Job 26

Dagbani Bible (Naawuni Kundi Kasi)

← Chapter 25 Jump to: Chapter 27 →

1Di saha ka Ayuba daa garigi yɛli,

2“Yi sɔŋ ninvuɣ’ so ŋun ka yiko pam; yi tiligi bɔɣu din ka yaa ŋɔ.

3Yi zaŋ kpamli yɛtɔɣa tɔɣisi ninvuɣ’ so ŋun ka yɛm, ka tɔɣisi yɛm yɛtɔɣa pam.

4Ŋuni n-lee sɔŋ ya ka yi tɔɣisi yɛtɔɣa ŋɔ? Ka ŋuni shia n-lee yi yi sanna maa?”

5“Kpiimba shihi sɔhirimi, ka bɛn be kpiimba biɛhigu shee sɔhira.

6Kpiimba biɛhigu shee dola palo ni Naawuni tooni, ka bahiyoli ka binshɛli din ni pili.

7Ŋuna n-daa yɛrigi nuzaa polo sagbana limsi vau, ka daa bi zaŋ dunia ŋɔ yili binshɛli.

8Ŋuna n-daa zaŋ kom niŋ o sagban’ tibisa ni, ka sagbana maa bi cheei.

9Ŋuna n-zaŋ bini pɔbi goli muni ninni, ka yɛrig’ o sagbani pa di zuɣu.

10Ŋuna m-booi booli pa teeku kom zuɣu luɣ’ shɛli neesim mini zibisim ni chirigi taba.

11Zuɣusaa daantalisi sɔhigimi, ka di gari ba o ni kpahi bɛ zuɣu ni maa zuɣu.

12O yiko ni ka o chɛ ka teeku fo n-dɔni baalim. O yɛm ka o daa zaŋ ku Reehab.

13O vuhim pɔhim daa ʒe n-neei zuɣusaa, ka o daa zaŋ o nuu kuhi wahu ŋun zɔri ni o tiligi.

14Dimbɔŋɔnim’ shiri nyɛla o yiko yaɣ’ shɛli polo, ka ti ni wumd’ o yɛla shɛm pɔra pam. Amaa o yiko din galisi ŋɔ, ŋuni n-lee ni tooi baŋ li?”

← Chapter 25 Jump to: Chapter 27 →