bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Jeremiah 52
Jeremiah 52
Zande
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
1
Garã Sedekiya adu 21 ho ko atona ka zoga rago ni; ko ki zogo rago Yerusarema yo garã ki du bawe na sa. Rimo nako nangia Amutara wiri Yeremaya boro Ribina.
2
Ko ki mangi gu pai nadu ni gbigbita ha bangiri Yekova, a wa Yoyakima anamanga.
3
Bambiko pai aye ka du gbegberẽ ku Yerusarema yo na ku Yuda yo, mbiko ga Yekova zinga, si ko abafu yo ti ni bara bangiriko. Sedekiya ki sa mungu kuti bakindo aBabero.
4
Rogo ribua garã gako zogarago, rogo bawe diwi, ti rameru bawe, Nebukadenesara bakindo aBabero aye, ko tigako na gako rimbasa aborosovura sa Yerusarema, i ki zi bataya pati he ki dua gbata pati he kirikiri.
5
Si du i aru nguru ti ni pati bakporo, ki da ti gu bawe na sa garã nga ga Bakindo Sedekiya.
6
Ti ribua rame nga ga biama diwi gberãngbi ki moi pai bakporo yo, ni kere he ka riahe adu nga tipa aboro gu ringara re ya.
7
I ki imi ngapa bakporo; abasovura dunduko ki oro, ki kuru ku zegi yo bakporo yo yuru ngba gu gene gii ngbadimo yo naadu dagba angapa bakporo ue naadu pati ga bakindo ati. Were aKasado adu pati bakporo kirikiri. I ki ndu ngba gene ku kpasakpasa rago yo.
8
Ono ga aKasado rimbasa aborosovura ado fuo bakindo, ki dusia Sedekiya rogo kpasakpasa rago Yereo yo; gako rimbasa aborosovura ki gbandaka pati ko dunduko.
9
Si du i ki zi bakindo, ki ndu na ko koyo du bakindo aBabero ni ku Ribera yo rogo ringara Amata, ko ki gbarasi ngbanga fu ko.
10
Bakindo aBabero ki imi awiri Sedekiya kina ku bangiriko, ki imi awiri abazogo dunduko a nga ga aYudo yo Ribera yo.
11
Ko ki imi bangiri Sedekiya, ki vo ko ni azogbo, bakindo aBabero ki ndu na ko ku Babera yo, ki ba ko ku bambukisa yo dati rago kpioko.
12
Rogo nisue diwi, ti rameru bawe ― nga gu nangia bawe na ribua garã zogarago nga ga Bakindo Nebukadenesara nangia bakindo aBabero ― Nebuzaradana arimi ku Yerusarema yo, nangia baira agu ababandarago nga gu ko namangi pa bakindo aBabero.
13
Ko ki zo ga Yekova bambu, na ga bakindo bambu na agu abambu dunduko du Yerusarema yo; ko azokodi bakindigi abambu na we dunduko.
14
Arimbasa aborosovura nangia ga aKasado yo dunduko, nga agu yo naadu na baira ababandarago, i ki kuadi angapa bakporo pati Yerusarema dunduko.
15
Nebuzaradana baira ababandarago ki ga na bete agu yo du ni rungorungo yo ki susi dagba aboro ni zizi yo, na yangara aboro i ambu yo rogo bakporo, na agu yo naoro koyo du bakindo aBabero ni, wa sa na gu yangara yo nangia aboro sunge.
16
Ono Nebuzaradana baira ababandarago ambu bete gu rungorungo aboro ringara rungo arungo ki susi, i du ni abambakadi bakakue ni ababanda aati.
17
Agu adangba nangia sirigi nadu tii ga Yekova bambu yo, na amburuhe na gu bazundati nangia sirigi nga gu nadu rogo ga Yekova bambu yo, aKasado ki kuadi he rukutu, ki ndu na asirigi dunduko ku Babera yo.
18
I aga na aakoro, na aundukuda ahe, na aúbisawe, na akurungbu, na abaarikare, na agu aúsunge sirigi nga gu i anamanga sunge na ni;
19
na asaani, na aúkpanawe, na akurungbu, na aakoro, na abaduawe, na abaarikare, na rukutu asaani. Gu nadu ni dahabu baira ababandarago aga na ni ni dahabu, na gu nangia ga feda, ni feda.
20
Agu adangba bambu ue, gu bazundati, na kpia abaabagara nadu ni sirigi bawe na ue, nadu tii amburuhe yo, nga gu Soromo bakindo amangi he tipa ga Yekova bambu, barõa agu asirigi nga ga agi ahe dunduko re agasi pa ringbisa ha.
21
Pa adangba adu were, bagiza dangba sa adu wa bagiza mbiribe bawe na muambi, bagiza gire adu ti ni kirikiri wa bagiza mbiribe bawe na ue, banagaha ki du wa awirinzaga biama, vuruhe yo ki du ni ku he.
22
Kpakpari sirigi ki du ri he yo, bagiza gu kpakpari adu wa bagiza mbiribe bisue; kpia zuzuhe wa ndavu adu ti kpakparihe kirikiri na arambaaramba ahe dunduko adu ni sirigi. Gu ue dangba re adu wa kina gu na kpia zuzuhe wa ndavu a.
23
Kpia zuzuhe wa ndavu adu yo 96 ti apavuruhe; kpia zuzuhe wa ndavu adu wa 100 auru gu arambaaramba he re kirikiri.
24
Baira ababandarago ki zi Seraya nangia baira aboromotumo, na Zefaniya gu ue boromotumo, na agu ababanda ngbadimo nadu biata;
25
ko ki zi barumbatayo sa bakporo yo nga gu ko nadu ku ri abasovura, na aboro saba dagba agu yo yo nanabi kpakpu bakindo, i abi yo bakporo yo; na bakeapai nangia ga barutiri rimbasa aborosovura ko naadungura aboro ringara; na aboro ringara 60, i abi yo bakporo yo.
26
Nebuzaradana nga baira ababandarago ki ga na yo, ki ye na yo koyo du bakindo aBabera ni Ribera yo.
27
Bakindo aBabero ki ta yo, ki imi yo Ribera yo ringara Amata yo. Si du i aga na aYudo ti ni ni zizi yo rogo gayo ringara.
28
Gere nga pa gedigedi agu aboro Nebukadenesara aga na yo ni zizi yo; ti saba garã aEbere 3,023;
29
ti bawe na muambi gará zogarago nga ga Nebukadenesara ko aga na aboro ni zizi yo Yerusarema yo wa 832;
30
ti 23 garã zogarago nga ga Nebukadenesara, Nebuzaradana nangia baira ababandarago aga na agu aEbere ni zizi yo 745; aboro dunduko adu wa 4,600.
31
Si ki ta du wa gere ti gu 37 garã nga gu Yoyakina adu ni zizi ko nangia bakindo aYudo, ti bawe na ue diwi, ti rameru 25. Ewira-merodoka bakindo aBabero atumba Yoyakina bakindo aYudo ku ari ki kusi ko bambukisa yo; ti kina gu garã ko nga Ewira-meredoka atona zoga rago ni.
32
Ko ki nifu na ko wenengaĩ, ki moi gako mbatabakindo ku ri agu ambatabakindo nga ga agu abakindo nadu na ko Babera yo.
33
Si du Yoyakina ki uru gako aremu nangia ga bambukisa. Ko ki niri riahe ku bangiri bakindo dedede wa ko adu ni ungako;
34
tipa gako úngba, ahe adu kina ho bakindo anafu fu ko kindi; rengbe fu ko na uru dedede, wa ko adu ni ungako, ki da ti gu rago ko akpi.
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52