thò͘--chhut-lâi; Siōng-tè beh tùi i ê pak-tó͘ jîm--chhut-lâi.

16I ōe suh to̍k-chôa ê to̍k; chôa ê to̍k-gê ōe hāi-sí i.

17I bōe-tàng khòaⁿ-tio̍h kang-hô, khòaⁿ bōe tio̍h lâu lin kap bi̍t ê khoe.

18I lô-khó͘ tit--tio̍h-ê thun bōe lo̍h--khì, tio̍h hêng lâng, bōe-tàng hióng-siū thàn--lâi ê châi-hù.

19In-ūi i ap-chè koh khì-sak sàn-chhiah-lâng, kiông-chiàm pa̍t-lâng khí ê chhù.

20In-ūi i tham-chia̍h, m̄-chai boán-chiok; i só͘ ài--ê bô chi̍t hāng lâu ōe tiâu.

21Bô chi̍t hāng bô hō͘ i thun--lo̍h-khì; só͘-í i ê hoân-êng bōe kú-tn̂g.

22I hó-gia̍h chhiong-chiok ê sî, só͘-ū ê khó͘-lān chai-hō lóng ōe lîm-kàu i.

23I pak-tó͘ tiùⁿ-pá ê sî, Siōng-tè ōe kàng-lo̍h béng-lia̍t ê siū-khì, ōe kàng-lo̍h tōa siū-khì tī i téng-bīn.

24I nā siám ōe khui thih ê kiàm, mā ōe hō͘ tâng ê chìⁿ-thâu siā thàng--kè.

25Chìⁿ siā-thàng i ê seng-khu, kim-sih-sih ê chìⁿ-thâu siā-kè i ê táⁿ, ū huih chha̍p-chha̍p-tih, hō͘ i kiaⁿ kah beh sí.

26I chek-chū ê châi-pó lóng ōe siū húi-bia̍t, m̄-sī lâng ê chhiú só͘ tiám ê hé ōe sio-bia̍t i, lâu tī i pò͘-pîⁿ lāi--ê mā ōe siū sio-húi.

27Thiⁿ ōe po̍k-lō͘ i ê chōe-kò; tōe ōe khí-lâi kong-kek i.

28Tī Siōng-tè tōa siū-khì ê ji̍t, i ê ke-hé lóng ōe hō͘ tōa-chúi chhiong bô--khì.

29Che chiū-sī pháiⁿ-lâng ê miā-ūn, sī Siōng-tè chù-tiāⁿ hō͘ in ê kiat-kio̍k.

← Chapter 19 Jump to: Chapter 21 →