bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Jeremiah 36
Jeremiah 36
Zande
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
1
Ti gu biama garã zogarago nga ga Yoyakima wiri Yosiya, bakindo aYudo, gi pai aye re kono du Yeremaya ni yo du Yekova ni:
2
“Mo dí kaĩkaĩ waraga ki ke agu apai dunduko ti ni gumba mi foro kuti aYisaraere na kuti aYudo na kuti arikaaboro dunduko, tona ti gu uru mi agumba ha foro, tona ti rago Yosiya daku areme.
3
Isoke aboro Yuda agia pa gu gbigbitapai dunduko mi aberã pa manga ha kuti yo, si du aboro ni ba sa sa ki sa tiyo ti gayo gbigbita asino, mi ki vu yo ti gayo irairapai na gayo ingapai.”
4
Yeremaya ki yambu Baruka wiri Neriya, Baruka ki ke pai ti kaĩkaĩ waraga kuti gu gumba pai nga ga Yeremaya na agu apai dunduko nga ga Yekova nga gu ko agumba fu ko.
5
Yeremaya ki rugu Baruka, niya, “I aida nga ha fere mi ndu ku tii ga Yekova bambu yo te;
6
si du mo ka ndu ti ni, ti rago gina riahe mo ki gedi agu apai nga ga Yekova ku tu aboro yo dunduko du tii ga Yekova bambu yo, rogo gu kaĩkaĩ waraga nga gu ke mo kuti sangbare. Mo agéda ha a ku tu aboro Yuda nga agu yo ye rogo gayo abaakporo yo.
7
Isoke gayo kpesarawati ayé ku tu Yekova yo, ya aboro ni ba sa sa asá tiyo ti gayo gbigbita asino, bambiko kii gu zinga na gu ngariangaria zinga nga ga Yekova gbe, gumba ko pa ha kuti agi aboro re.”
8
Baruka wiri Neriya ki mangi agu apai dunduko Yeremaya nebi arugu ko na ni tipa geda pai rogo kaĩkaĩ waraga nga agu apai nga ga Yekova rogo ga Yekova bambu yo.
9
Ti gu bisue garã zogarago nga ga Yoyakima wiri Yosiya, bakindo aYudo, ti ribua diwi, agu aboro dunduko naadu Yerusarema yo na agu aboro dunduko naaye rogo abaakporo nga ga Yuda ku Yerusarema yo i ataki pande gina riahe ku bara bangiri Yekova.
10
Si du Baruka ki gedi agu apai nga ga Yeremaya rogo kaĩkaĩ waraga ku tu aboro yo dunduko, rogo ga Yekova bambu yo, vuru ga Gemaria bambu nangia wiri Safana, Safana nangia bakeapai; nga gu naadu ku vurukporo ku ngbi yo, ti barima nga ga Vovo Ngbadimo ti ga Yekova bambu.
11
Ho Mikaya wiri Gemaria agi agi apai ni dunduko re nga ga Yekova rogo kaĩkaĩ waraga, Gemaria angia wiri Safana,
12
ko ki ndu ku bakindo yo, ku vuru ga bakeapai bambu yo; abazogo dunduko asungu yo: Erisama bakewaraga, Daraya wiri Semariya, Erenatana wiri Akabora, Gemaria wiri Safana, Sedekiya wiri Anania, na abazogo dunduko.
13
Mikaya ki gumba agu apai dunduko fu yo nga gu ko agi, ho Baruka agedi kaĩkaĩ waraga ni ku tu aboro yo.
14
Si du abazogo dunduko ki kedi Yeudi wiri Netania, Netania angia wiri Seremaya, Seremaya ki ngia wiri Kusi, ka ya fu Baruka, “Mo dí gu kaĩkaĩ waraga ku bero nga gu mo agedi he ku tu aboro yo, ki ye.” Si du Baruka wiri Neriya ki di gu kaĩkaĩ waraga re ku beko ki ye koyo du yo ni.
15
I ki ya fu ko, “Mo súngu sande ka geda ha.” Si du Baruka ki gedi he fu yo.
16
Ho i agi agu apai ni dunduko re, i ki sa tiyo gu ni koyo du gu kurani ni na gunde; i ki ya fu Baruka, “Ani ka tingida pa agi apai dunduko re fu bakindo.”
17
I ki sana Baruka, “Mo gúmba ha fu rani, waĩ mo ake agi apai dunduko re? Si adu kuti gako gumba pai?”
18
Baruka ki karaga ha fu yo, ki ya, “Ko nagumba agi apai dunduko re fere, ho mi ake he ni na imewaraga ti kaĩkaĩ waraga.”
19
Abazogo ki ya fu Baruka, “Mo ndú ka gbu, oni na Yeremaya, ka boro aina nga ho du oni ni ya.”
20
Si du i ki ndu ku vurukporo yo koyo du bakindo ni, i namoi gu kaĩkaĩ waraga re ku vuru ga Erisama bambu yo nga bakeapai; i ki tingidi agu apai dunduko re fu bakindo.
21
Bakindo ki kedi Yeudi ko ndu ka dia gu kaĩkaĩ waraga re, vuru ga Erisama bambu yo nga bakeapai, Yeudi ki gedi he fu bakindo na fu agu abazogo dunduko narundu pati bakindo.
22
Si adu ti ribua diwi, bakindo asungu rogo bambuzere we ki du yo nikĩ baginda we yo bara bangiriko.
23
Wa Yeudi anigedi agene he biata watadu biama, bakindo ki niyepe he ni sape ki nibafu he ku we yo bagindawe yo, daho gu kaĩkaĩ waraga agbi ni dunduko re rogo gu we naadu bagindawe yo.
24
Ka bakindo agunde nga ya watadu gu ni sa dagba gako amoyambu nagi agi apai dunduko re a ya, ka i asira nga gayo roko a ya.
25
Zavura ho aErenatana na Deraya na Gemaria azúngadi bakindo ni ka ko zo nga gu kaĩkaĩ waraga re ya, ko akpi nga nyemu ka dega tuko fu yo te.
26
Bakindo ki rugu Yeremera wiri bakindo na Seraya wiri Azuriere na Seremaya wiri Abedere i zi Baruka nangia bakeapai na Yeremaya nangia nebi, ono Yekova aoko yo.
27
Were, fuo zo bakindo kaĩkaĩ waraga na agu apai nga gu Baruka ake he kuti sangba Yeremaya, sangba Yekova ki ye koyo du Yeremaya ni ki ya:
28
“Mo dí kura kaĩkaĩ waraga ki ke gu bambata apai dunduko nga gu naadu ti gu bambata kaĩkaĩ waraga re, nga gu Yoyakima bakindo aYudo azo ho.
29
Mo ayá tipa Yoyakima bakindo aYudo, ‘Ya Yekova wẽ, Mo nizo gu kaĩkaĩ waraga re, niya, “Tipagine ke mo pai ti ni rogo ho yo ya bakindo aBabero ayé ni rengo ka gbarasa gi ringara re, ki nyasi aboro na anya dunduko?”
30
Si du ya Yekova wẽ tipa Yoyakima bakindo aYudo, Boro adú nga fuo ko nikasunga auru ga Dawidi mbatabakindo te, i abá kangbako ku zegi yo fu faarago uru na fu bakere zerarago yuru.
31
Mi ki mbusi ko na awiriko na gako amoyambu tipa gayo irairapai; mi ayé na pai ku ri yo, na ku ri aboro Yuda, nga gu gbigbitapai dunduko mi agumba pa ha kuti yo, ono i akpi nga nyemu ka gia ha te.’ ”
32
Si du Yeremaya ki di kura kaĩkaĩ waraga ki fu he fu Baruka wiri Neriya nangia bakeapai, ko ki ke pai kuti sangba Yeremaya nga agu apai dunduko nga ga gu kaĩkaĩ waraga nga gu Yoyakima bakindo aYudo azo ho ku we yo; na dungu kura apai wa kina ha i agbia ha kuti ni.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52