bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 11
2 Kings 11
Gussi (EBIBILIA ENCHENU) 2020
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 12 →
1
Bono ekero Atalia, ng’ina Ahasia, aroche ng’a omwana oye okure, akaimoka, agaita eamate yonsi y’omoruoti.
2
Korende Yehoseba, mosubati o Yehoramu omoruoti, omosubati omwabo Ahasia, akaira Yoashi, mosinto bw’Ahasia, bobisi korwa ase egati y’abana b’omoruoti, baria barenge ang’e goitwa. Omoiseke oria akamobeka amo nomoreri oye ase akanyomba g’okorara. Ase enchera eye akabisa Yoashi ng’a Atalia tamoita.
3
Nyuma y’ayio Yoashi akaba okomenya amo na Yehoseba ase enyomba y’Omonene, ase abisetwe ase engaki y’emiaka etano nomo, ekero Atalia agendererete kogambera ense eria.
4
Ase omwaka o gatano na kabere, Yehoyada agatoma amang’ana korenta abatang’ani b’abarendi amagana b’omoruoti, na ab’enyomba y’omoruoti, akabairana ase enyomba y’Omonene, agakora okobwatana kw’ogotianania nabarabwo, na akagera bakaria chimuma agwo ase enyomba y’Omonene. Erio akaborokia omwana oria bw’omoruoti.
5
Akabachika, akabora, “Eke nakio egento morakore: Ensemo eyemo ya isato yaino, baria bakorenda ase rituko ri’Esabato, barende enyomba y’Omoruoti,
6
na ensemo ende ya isato barende ase Egeita gia Suri, na ensemo ende ya isato barende ase egeita magega y’abarendi. Naboigo mobe mokorenda ase enyomba y’omoruoti.
7
Ebiombe bibere biaino biria bire ne ribaga ase rituko ri’Esabato, nigo birabe bikorenda enyomba y’Omonene ase omoruoti are.
8
Moetanane omoruoti chinsemo chionsi, kera oyomo abwate ebirwanero biaye koboko, na omonto onde bwensi oraike ang’e ase abarendi goika aitwe akwe. Mobe amo nomoruoti aase ande onsi akogenda na koirana.”
9
Abatang’ani baria b’abarendi amagana bagakora onsi koreng’ana buna Yehoyada omokuani abachigete. Kera oyomo akarenta abanto baye, baria barenge gokora emeremo ase rituko ri’Esabato na baria barenge korua ase emeremo ase rituko erio. Igo bakagenda ase Yehoyada omokuani.
10
Omokuani akaa abatang’ani baria amatimo ne chinguba chiria chiarenge echi’omoruoti Daudi; ebinto ebio biarenge ime ase enyomba y’Omonene.
11
Na abarendi baria bagatenena korwa ensemo ya irianyi y’enyomba goika ensemo ya sugusu, bagaetanana omorouti ang’e negesasimero na enyomba yonsi; kera oyomo obo obwate ebirwanero koboko kwaye.
12
Erio Yehoyada akarenta omwana oria omomura bw’omoruoti isiko, akamobekera egutwa ase omotwe oye, naende akamoa Ebuku y’Oborori. Erio Yoashi akararigwa ng’a obeire omoruoti, na agaakwa amaguta. Abanto bagaaka chinkobi, bagateba, “Omoruoti ochie kare!”
13
Ekero Atalia aigwete amariogi ’abarendi na ay’abanto bonsi, agasoa enyomba y’Omonene ase abanto basangererekanete.
14
Atalia akarora omoruoti oteneine ang’e nesiiro buna engencho yarenge. Abatang’ani na abanto abarenge kobugia ebirombeta bateneine mbarabare y’omoruoti, na abanto bonsi b’ense eria nigo barenge nomochengo, bakobugia ebirombeta. Atalia agatandora chianga chiaye, akarera, “Oko nokoregwa! Nokoregwa!”
15
Yehoyada omokuani agachika abatang’ani b’abarwani esegi amagana, akabatebia, “Mosokie isiko, momobeke ase egati y’abarendi, na moite nomoro onde bwensi okomotunyana.” Omokuani tanchete omokungu oria aiterwe ime ase enyomba y’Omonene.
16
Ase ayio bakabwata omokungu oria, bakamoetia ase egeita chibarasi chiarenge gosoera gochia ase enyomba y’omoruoti, bakamoitera aroro.
17
Yehoyada agakora okobwatana kw’ogotianania egati y’Omonene na omoruoti amo nabanto, ng’a barabwo babe abanto b’Omonene; boigo agakora okobwatana kw’ogotianania egati y’omoruoti na abanto.
18
Erio abanto bonsi b’ense eria bakagenda ase enyomba ya Baali, bakayetagora bakayeiyeria inse; ebisasimero biaye na emegwekano yaye agosasima bakabinachana ebing’ese, bagaita Matani, omokuani o Baali, agwo bosio bw’ebisasimero. Na Yehoyada omokuani akabeka abarendi barende enyomba y’Omonene.
19
Nyuma y’ayio akaira abatang’ani baria b’amagana, na abarendi b’omoruoti, na abarendi b’enyomba y’omoruoti, na abanto bonsi b’ense eria, na barabwo bakarusia omoruoti korwa ase enyomba y’Omonene, bakamoetia ase Egeita ki’Abarendi gochia ase enyomba y’omoruoti. Erio omoruoti agaikaransa ase ekerogo ki’oboruoti.
20
Abanto bonsi b’ense eria bakaba nomochengo; na omochie okaba omotoereru, ekiagera Atalia aitirwe nomoro, agwo ase enyomba y’omoruoti.
21
Yoashi nigo arenge nemiaka etano na ebere ekero achagete kogamba.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25