bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Jeremiah 6
Jeremiah 6
Zande
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 7 →
1
Ako awiri Benyamina, oni gúari bangbanda Yerusarema, ka batasa tironi! Oni vúdi nambongo Tekua yo, ki tumba yuguyuguhe Beteakerema yo; bambiko gbigbitapai ye nodiyo, na buna rago.
2
Gu betedi rurungbura aboro mi agbárasa yo, nga aboro Siona.
3
Ababanda akandoro na gayo rimbasa anya ayé kuti bakporo; i adúdua gayo abamburoko pati he kirikiri, ami arí banambu, ami ni ba sa sa kina rogo gu ba ra.
4
“Oni mbákadi vura kuti he; oni gúari, ani zúba ha bebere uru!” “Na gberẽ he fu rani, bambiko uru nati, bambiko nzereme nga ga nyemu nagiza!”
5
“Oni gúari ani ki zuba ha yuru, ki gbarasi gaha abambu bakindo!”
6
Bambiko ya Yekova nga ga ari mbasa ko wẽ: “Oni dé gaha angua; oni bá kanda kuti Yerusarema. Gere nga gu bakporo nikadu ni mbusimbusi he; mbiko kina pa rungosi aboro du rogo ho.
7
Wa guga nabanda imehe ki nifu ni wene he, wo si nabanda gaha gbigbitapai ki nikusi he ni vovo ho; i nagia pa zuu na pa gbarasahe ku rogo ho yo; imisiriapai na aoro nye ku bara bangire kindi.
8
Ako Yerusarema oni gí fugapai, mi ka sa tire ti roni; mi ka manga roni wa vurubate, wa gu ringara zanga araki rogo ho.”
9
Ya Yekova nga ga arimbasa ko wẽ: “Oni káti gu yangara aYisaraere sirisiri, wa kata yo bakakue; wa bakati bakakue oni ki fugu he berewe ti abehe ni beroni.”
10
Ada ka mi fura na yo ki fugu pai, ya i gi he? Mo ngére, tuyo ni kisikisi he, i arengba nga ka dega ha te; mo ngére, gu pai nga ga Yekova du fu yo wa ũgbarasarimo, rago angba nga ti yo mbiko ho te.
11
Si du mi hi be gu ngariangaria zinga nga ga Yekova; mi nambu be dika ha ku kpotore yo. “Mo úka ha ku ri agude gene bakporo yo, na ku ri agu adunguratise nga ga paranga aboro, a wo; kumba na diani i ka roga yo ku sa Yo, gbinza aboro na kuru gbinza aboro a.
12
I afú gayo abambu fu akurayo, gayo aati na adiayo wa sa; bambiko mi atáã bere kuti araki rogo gu ringara re,” wo poi Yekova.
13
“Bambiko tona ti gu umba ni dati gu bakumba ni dagba yo yo, aboro ni ba sa sa du na nyemu iraira ũmokiisa ti yo; tona ti anebi dati aboromotumo, aboro ni ba sa sa namanga pai ni biriki.
14
I wiisi ga gimi aboro oro ni kungba pai, niya, ‘Zereda, zereda,’ ho adu nga zereda ni ya.
15
I adu na zee ho i nimangi kere gbegberẽpai ni? Óo, i adu nga na zee wa sa te; i aina nga pa uwa a te. Si du i ka tiwa ti ni dagba agu yo yo natiwa; i adú ni sikasika yo, ti gu rago mi ka mbusa yo,” wo poi Yekova.
16
Ya Yekova wẽ: “Oni rú pangba abaagene, ka ngera, ka sana he tipa kuru agene, yo du wene gene ni; ki nita ngba ha, ki bi ongoda tipa mbisimoroni. Ono i ki ya, ‘Ani atá nga ngba ha te.’
17
Mi moi babandarago ku ri roni, niya, ‘Oni dége turoni sa woro nambongo!’ Ono i ki ya, ‘Ani adéga nga turani te.’
18
Si du, Ako arikaaboro, oni gí he, Ako rimbasa aboro, oni ini gu pai nikamanga fu yo.
19
Ako kpotosende, oni gí he; oni ngére, mi naye na gbigbitapai ku ri agi aboro re, nga zuzu gayo sangaapai, bambiko i adega nga tuyo sa gimi apai te; na tipa gi rugute, i gindiga ha.
20
Tipa gini he fuõngua anaye ti ni fere Seba yo, watadu nzinziri koko gii ngbi yo? Gaoni zozo amotumo mi aida nga pa ha te, gaoni amotumo angba nga ti re a te.
21
Si du ya Yekova wẽ: ‘Oni ngere, mi apíga ambia kota bara bangiri agi aboro re nga gu i ka kotoka ti ni; abayo na awiriyo akpíka wa sa, akurayo na abadiangbayo a.’ ”
22
Ya Yekova wẽ: “Oni ngére, aboro naye ringara nodiyo, gu bakere rikaaboro nawo ti tuturũ apapara rago gbe nga ga kpotosende.
23
I zadi mboto na baso, i du ni kere yo zanga inapai, woroyo du wa woro paa baime; i naora ri afarasi, ki ru ni nguru wa abasovura, kuti roni, Ako aboro Siona!”
24
Ani gi pa pande he, ani tigba berani tipa undahe; imisiri zi rani, imisiri wa ga de rago vunga.
25
Ka oni kúru nga ka ndu ku ati yo ya, ka oni tá nga ngba bagene yo a ya; bambiko vura du na basape, gbudagbuda du rogo arago ku bani na ku bani dunduko.
26
Ako gimi aboro, oni úkadi mbu zaroko, ki niwaranga rogo kuke; oni kpári ni kpenunga wa kpe tipa bangisa gude, ki nita ngbaduroni ni kpenunga ki susi; bambiko bagbarasihe nikakura rure ku ri rani.
27
“Mi moi ro ni baringbisi na ni bawisigi gimi aboro, ya mo ki ini gayo apai ki ringbisi he.
28
I dunduko nga nyanyakiri aira samungu, nandu kirikiri ki gbarasi rimo aboro; i nga sirigi na marã, i dunduko namanga pai ni wasiwasi he.
29
Ngbiti navuda he si ngaria, kpano ki riti he be we; i vura furusa ha vuru, bambiko gbegberẽ aboro aguari nga ku sa yo te.
30
I ya ti yo mirĩ feda, bambiko Yekova gindiga yo.”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52