Psalms 5

Chin (Mara Bible RV (BSI))

← Chapter 4 Jump to: Chapter 6 →

1Hy Abeipa, ei bie nathlie la, Ei hrôna kyh he pachâ mah y.

2Ei Beipa nata ei Khazohpa, Ei awna ao he nathlie mah y, Nâma lâ thlah a chhâpa ei châ hih.

3Hy Abeipa, my ta ei ao thei mah y, My ta nâma lâ thlahchhâ na ta, ei cha hâ.

4Nâ cha paraona liata a lypa Khazohpa na châ leipa vâta, Moleipa cha na hnohta pahrâ thei aw vei.

5Apalaipazy cha na mohmô liata a duah thei aw veih ei, Hmo moleipa a taopa zydua a hao tlôh chi ta.

6Haipa bie a reihpazy pahleipadia chi ta, Thisaih palo hmâhpa nata dôvei thaipazy cha, Abeipa ta â hao ei.

7Kei deikua cha na zawngiahna hluh ngaitapa vâta, Na o liata a ngia thei aw na ta; Nâma china chôta, Na Achhyna o pathaihpa lâ a heipa ta ei bôh aw.

8Hy Abeipa, ei chariahpazy vâta na siana liata nâ chhi la, Ei hmiakô liata na lâpi patlâsa mah y.

9Ama pakah liata ngâchhihna y leipa ta, Ama palôh cha paraona ta a bie. Ama rao cha thlâ a pahypa châ ta, Ama paleih ta hmiahmô ama châ tyh.

10Hy Khazohpa, âmo cha thaileichâpa ta phuah la, Ama ryhraona tlai ta pao ei sala, Ama moleina hluhpi vâta âmo cha thy ha mah y, Nâma châ dyuhpa ama châ hih.

11Nâma châ chhaipa zydua deikua a ly ei sala, Alyna hla khâ sa mawh ei sy; Na vaina poh ta âmo cha khu la, Na moh a pasôpazy nâ liata a ly mawh ei sy.

12Hy Abeipa, nâ cha mosiapazy byhnâ a pietuhpa châ chi ta, Na khokheina ta vyhphao hawhta âmo na dôhkhâh tyh.

← Chapter 4 Jump to: Chapter 6 →