Job 12

Dagbani Bible (Naawuni Kundi Kasi)

← Chapter 11 Jump to: Chapter 13 →

1Di saha ka Ayuba daa garigi yɛli,

2“Biɛhiŋ kani yinima n-nyɛ niriba maa, ka yi yi kpi, yɛm ni kpi.

3Amaa m mali yɛm kaman yi gba ni mali yɛm shɛm maa. M pala ŋun biɛhigu pooi yi biɛhigu; ka ŋuni n-lee bi mi dimbɔŋɔnima?

4N zɔnim’ larila mani ŋun suhi Naawuni ka o deei n suhigu ŋɔ, mani ŋun nyɛ ninvuɣ’ suŋ ŋun ka galimi ŋɔ, ka bɛ lari ma.

5Ninvuɣ’ shɛb’ bɛn nya vuhim ʒiɛmdila bɛn nya yɛl’ biɛri, amaa ka di lee mali shili gu bɛn naba bi ʒe viɛnyɛliŋga.

6Suhudoo be ŋmɛnditoya yinsi, ka ninvuɣ’ shɛb’ bɛn zaŋ bɛ wuna niŋ bɛmaŋmaŋ’ nuu ni, ka nyɛ bɛn chɛ ka Naawuni suhu yiɣisiri ŋɔ lee nyɛ bɛn yiri barina ni.

7Amaa bɔhimi biŋkɔbiri ka bɛ wuh’ a; ka bɔhi noonsi ka bɛ yɛl’ a;

8bɔhim’ dunia ni tihi ka di wuh’ a; ka teeku ni zahim ni yɛl’ a.

9Bɛ ni ŋuni n-lee bi mi ni Naawuni nuu n-tum tuuni ŋɔ?

10O nuu ni ka binnɛɔŋ kam nyɛvili mini ninsal’ kam vuhim be.

11Tibili bi wumdila yɛtɔɣa ka zahindi li kaman zilinli ni lamdi bindirigu shɛm la?

12Yɛm bi bela ninkura sani, ka baŋsim mi bi bela nir’ yuusim ni?

13Yɛm mini kpiɔŋ zaa bela Naawuni sani, ŋuna m-mali ninkurilim mini baŋsim yɛtɔɣa.

14Ka o yi wurim binshɛli, so ku tooi lan me li zali. O yi kpɛhi so duu, so ku tooi yooi dilan’ bahi.

15O yi taɣi saa zali, binshɛɣukam kuurimi; o yi bahi saa, kom din’ puhigi tiŋgban’ ni zaa.

16Kpiɔŋ mini yɛm zaa bela o sani, ŋuna n-su ŋun yɔhindi niriba min’ o ni yɔhindi shɛb’ zaa.

17Ŋuna n-fari ninkura yɛm ka mali ba chana; ka chɛ ka sariakaritiba leeri jɛra.

18Ŋuna n-yeeri nanim’ kpariti, ka sooni ba piɛtɔnima.

19Ŋuna n-fuɣiri maligumaaniba situra ka mali ba chana, ka luhiri wɔɣira.

20Ŋuna n-chɛ ka niriba ni niŋ shɛb’ naani leeri biriti, ka mɔŋdi kpamba baŋsim.

21Ŋuna n-dihiri nabihi vi, ka lɔrigiri bɛn mali kpiɔŋ shɛlɔriti.

22Ŋuna n-yihiri teeku bulli puuni zibisim, ka chɛ ka neesim neeri zibisim titali ni.

23Ŋuna n-chɛ ka zuliya niŋdi yaa, di nyaaŋa ka o bahi ba yoli. Ŋuna n-chɛ ka zuliya yɛligira, di nyaaŋa ka o zaŋ ba bahi.

24Ŋuna n-deeri dunia ŋɔ zuɣulaannim’ yɛm ka chɛ ka bɛ dari gindi mɔɣu.

25Bɛ bɔbindimi gindi liɣa, ka ka firila, ka o chɛ ka bɛ ʒiɛhiri gindi kaman nir’ ni nyu dam kul’ la.

← Chapter 11 Jump to: Chapter 13 →