Psalms 39

Chin (Mara Bible RV (BSI))

← Chapter 38 Jump to: Chapter 40 →

1“Ei paleih ta hmo a parao lei nawpa ta, Ei yziezy a phapa ta vaih aw na ta; Moleipazy ei mohmô liata ama y chhôh zydua cha, Ei pakah he hmao hina ta ei hi aw,” tah na ta.

2Reih pathlie leipa ta a chalihpa ta, Bie phapa chhao reih leipa ta y na ta; Châhrasala ei pachârôhna a pôh rili.

3Ei chhôhsolôh thata sah ta, Ei pachâna mei hawhta kâ ta, Ei paleih ta ei reih ha bâ.

4“Hy Abeipa, ei chhâ nawpa daihti na pahnosa la, Ei hro chhôh noh awpa zie na chhopa ta, Ei hrona dadiehzie he na pahnosa mah y!

5Ei hro nohzy he pazah tie deita ta tao chi ta, Na hmiakô liata la ei hro chhôh kôzy he khazie hmah châ vei. Chyhsapa hrona he la, Ei kha husopa hawh dei na a vaw châ.

6A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

7“Hy Abeipa, tahmâ he khâpa ma ei hâ chy tly? Ei hnabeiseihna cha nâ liata y tlôh ta.

8Ei paraona zydua tawhta na pachha la, Ahrupa mohnao awpa ta na tao khah y!

9Nâma hmotaopa a châpa vâta, Reih pathlie leipa ta y na ta, Pakah â leipa ta ei chalih.

10Ei hmahphaopa he na lapa ha mah y, Na kupathlana vâta ei rao khai ha hih.

11Chyhsapa cha a moleina vâta chhorei chi ta, A kho chaipa hmo chhao chhoma-u hawhta na niepa tyh. Chyhsa zydua he ei kha husopa hawh dei ama vaw châ tlai he!

12“Hy Abeipa, ei thlahchhâna theipa ta, Ei awhna lâ he nah vaw pachôh la, Ei mothlihzy he a chalihsai khah y! Na hnohta khitlyhpa châ na ta, Nâ pathlatuhpazy hawhna khata, Khichhaipa dei ei châ hih.

13Sie aw na ta hmô khao leipa ta ei y hlâta, Buakha chhâ ei ly heih thei nawpa ta, Hmô lei nâ pachâ chy mah y!”

← Chapter 38 Jump to: Chapter 40 →