bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 19
2 Kings 19
Gussi (EBIBILIA ENCHENU) 2020
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 20 →
1
Ekero Hezekia omoruoti aigwete amang’ana ayio, agatandora chianga chiaye, akeboyia chianga chie chigunia, erio agasoa ase enyomba y’Omonene.
2
Agatoma Eliakimu, oria orenge omoteneneri bw’enyomba yaye, na Sebuna omoriki, na abakuani abagaaka, beboyetie chianga chie chigunia, bakagenda ase Isaya omobani mosinto bw’Amosi.
3
Abanto abwo bakamotebia, “Aya naro Hezekia agoteba: Rituko ria rero neri’obororo na egesusuro, na ogochaywa. Abana babeire ang’e baiborwe, korende chinguru chi’okobasukia basoke chiaborire.
4
Omoruoti bw’Abaasuri natoma omochiki oye omonene korama Nyasae ore moyo. Omonene, Nyasae oo, naigwe amang’ana ayio onsi na amoe egesusuro ase ayio. Bono aye sabera abanto batigarete.”
5
Ekero abasomba ba Hezekia omoruoti baigete ase Isaya,
6
Isaya akabatebia, “Genda motebie omonene oino ng’a aya naro Omonene agoteba: Tobaisa koiroka ase engencho y’amang’ana ayio kwaigure abasomba b’omoruoti bw’Abaasuri batebire ase okondama.
7
Rora nimbeke omoika gete ime yaye, erio ekero araigwe chinkuma airoke, airane gochia ase ense yaye; nimoiyerie aitwe nomoro agwo ase ense yaye omonyene.”
8
Omochiki oria akairana, akanyora omoruoti bw’Abaasuri okorwana na Libuna, ekiagera aigwete ng’a omoruoti konya orure Lakisi.
9
Na ekero omoruoti bw’Abaasuri aigwete amang’ana ng’a Tirihaka, omoruoti bw’Abaetiopia, ochire korwana esegi nere, agatoma abanto ase Hezekia naende, akabatebia,
10
“Aya naro moratebie Hezekia, omoruoti bw’Abayuda: Tobaisa gwancha Nyasae oyio oo osemeretie akong’aine, erinde orengererie ng’a Yerusalemu tokobekwa ase okoboko kw’omoruoti bw’Abaasuri.
11
Aye kwaigure aya abaruoti b’Abaasuri bakoreire chinse chionsi, bachisaririe kegima. Inee! Aye bono notooreke?
12
Inee! Chinyasae chi’ebisaku chiatooririe ebisaku biria chisokoro chiane chiasiretie, ebisaku bia Gosani, na Harani, na Resefu, na abanto b’Edeni, baria barenge agwo Telasari?
13
Ing’ai omoruoti o Hamati are, gose omoruoti bw’Aripadi, na oyo bw’omochie o Sefariwaimu, na oyo o Hena, gose oyo o Iwa?”
14
Hezekia akaegwa rirube korwa ase abanto baria batometwe, akarisoma, erio akagenda ase enyomba y’Omonene, akarirambora ase obosio bw’Omonene.
15
Aroro agwo agasaba ase obosio bw’Omonene, agateba, “Aye Omonene, Nyasae bw’Abaisraeli, aye omenyete nobonene bwao igoro y’Abakerubi, aye naye Nyasae, naye bweka ore igoro y’amaruoti onsi ay’ense; naye gwatongete igoro na ense.
16
Aye Omonene, tegerera oigwe! Aye Omonene, rigereria orore! Oigwe amang’ana a Senakeribu, aya atomire ase ogokorama aye Nyasae ore moyo.
17
Aye Omonene, nekeene ng’a abaruoti b’Abaasuri basiririe abanto b’ebisaku ne chinse chiabo,
18
batugutire chinyasae chi’abanto abwo ase omorero, ekiagera chirochio tichiri Nyasae, korende nemeremo y’amaboko ’abanto, chiroisirie korwa ase emete na amagena; ase ayio chigasirigwa.
19
Bono Omonene, Nyasae oito, totoorie, nagosoroire totoorie korwa ase okoboko kwaye, erio amaruoti onsi ay’ense amanye ng’a aye Omonene, naye bweka ore Nyasae.”
20
Erio Isaya, mosinto bw’Amosi, agatoma amang’ana ase Hezekia, agateba, “Aya naro Omonene, Nyasae bw’Abaisraeli, agoteba: Naigure amang’ana gwansabire igoro ya Senakeribu, omoruoti bw’Abaasuri.
21
Erio nario ring’ana Omonene akwanire: Aye Senakeribu, Sayoni omochie ore buna omoiseke omwekungi nigo ogochayete na kogosekerera; omochie o Yerusalemu nigo ogosingiseria omotwe magega yao.
22
Aye ning’o gwasekereire na korama? Ning’o gwaakeire eriogi riao ase oboenenu na kweimokereirie igoro kore namaiso ’oboenenu? Aye kwabeire mamincha y’Omonene bw’Abaisraeli.
23
Goetera ase abanto bao gwatomete kwamochecheirie Omonene, ekero gwatebire: Nase chigari chiane chinyinge nariinire goika ebichuria bi’ebitunwa, goika igoro kegima ya Lebanoni. Ngatema emecharake emetambe goetania eyende, na emetarakwa yaye emiya mono. Ngasoa ase ebinunchi biaye ime, na ime ase rinani riaye rinoru.
24
Ngakunya chinsoko naende nkanywa amache ’abanto be chinse ching’ao, ngakamia chindooche chionsi chia Misiri ne ribarato ri’okogoro kwane.
25
“Inee! Aye tikwana koigwa ng’a nigo nachigete ayio kare, ngakora emeroberio eyio ase amatuko a kare? Bono ngoikerania inde amang’ana ayio ng’a aye osarie emechie egiteire chindwaki ebe amaturi are chitui chi’amagena.
26
Abanto be chinse echio nigo barenge abareu batari na nguru, bakaondoka na gosookigwa, bakaba buna ebimeri bire mogondo, na buna obonyansi oborere, buna obonyansi bomerete kerama igoro bogosusana botarakina.
27
“Korende nimanyete ekero oikaransete, na ekero ogosoka isiko na okoirana. Boigo nimanyete buna ore nekeririanda asende.
28
Ekiagera kwabeire na kerokio asende, na oboenenu bwao bwaikire ase amato aane, nimbeke ekegobanio ase chimioro chiao ime na ekeokio kiane ki’ogokoraa ase omonwa oo; ninkoiranie ogende ase enchera eria gwacherete.
29
“Eke nakio ekemanyererio asore aye Hezekia: Omwaka oyo inamorie endagera ekwemeria yoka enyene, na omwaka o kabere boigo. Erio omwaka o gatato mobusure na kogesa, mosimeke emesabibu ase emegondo na morie okwama kwabo.
30
Na abatigari b’enyomba ya Yuda abaratooreke mbaame buna ebimeri biirete emeri inse mono bikinete gochia igoro, bikwama amatunda,
31
ekiagera abatigari mbache korwa ase Yerusalemu na korwa ase egetunwa gia Sayoni ekeombe ki’abanto baratooreke. Risemi ri’Omonene ndiikeranie ring’ana erio.
32
“Aya naro Omonene agoteba igoro y’omoruoti bw’Abaasuri: Ere tagocha ase omochie oyo, gose takorasa omogwe agwo; tagocha ase omochie oyo obogoretie chinguba, gose takoagacha orwaki bosio bwaye.
33
Naende nigo agoteba ng’a ase enchera eria acherete, eyio nero arairanere, naende takonyara gosoa ase omochie oyo.
34
Inche ning’egere omochie oyo na inyotoorie, ase engencho yane inche omonyene, na ase engencho ya Daudi, omosomba one.”
35
Ase obotuko boria omomalaika bw’Omonene akagenda ase egetwori ki’Abaasuri, agaita abanto chilifu rigana erimo na emerongo etano na etato na isano (185,000). Ekero abanto babogete mambia, bakarora emebere y’abanto bakwete aande onsi.
36
Senakeribu, omoruoti bw’Abaasuri, akarua agwo, akagenda nka bwoye akamenya Nineva.
37
Ekero arenge gosasima ime ase enyomba ya Nisiroki, enyasae yaye, Adarameleki na Sareseri, abamura baye, bakamoita nemioro; erio bagatama gochia ase ense y’Ararati, na Esara‐Hadoni, omomura oye, akaba okogamba ase ribaga riaye.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25