Acts 14

Ahirani (आहिराणी नवा करार) - No Year

← Chapter 13 Jump to: Chapter 15 →

1इकुन्या शहर मा पौल आणि बर्णबा यहुदी लोकस्ना प्रार्थना घर मा एकत्र ग्यात. तठे तेस्नी असा मोठा प्रभाव कण वचन आयकाळ कि मोठी संख्या मा यहुदी आणि ग्रीक लोकस्नी विश्वास कर.

2पण विश्वास नई करणारा यहुदी लोकस्नी बिगर यहुदीस्ना मन मा विश्वासी भावूस्ना विरोध मा भळकाव आणि तेस्ना मा भाग पाळी टाक.

3पौल आणि बर्णबा गैरा दिन लगून तठे ऱ्हायनात. तठे तेस्नी परमेश्वर वर विश्वास करीसन हिम्मत कण परमेश्वर ना वचन ले सांग. परमेश्वर नि तेस्ले चिन्ह आणि चमत्कार करनी सामर्थ्य दिधी. परमेश्वर तेस्ना द्वारे आपला कृपा ना संदेश ले खर साबित करत ऱ्हायना.

4त्या नगर ना लोकस्मा फुट पळी जायेल होती, काही त्या यहुदी लोकस कळे ज्या येशु वर विश्वास नई करतस आणि काही पौल आणि बर्णबा नि गोष्ट मा सहमत होतात.

5जव दुसरा जाती आणि बिगर यहुदीस्नी तेस्ना अपमान आणि तेस्ना वर दगडफेक करासाठे आपला अधिकारीस संगे तेस्ना वर पयनात.

6तव पौल आणि बर्णबा ह्या गोष्ट ले समजी ग्यात, लुकवनिया क्षेत्र ना लुस्र नगर आणि दर्बे नगरस्मा, आणि आंगे-पांगे ना प्रदेशस्मा पईग्यात.

7आणि तठे परमेश्वर नि सुवार्ता आयकाळाले लागनात.

8लुस्र नगर मा एक माणुस होता जो जन्म पासून पायस कण लंगडा होता आणि कदीच चाली फिरू नई सकना.

9तो पौल ना प्रवचन आयकत होता. पौल नि तेना कळे ध्यान कण देख कि तेले बरा हुई जावाना विश्वास शे.

10पौल नि उच्चा शब्द मा सांग, “आपला पायस्वर सरळ उभा हो.” तव तो माणुस उदलीसन चाला-फिराले लागणा.

11लोकस्नी पौल ना हय काम देखीसन लुकवनिया नि भाषा मा उचा शब्द मा सांग, “देव माणुस ना रूप मा हुईसन आमना जोळे उतरी एयेल शे.”

12तेस्नी बर्णबा ले ग्रीक लोकस्ना ज्युस नाव दिधा, आणि पौल ले मर्क्युरी ना नाव दिधा कारण कि तो मुख्य संदेश सांगणारा होता.

13नगर ना बाहेर ज्युस ना मंदिर होता. ज्युस देवता ना पुजारी बईल व फूलस्ना हार लिसन शहर ना दरवाजा वर ईग्या कारण कि तो लोकस्ना संगे बलिदान कराना देखी ऱ्हायंता.

14प्रेषित पौल आणि बर्णबा ले जव हय माहित हुयन, त त्या गैरा चिंतामा पळीग्यात आणि तेस्नी आपला कपळा फाळात आणि गर्दी मा वाकी ग्यात आणि जोरमा सांगाले लागनात,

15“ओ लोकसहोण, तुमी काय करतस? आमी बी त तुमना सारखा दुख-सुख भोगणार लोक शेतस आणि तुमले सुवार्ता आयकाळतस कि तुमी या व्यर्थ वस्तुस्कन आल्लग हुईसन जित्ता परमेश्वर कळे या, जेनी आकाश पृथ्वी आणि समुद्र आणि जे काही तेस्ना मा शे बनायेल शे.”

16तेनी पयला टाईम मा सर्वा जातीस्ले आपला मन ना नुसार देवतास्नी उपासना करू दिधा.

17तरी बी तो कायम आपला अस्तित्व ना प्रमाण त्या चांगला कामस्ना द्वारे देस. आकाश तून पाणी आणि चांगला पिक दिसन तुमना साठे जेवण आणि तुमना मन ले खुशी कण भरत ऱ्हायना.

18तेस्नी इतल सांगीसन बी लोकस्ले तेस्ना साठे बलिदान करावर मोठा कष्ट कण रोकी सकनात.

19पण काही यहुदी लोकस्नी अंत्युखिया शहर आणि इकुन्या शहर मधून ईसन लोकस्ले आपला कळे करी लीधा, व पौल वर दगडफेक कर, आणि तेले मरेल समजीसन नगर ना बाहेर घसळीसन ली ग्यात.

20पण जव तेना शिष्य चारीस कळे ईसन उभा ऱ्हायनात, त तो उठीसन शहर मा परत ग्या आणि दुसरा दिन बर्णबा संगे दर्बे नगर ले चालना ग्या.

21प्रेषित पौल आणि बर्णबा त्या नगर ना लोकस्ले सुवार्ता आयकाळीसन, गैरा शिष्य बनाईसन तठून लुस्र नगर मा ग्यात, मंग तठून इकुन्या शहर मा ग्यात, मंग तठून त्या पिसिदिया प्रांत ना अंत्युखिया शहर ले ग्यात.

22त्या प्रत्येक नगर मा शिष्यस्ले स्थिर करत आणि प्रोत्साहित करत हय शिक्षा देत ऱ्हायनात कि विश्वास मा बनीसन राहा. त्या तेस्ले हय याद देवाळीसन सांगत होतात कि, “आमले मोठा दुख उचलीसन परमेश्वर ना राज्य मा प्रवेश करन पळीन.”

23पौल आणि बर्णबा नि प्रत्येक मंडळी मा तेस्ना साठे वरिष्ठ ठराव, आणि उपवास धरीसन प्रार्थना करीसन तेस्ले प्रभु येशु ले सोप जेनावर तेस्नी विश्वास करेल होत.

24येणा नंतर पौल आणि बर्णबा पिसिदिया प्रांत मधून जात पंफुलिया प्रांत मा पोचनात.

25पिसिदिया प्रांत मा तेस्नी पिर्गा नगर मा परमेश्वर ना वचन आयकाळीसन आणि मंग अत्तलिया शहर मा ग्यात.

26तठून त्या जहाज ना द्वारे अंत्युखिया शहर ले परती ग्यात, जठून तेस्ले परमेश्वर नि कृपा मा सोपीसन त्या काम साठे धाळामा उना जेले त्या आते पुरा करीसन परती एयेल होतात.

27तठे पोहोचीसन तेस्नी मंडळी ना लोकस्ले एकत्रीत कर आणि सांग कि परमेश्वर नि आमना संगे हुईसन कसा मोठा-मोठा काम करना. कसा परमेश्वर नि बिगर यहुदीस्ले येशु ख्रिस्त वर विश्वास कराना साठे दरवाजा उघाळी टाकात.

28पौल आणि बर्णबा शिष्य संगे गैरा दिनस लगून ऱ्हायनात.

← Chapter 13 Jump to: Chapter 15 →