bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 21
2 Kings 21
Gussi (EBIBILIA ENCHENU) 2020
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
1
Manase nigo arenge nemiaka ikomi na ebere, ekero achagete kogamba, na akagamba emiaka emerongo etano, na etano, agwo Yerusalemu. Ng’ina nigo arenge korokwa Hebisiba.
2
Manase agakora ayare amabe ase obosio bw’Omonene, koreng’ana ne chingencho chi’okogechia chi’ebisaku biria Omonene aseretie korwa ase Abaisraeli.
3
Akaagacha naende aase aimokererete igoro agosasimerwa, aria Hezekia ise asaretie. Naende agatenenia ebisasimero bia Baali, na akaroisia omote bw’Asera, enyasae eria enkungu, buna Ahabu, omoruoti bw’Abaisraeli akorete. Agasasima erioba, na omotienyi, ne ching’enang’eni, ebitongwa bia igoro, akabikorera.
4
Naende akaagacha ebisasimero ase enyomba y’Omonene ime, agwo ase Omonene akwanete igoro yaye agateba, “Ase Yerusalemu nao ndabeke erieta riane.”
5
Akaagachera ebitongwa biria bionsi bia igoro ebisasimero agwo ase chiraaro ibere chi’enyomba y’Omonene.
6
Agasamba omwana oye omomura akamokora ekeng’wanso; akaba ogokora oborogi na oboragori, na akaboria ogosemigwa korwa ase emeika y’abanto bakwete, na akenaria oborogi bonde. Agakora amabe amange ase obosio bw’Omonene, akamogechia goika akaba nendamwamu.
7
Omote oria bw’Asera obaachire akayobeka ime ase enyomba y’Omonene, eyio Omonene akwanete igoro yaye, agatebia Daudi na Sulemani, omwana oye omomura, “Ase enyomba eye na ase Yerusalemu, omochie oyio nachorire korwa ase ebisaku bionsi bi’Abaisraeli, nao ndabeke erieta riane ribe aroro kogenderera botambe.
8
Onye Abaisraeli bagochia korenda na gokora aya onsi nabachigete koreng’ana namachiko ayio Musa, omosomba one, abaete, rirorio tingotiga naende Abaisraeli barue ase ense eye naete chisokoro chiabo.”
9
Korende tibaigwerete, na Manase akabaebereria bagakora ayare amabe goetania aria abanto b’ebisaku bakorete, baria Omonene asiretie korwa ase amaiso ’Abaisraeli.
10
Omonene agakwana goetera ase abasomba baye ababani, agateba,
11
“Manase, omoruoti bw’Abayuda, okorire okogechia okonge. Ere okorire ogosaria okonge goetania koria Abaamori bakorete, baria barengeo ritang’ani asare, naende ogerire Abayuda bakorire ebibe ase engencho y’emegwekano yaye agosasima.
12
Ase ayio, aya naro inche Omonene, Nyasae bw’Abaisraeli, ngoteba; Rora, nindete igoro ya Yerusalemu na igoro y’Abayuda obobe obonene, na kera omonto noboigwe, na amato aye abere nabe akoeera.
13
Nindambore igoro ase Yerusalemu ekerengo keria ki’egesusuro kiarengete Samaria, na ekebiro keria kiarengete enyomba y’Ahabu. Nintinyie Yerusalemu buna omonto agotinyia esani na koyeumamia ebe bosa.
14
Nimbatugute abatigari b’omwando one, imbabeke ase amaboko ’ababisa babo, na barabwo babe abooswa bairwe nababisa babo,
15
ekiagera bakorire ayare amabe ase obosio bwane, na botambe nigo kongechia nabeire nendamwamu, korwa ase amatuko aria chisokoro chiabo chiarwete Misiri goika rero iga.”
16
Amo nayio Manase naiterete amanyinga ay’abange batarenge na komocha, goika agaichora Yerusalemu ase chinsemo chionsi namanyinga ayio, komenta nebibe biria akorete akagera Abayuda bagakora ebibe na gokora ayare amabe ase obosio bw’Omonene.
17
Bono amang’ana ande onsi igoro ya Manase, na aya onsi akorete, na ebibe biria akorete, nigo arikire ase Ebuku y’ogokora kw’Abaruoti b’Abayuda.
18
Manase akarara ase chisokoro chiaye chiararete, agatindekwa ase omogondo bw’enyomba yaye oria orenge o Usa; na Amoni, omwana oye omomura, akaba okogamba ase ribaga riaye.
19
Amoni nigo arenge nemiaka emerongo ebere, na ebere, ekero achagete kogamba, na akagamba emiaka ebere agwo Yerusalemu. Ng’ina nigo arenge korokwa Mesulemeti, mosubati o Harusi korwa Yotiba.
20
Amoni agakora ayare amabe ase obosio bw’Omonene, buna ise akorete.
21
Akabwatia chinchera chionsi chiria ise abwatetie. Agakorera emegwekano eria ise akorerete, na akayesasima.
22
Agatiga Omonene, Nyasae bwe chisokoro chiaye, tabwatetie enchera yaye.
23
Abasomba b’Amoni bagakora omoroberio bw’okomoita, bakamoitera ase enyomba yaye ime.
24
Korende abanto b’ense eria bagaita abanto bonsi baria bakorete omoroberio bw’ogoita Amoni omoruoti, na bakabeka Yosia, omwana oye omomura, akaba omoruoti ase ribaga riaye.
25
Bono amang’ana ande onsi igoro y’Amoni na aya akorete, nigo arikire ase Ebuku y’ogokora kw’Abaruoti b’Abayuda.
26
Amoni agatindekwa ase embeera yaye ase omogondo o Usa; na Yosia, omwana oye omomura, akaba okogamba ase ribaga riaye.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25