Jeremiah 22

Zande

← Chapter 21 Jump to: Chapter 23 →

1Ya Yekova wẽ: “Mo zórõ ku bakindo aYudo yo, ki gumba gi pai re

2ki ya, ‘Ako Bakindo aYudo, nasunga auru ga Dawidi mbatabakindo, mo gi sangba Yekova, mo, na gamo amoyambp na avururo narima ti agi angbadimo bakporo re.

3Ya Yekova wẽ: Mo sári ngba nga nzunzu ki mangi rurupai, ki batasi gu ni be barungosi ni nga gu ni i adĩ he be ni. Ka mo amánga nga gbegberẽ watadu nyanyaki pai fu kungba boro ya, fu wirinyaure, na dekurugbo a ya, ka mo úka nga kure boro wenesa rogo gi ba re ya.

4Ka mo gi gi pai re ni rengo, si du abakindo ka aríma ti ni ti angbadimo gi kporo re nga agu yo nasunga ri ga Dawidi mbatabakindo naora ri angbagidavura na afarasi, i, pa eavo amoyambu, na avurnyo a

5Ono ka mo aká nga kuti agi apai re ya, mi zunga he ni tire, wo poi Yekova, ya gi kporo re asá tihe ni ugure.

6Bambiko wo poi Yekova tipa ga bakindo aYudo aboro: Oni wa kina Girada fere, wa ngbaho Rebanona, ni rengo mi asá roni wa ngbi ngume, ni gu bakporo i araka nga rogo ho yo ya.

7Mi ambákada abagbarasi he kuti roni, i ni ba sa sa na gayo aúvura; i adéwa gaoni siasia kedara ku sande, ki bafu he ku we yo.

8“ ‘Dungu arikaaboro asúsa pati gi bakporo re, aboro ni ba sa sa aniya fu akurayo, “Tipagine Yekova amangi were ti ni fu gi bakporo re?”

9I ki karaga ha ki ya, “Bambiko i ambu ga Yekova ndika nga gayo Mbori, ki niirisi kura ambori ki nimangi pa ha.” ’ ”

10Ka mo kpári nga tipa gu ni kpi ya, ka mo rúngo nga tipa ni a ya; ono mo kpári ni kere he tipa gu ni ga ku sa yo, bambiko ni akáraga nga ti ni berewe ka bi ringara vunga ni te.

11Bambiko ya Yekova wẽ tipa Saruma wiri Yosiya, nangia bakindo aYudo, gu ko nazoga rago ku ba Yosiya nga bako, namerẽ ku sa yo ti gi ba re: “Ko akáraga nga tiko kono berewe te,

12ono rogo gu ba i andu na ko ku ho ni ni zizi ko, yo ko ka kpi ni, ko abí nga gi ringara berewe te re.”

13“Na gberẽ he fu gu ni nadua gani bambu ni irairapai, na gani avuru bambu ku ari ni gu pai aru nga ya; naida kurani ni mangi sunge fu ni gbua, ka ni afu nga gani mosoro fu ni ya;

14naya, ‘Mi adúa bakere bambu tipa re na yayaa avuruhe ari yo,’ ki yepe abangiri bambu ti ni, ki kendege he na ngua kedara, ki mbedi he na imaima zamba arangi.

15Mo naberã ha nga mo nga bakindo bambiko mo naasada ka du na bakere kedara be ro? A nga bamo anari he ki nimbiri he ki nisari ngbanga na rurupai te? Si du pai adu ti ni fu ko wenengaĩ.

16Ko asari ngbanga nga ga rungo rungo boro na ga irazingohe; si du pai adu ti ni wenengaĩ. Ina re nangia ha te? wo poi Yekova.

17Ono kina pa ga iraira mokiisa du pa ha bangiro na ku ngbaduro yo a na pa uka kure boro wenesa, na pa manga rungosiro na nyanyaki pai.”

18Si du ya Yekova tipa Yoyakima wiri Yosiya wẽ, bakindo aYudo; “I akpára nga nita ngbaduyo tipa ko te, niya, ‘Ako wirinina!’ watadu ‘Ako dawire!’ I akpára nga nita ngbaduyo tipa ko te, niya, ‘Ako gbia!’ watadu ‘Ako na iriwo gako taarimo!’

191 akpísida ko wa i nikpisidi badongi, ki gbe ko ki ba ko ku gii angbadimo bakporo yo nga ga Yerusarema.”

20“Mo ndú ku Rebanona yo, ki poi ku ari, ki tumba fugoro ku ari Basana yo; ki kpari Abarima yo, bambiko i gbarasi akpinyemuro dunduko.

21Mi gumba pai foro rago ga wene pia, ono ya mo, ‘Mi adéga nga ture te.’ Gere ningia ga pai ti rago parangaro, nga mo agia nga sangba re te.

22Yuge ayá na gamo ababanda akandoro dunduko, akpinyemuro agá ni zizi yo; mo ki du na zee ki du na mungo bambiko gamo gbegberẽapai dunduko.

23Ako baraki Rebanona yo, nadua abambu dagba akedara, mo nikauko ho aimisiri ka ve ni sa ro tie, imisiri wa ga de rago vunga!”

24“Wa du mi ni ungare, wo poi Yekova, zavura Konya nga wiri Yoyakima, nangia bakindo aYudo, adu wa tongo ido ti kumbabere, ono, mi kpi nyemu ka dia ro ku sa yo

25ki fu ro ku be agu yo nagbata ungaro, ku be agu yo nga agu yo mo nagunde be yo, kina ku be Nebukadenesara nangia bakindo aBabero na ku be aKasado.

26Mi abáfa ro ku rogo kura ringara gbia kuti namo navungu ro, yo i avunga nga ro ni ya, yo mo ka kpi ni.

27Ono gu ringara nga gu i ka kpi nyemu ka karaga tiyo ku ho ni, yo i ka karaga tiyo ku ho ni te.”

28Gu kumba nga Konya re ko wa payasipayasi kurugbo pere, nga gu pere boro aberã nga pa ha ya? Tipagine i abafu ko na awiriko ti ni ni bafubafu yo ku rogo ringara nga gu i aina nga ha ya?

29Ako ringara, ringara, ringara, mo gí sangba Yekova!

30Ya Yekova wẽ: “Mo ké pa gi kumba re wa irazangada, nga gu kumba au nga rogo gako arame ya; bambiko awiriko adia nga ba ko ka sunga auru ga Dawidi mbatabakindo wa sa te, ka zoga aboro berewe Yuda yo te.”

← Chapter 21 Jump to: Chapter 23 →